قامت مجموعه من بعض الاعضاء بتنسيق طلعه او اجتماع مصغر في احدى ابراج الرياض الشهيره واستمتعنا بالرحله كثيرا واترككم مع التفاصيل ( ياليت تقرونها كامله )
(( المــكــــــان ))
7
7
(( الزمــــــان ))
يوم الاثــنـــــين بعد صلاة العشاء
(( الابـــــــطال ))
ممـــــيز / محدثكم
طفشان العبيط / النقــطه
معاند بحــر / زائر وعدنا بالتسجيل
اعفــيني / اعفطــيني سابقا
صقر البراري / مدير قسم الضحك والفرفشه
مـيـــ شو ـــشو 14 / عضو و و مقاطع
معانق جروح / مشرف همس القوافي سابقا
____________
بدت القصه وانا نايم كنت توني جاي من الاختبار وما حليت زين وتعبان
مواصل قلت الفراش يا ولد وانا الي اعطيها نومه حتى المغرب واقوم
واشوف الجوال ( مكالمات لم يرد عليها = 3 ) وش عنده ابو عبيط متصل
مهب عوايده قلت خن ادق اشوف وانا الي اتصل ويقول وينك قلت قاعد
اكلمك قال لا يوم ما رديت قلت نايم اخلص وش فيك قال انا في خط
( رياض - دمام ) قلت والزبده قال اخبارك , انا فهمتها وقال انه جاي
يراضيني بس ويرجع لانه كان مزعلني في شي قلت تحلف جاي علشاني
وحلف وانا من الفرحه قلت لا تسرع علشاني << طقته المشاعر قال ابشر
بس وين اقابلك قلت وعدنا الفيصليه لانه ما يدل وانا الي اطلع امشي
مليونين للفيصليه واشوفه نزلت اسلم عليه صفطنا المواتر ونزلنا كان معه
واحد قمه في الاخلاق ( معاند بحر ) العضو المستقبلي قلت خن نحاول
ندخل الفيصليه مع انها معجزه بس محاوله قالو يالله مشينا والله وندخل وابن امه
يرفع لسانه كان طفافيشو يدور حرش وفعلا دخلونا وكم لفه ما لقينا بنات
يستاهلون << صريح جلسنا في دكتور كيف وطلبنا ذاك الشوكليت
دقيت انا على اعفيني قلت حنا في المكان المذكور قال مشوا ا ا ا ر قلت
امسك لسانك وتعال لا ( طوط طوط ) هو خاف وجا يمشي مليونين وخذ
سواليف لين وصلو المدعوين ( معانق جروح - ميشو ) طبعا ما دخلوهم
مساكين قالو انزلو حنا تحت نزلنا وهيا ( لطريق التحليه ) وبالتحديد
( ليل كافيه ) الرايق << اكيد اختيار معانق , وما قصر طلب لنا بارد وخذ
حش في الاعضاء ما خلينا احد ما وصله تقطيع من شباب وشوبيبات وخذ
يا اثام من جميع النواحي وبعدها وصل الضيف المتأخر صقر البواري
المعتذر علشان شغل بس وصل متأخر وفعلا كان محلي الجلسه اول ما
دخل ذب ذبه على اعفيني مهب صاحيه بس والله ونسنا حتى يوم قاله
العامل وش تشرب قال فيه بيض خاف العامل قال ( ما فيه معلوم ) قال
هات شاهي صيني العامل هو وياه طقاق من وين اجيب لك صيني وقال ما
اشرب الا صيني حتى صرفوه بشاهي مغربي قالو صيني وصدق البطه
حتى تمت الساعه 2 وقالو عشى يا شباب قلت انا استاذن انا واعفيني
ورانا اشغال الصباح قالو مهب مشكله حنا بنتعشى قلنا على خير لنا لقاء
وطفشان ناوي يمشي الفجر يعني جيته 5 ساعات << مكثر ابيض بس
والله انواع الفله
____مقاطع____
* ينقص الرحله قليل من الاعضاء لتحلو بس فارق المدن
* الطلعه ما كانت تتم الا بيني وبين طفشان بس انقلبت عزيمه
* كان ينقصنا القليل من ملح الجلسه ( بنات المنتدى ) لتحلو
* صقور اضاف على الرحله جو فكاهي بدلاختــه ( يبي بيض بالقوه )
* اتمنى من المدعوين عدم الزعل من اي لفظ صدر مني وخذوها شبابيه
* قريبا : طلعه موسعه بحضور مراسلينا في الشرقيه
* كان امنيتي في تلك الحضه كاميرا لولا الخوف من زعل البعض
* اي واحد يبيني ازوده بمعلومات عن الاعضاء على الخاص رقم ..
* نرجو ان الاعضاء يحللونا على الي حشينا فيهم بس مذح في مذح
____________
وفي الختام اتمنى انكم استمتعتو معنا
وتقلبو تحياتي مخرجكم ممــيز
والى القاء في موجز اخر
وزير الرياضه
ممـــيز
*q
العرض العادي
