من ثِمــار المشاطـره الشعـريــه مع اخـي / شاعـر الدرر ..
علّهــا تنـاال القليـل من اعجــاابكم .. ‘‘
اقتباس
المشاركة الأصلية كتبت بواسطة العـ راعي ـليا
يا ذيب جرّيت أنا الموال=وأهديت لك عذب الألحاني
من قبل لا تطرح السؤال=بالهمس يا جيـت تلقانـي
نبا أنتبارا على المنوال=للطا يله ‘ وأنت عنوانـي
ما هي سوا ليف بالجوال=ولا هي ملاعيب غزلاني
ولا هي تجاره وروس أموال=ومصالح فـلان وفلانـي
جلسة عصر دلّه وفنجال=وهرجة عقّيـلٍ وشيبانـي
بالناس تعجِبك بعض أزوال=ثم ‘ يتّضح عكس ما بانـي!
فتلة شنب ؛ بس دون أفعال!=وكل يوم عليـك شرهانـي!
طودٍ ‘ ولا به ذرا لو طال=بمفارقه ما أنت ندماني
ما كل مزن(ن) ثقيل اخيال=يخضِر صَحاصِح ورِيضاني
الدنيا زرعٍ قصير إظلال=والموت ‘ ما عنه مزباني
خطير ‘ تيّارهـا لا مـال=دنيا ألفنا حيّهـا فانـي
سبحان من يعلم الأحوال=المعتلي عالي الشانـي
نسأله في ساعة الأهوال= جَنَّات عَدْنٍ ‘ ورِضواني
اقتباس
المشاركة الأصلية كتبت بواسطة شاعر الدرر
سلمت ياعالي المنـزال=سلمت يانبض شريانـي
الشكر لك فاق كل اقوال=ومن كثرها يعجز لساني
خذها وعد حِل او ترحـال=لوفيـك ياذيـب سرحانـي
ولو نبتعد عن مدى التجوال=نبقى على طـول خلانـي
ماني بتاجر ورجل اعمال=اجمَـع المـال طمعانـي
يكفيني احضى معي برجال=سند ولو جارت ازمانـي
اجساد توصف بجسم بغال=وعقول اشبـه بخرفانـي
ولو يوضعوا داخل الغربال=اصبح من الحمل مليانـي
اذا حكى لك عن الابطـال=صوَر لك البحر ميدانـي
هرج الذي يلبس السروال=وهـو بداخِلـه عريانـي
ناس (ن) توقَف على الاطلال=وتبقى مع كان ما كاني
وناس (ن) لها كل يوم هلال= لا غاب واحد جا الثاني
الحظ لو هو قسى ما حال=دون الهدف قاصي و داني
واللي لبس بردة المختـال=لابـد يلبـس للكفـانـي
لا استطيع ان اقول شيئا سوى ان اقول شهادة حق للمبدع راعي العليا انه من ذوي الذائقة الشعريه الاصيلة والذي يتمتع بقاموس شعري متميز بالابداع وجذب النفوس للاستمتاع بدرر الشعر
لك كل الشكر على هذه البادرة التي تدل على حرصك على كل مامن شانه الرقي بهذا الصرح الشامخ