أكتب شعور عيّت حروف الكلام تشيله
أكتب رسالة شوق وعذاب مغلفة باحزاني
أكتب وعيني تنضح دمع ماهي بالمعنى قليلة
أكتب وقلبي شرار ونار وهيجان بركان
لومالنار راح خطي وانمحى مالدموع الهميلة
ولو مالدمع إحترقت بقايا شعور إنسان
حبيبتي ماذكر إني أخطيت ولاانكتبت علي الرذيلة
بس باعتذر ولو ماكفى أكيد باعتذر ثاني
لا نهاري نهار ولا اتهنيت أبد نوم ليلة
تعذبت برضاك واتعذب الحين من خل جفاني
كنت أنتظر و أعد الأيام تجمعنا يا أصيلة
واعيش قربك و أظل باقي العمر هاني
ما دريت الحساد يعدون أية وسيلة
كل همهم الفرقا و تشتيت جمع خلان
يا منى عيني , حياتي أقدمها لك سهيلة
ماني بعايش دام لك جفن علي زعلان
لا تسمع الواشين ولا يغرك حكيهم بالحيلة
الله أكبر عليهم , ما يراعون ذمة إنسان
مثل الوحش في صحرا جرد لا عيّا دليله
ينهش في لحم صاحبه ولو كانوا مثل الأخوان
يا بنت ترفقي بحالي يا ذات المعاني الجليلة
ما يخفى عليك قول العليم في صفح قرآن
إن ياكم عذول بأخبار ولو كانت في سبيله
تحرحى عنها عن تصبح عقبها ندمان
أنا راض بحكمك علي ولو حكمت بالقتيلة
دامك تحريت الصدق ماني عليك بزعلان