سـلام
سلام يامكتب بصدر العياده = وسلام ياحاسب على الطاوله ذيك
وسلام ياهاتف يرن بزياده = وسلام ياشباك شغله تماتيك
سلام للدفتر زعيم الرياده = وسلام يا حبر القلم يوم يأتيك
وسلام تعظيم(ن) لراعي السياده = وسلام كُبر الكون لا حل طاريك
سلام ياصوت(ن) يجيب السعاده = وسلام ياشخصاً جمعت الحلى فيك
وسلام ياريح العطر في القلاده = وسلام للجوال بطراف اياديك
سلام ياصبح(ن) على غير عاده = وسلام ياجامع بصدفة محبيك
وسلام ياقلب(ن) تحقق مراده = وسلام ياحظي عسي الرب يحميك
سلام يامن هو لجرحي ضماده = وسلام من قلب(ن) يعزك ويغليك
وسلام ياريم(ن) مزود عناده = وسلام من واحد يحبك وشاريك
وسـلامتكـم