الله يرحم حبنا اللي قتلتيه
جفت دموعي والبقا في حياتك
يا للأسف كل الاسف ما بكيتيه
انتي الغرور اعماك مع حب ذاتك
انتي بديتي الحب وانتي نهيتيه
اقري عليه الفاتحه في صلاتك
انتي رعيتي الحب وانتي طعنتيه
توني دريت ان الغدر من صفاتك
انتي شربتي الحب مني وبعتيه
عسى الثمن يكون سبت غناتك
انتي بنيتي الحب وانتي هدمتيه
الله واكبر من يسوي سواتك
انتي رسمتي الدرب بس مامشيتيه
اعماك عن درب الغرام التفاتك
انتي كتبتي العهد وانتي مسحتيه
محاوله تزوير في ذكرياتك
مره لبستي الحب مره فصختيه
هذا الهوى لا تحسبينه عباتك
قلتي احفظيه تذكار واقول ما ابيه
تذكار حبي هو شهادة وفاتك
خلي جمالك ينفعك واستغليه
روحي ورى اللي قال لك ياحلاتك
اخذي الهوى واياك ليش احتفظ فيه
يمكن يجي له يوم يهدم حياتك
تحياتي
لكم
اخوكم
™سـ ـمـ ـو®
العرض العادي
