اشلونكم حبايبي
شخباركم ؟........ شمسوين انشالله بخيير.............
المهم انا عندي مشكله يعانيها يميع البشر وهي مشكلة الزهيوية <<< الصراصير............
المهم عندي لكم خوش خطط ...اذا ودكم تنتقمون من اي صرصورسوو مثل ماراح اقولكم انا فلن يستعصي عليك اي صرصور بالعالم في اي مان وزمان
بصراحة هالايام ما ينفع مع الصراصير فليت او بف باف لانها عندها مناعة << اليي يسمع يقول الصراصيت تتابع معانا اعلانات في التلفزيون لاكن ماعلينا
سمعوني اشششششششششش التفت يمين وشمال شوف يمكن صرصور يترصدلك من بعيد......؟
يلا نبدي خطتنا
اولا الصراصيت تحب اتعاند يعني اذا كنت تخاف منها فلا تبين لها انك خايف
مثلا اذا شفت صرصور وافق جدامك ومو راضي يتحرك حط عقلك بعقله وقف مثله<<<< ترا الصرصور يقول بقلبه يا انا يا انت
بس ماعلينا خلك صامد وبينله بنضراتك انك مو خايف منه
اذا شفت صرصور بالحمام ( تكرمون) وشفته واقف على الطوف (الجدار)
باسرع وقت تفصخ النعال ( شبشب - زنوبة بالعراقي)
المهم انت خلك واقف وراه وقوله بصوت عالي : شوف اي حركة اي الاعيب ودوران والله ماتلوم إلا نفسك
المهم اهو ماراح يهتم بكلامك لانه عارف شنو آخرته..
يلا قوي قلبك وكون رجال وقدع يلااا عاشو شد حيلك
بأقوى ماعندك وبكل روحك الرياضية طااااااااااخ طاااااااااااااااخ طااااااااااااخ
بس بس بس يبه حرام عليك انت ماعندك قلب وين راحت احاسيسك وعواطفك شنو ذنب عياله المساكين صاروا ايتام *a
المهم هذا وفتكينا منه
اذا في يوم من الايام ونت قاعد تسولف بالمسنجر وحسيت شي يمشي على رجلك .... نصيحة مني طنش (يعني لاتعطيه اي اهتمام)
هذا يا صرصوريا امضيع او طالع من بيته متهاوش مع مرته او بينتحر على ايدك.......... ماعلينا خله يولي وهو بحس بنفسه وبيذلف .
اذا كنت يوم من الايام نايم على سريرك وتحس شي يمشي على ويهك يروح فوق خشمك يمشي على شفايفك او على ايدك ...... لاتخاف مو جني هذا الاخو الصرصور اليي كان واقف على رجلك اليوم ونت قاعد على الكرسي
ماعلينا كمل نومتك واليي اصبح افلح ....
المهم اذا صحيت من النوم لابد انك تشوف اورام ونتفاخات لاكن الادوية والكريمات والمراهم تسوي شغل هالايام
ادري والله انك تحس بمذله لاكن شنسيوي تكبر وتنسى ..........
لا تفقد الامل لانك كل يوم والثاني بتلقا صرصور لانه كل صرصور بينتقم منك وبيثأر لخوه او ابوه ( انصحك لا تحط مسلسل الزير سالم ) لانهم متأثرين بهالمسلسل وايد
واذا يوم من الايام قتلتو اي صرصور لازم تاخذونه وتبروزونه وتعلقونه على الطوف وتكتب تحته (افعل ما شئت في تخويفي فسكوت عن الصرصار جواب )
تحياتي احلىكويتية
الحلوة نت
العرض العادي
