والله وطالت الغيبة وصار القلب يسئلني
وأنا أتهرب .. أخاف أجاوب ودمعي يسابقني
والله وصار لك مده.... ولاحتى رسالة عذر
وش أسباب البطا قولي .. عسى بس ما نسيتيني
عسى بس ما تغيرتي .. عسى بس ما تكبرتي
عسى بس ما لقيتي قلب ..ادفا من حنايايا
* * *
نسيتيني ؟؟ نسيتي حرفي الدافي ؟؟
نسيتي الشعر والروعه وغزل أروع من الثاني
نسيتي كم سهرنا ليل وتسامرنا وتهامسنا
وتعاتبنا بعتب اهدا من النسمه
أنا بالله عليك اخطيت ؟؟ دخيلك جاوبي يالله
كذا يعجبك ...ما نام الليل أفكر فيك
وإذا نمته يجيني طيفك بنومي
يناديني !!.. اجي يمه!! .. يصد عني !!
واظل امشي ورى صوته .. و أشوفه حلم يتلاشى
و سرابه يغري العطشان .. أظل امشي
أشوف ازوال أجهلها و أشوف أشياء تزعجني
و أشوف أشياء تعجبني ولاكني ..اظل امشي
أتابع صوتك بلهفة عساي أوصل مدى صوتك
لقيت أنى وأنا امشي أطارد حلم ما شفته
ولا حتى حلمت بيوم يجي بالحلم واشوفه
وصلت الصوت وأنا مهدود(ن) بحيلي
وصلته للأسف لكن ... لقيته مظلم وداكن
وقفت اناضر لحلمي واشوفه صار يتلاشى
كذا يعجبك ؟؟ أشوفه صار يتلاشى
* * *
إذا بالحلم ماوفيتي اجل بالواقع بتوفين ؟؟
أبى أتغزل.. بغدرك ما دامه صار بطباعك
هلابك غدر.. يوم انك لفيت بريحة ا لخلان
هلابك غدر .. ياغالي هلا بطعونك الحلوه
هلابك غدر .. وش اخبار اللي.. لي أرسلك
هلابك غدر...صدقني عشقتك لجلها وربي
هلابك غدر ..شتتني واذا مليت جمعني
هلابك غدر..ياروعة ونهاية عشقنا المرحوم
هلابك غدر ..سمعت ان الوفا .....يسئل !!
عليك وقلت له موجود ..وسئلني وينها اوطانه
وقلت اوطانه قريب .. بقلب احلى بنات الكون
ولكن الحلا كله .. ابد مايفيد.. بقلب يخون
هلابك غدر .. تحية حب .. تحية شوق ...
تحية عاشق محطم ..