س
بسم الله الرحمن الرحيم
اقص عليكم قصة حصلت ليلة الجمعه معي شخصيا
كنت راجع مع ولد خالتي من عشاء مع مجموعة شباب طيبة
كان عددنا 6 فتوزعنا كل 3 في سيارة
انا وولد خالتي وشاب ثالث بسيارة
اتفقنا على مكان محدد نجلس فيه نسولف
بطريق الذهاب الى هذا المكان المتفق عليه
وفي احد الطرق السريعة بمدينة الرياض
رأينا موجة غبار وقد ارتفعت الى علو 20 مترا تقريبا
نشوف السيارات الي قدامنا تأشر فلشرات وعرفنا انه فيه حادث
مسك ولد خالتي المسار الأيمن وصار الحادث امامنا مباشرة ب 50 متر
تقدمنا اليها حتى اصبحنا نرى ضحايا الحادث بأعيننا ولم يسد طريقنا
سوى السيارة الي صار عليها الحادث
السيارة كانت آتية من الجهة المعاكسة متجهة شرقا لكنها انحرف لسبب من الأسباب واصدمت بنخلة في منتصف الشارع العام ثم دخلت طريقنا واصدمت بنخلة في الجهة الأخرى
توقفنا لنتجمهر ونرى ما بقي من السيارة...
رجال وحرمة الرجال متخبط ياقف ويطيح عدة مرات بسبب تأثير الحادث على ما يبدو والحرمة طلعوها الناس من السيارة حطوها على الرصيف غارقة بالدم
الناس تتفرج! والمرور يقول لا تلمسونهم الين تجي سيارة الإسعاف
اعترضو الناس البنت تحتضر وتنزف وهذا يقول انتظرو؟
كانت اقرب سيارة هي سيارة ولد خالتي اضطررنا وبأنفسنا خوف بتقريب السيارة
قلنا ركبوها والناس شالوها وسدحوها على المرتبة الي ورى الجهة اليمنى
والشاب الي كان معنا جلس قدام بالنص
يوم حطوها بالسيارة ترددنا مره ثانيه لأن البنت كانت تغرغر
والناس تقول سوو الي عليكم ووصلوها للمستشفى وقالو لنا
روحو للمستشفى "الفلاني" كان هو اقرب مستشفى يناسب حالتها الصعبة
قدامنا مشت اربع سيارات تفتح لنا الطريق
انا التفت اشوف البنت......
لم ارى في حياتي مثل هذا المنظر من الدماء امام عيني الا وقت ذبح الشاة بلا مبالغة
كانت تنزف نزفا شديدا
كنت اسمعها تغرغر وتشرق بالدم
لفيت جذعي ومسكت راسها بيد وحده احاول اعدله ما قدرت
سدحت المرتبة الأمامية وعطيت ظهري الطبلون ووجهي صار للمنظر الي حرك بقلبي شي وذكرني بلحظات فراق الدنيا
رفعت راسها بكلتا يدي وجلست اذكرها الشهادة وهي ما زالت تشرق بالدم فلقيت ضربة براسها من الخلف ينزل منها الدم مثل بزبوز الماء
حاولت اسد الجرح بأي شي مالقيت
وضعت يدي على مكان الجرح وضغطت عليه ووضعت يدي الثانيه على جبينها بحيث
تكون وكأنها ربطة على الجرح لأن نزول الدم كان كثيف جدا
قسم بالله شفت ابشع منظر لأنسان يحتضر امام عيني
حاولت اعدل راسها بحيث ما اسمع صوت غرغرة الدم بحلقها لأني خفت ان الدم يسد مجرى التنفس وبالتالي تموت خلايا الدماغ وهذا يؤدي الى الموت السريري او الدماغي
جلست احرك واثناء تحريكي لراسها بأوضاع مختلفه بدأت اشوف منظر فقاعات الدم تخرج من فمها وعقبه الدم بدا ينزل من انفها وفوق جبينها جرح ينزف منه الدم على وجهها
تخيلو الموقف امام عيوني
اختلط على وجهها امامي الكحل والدم وأصباغ الزينة
كدت اذرف الدمع على حالها...وثبت نفسي لأني خفت انهار امام هذا المنظر
وجلست اذكرها الشهاده واقرى عليها الأدعية
جلست احرك راسها حتى........
بديت احس ان الغرغرة اختفت وانا اقول لا اله الا الله واكررها وهي مالها اي استجابة غير صوت غرغرة الدم بحلقها
حسيت بالبداية انها ماتت لكن يوم قربت اذني من فمها حسيت انها تتنفس
وسمعت صوت النفس يتغير من صوت غرغرة الى صوت الأكسجين وهو يمر بين الدم الجامد
حمدت ربي
وقتها حسيت وانا ماسك راسها ان البنت راح تعيش بإذن الله وجلست اكرر عليها الشهاده والأدعية والأذكار
واحس بيدي وهي على الجرح الي براسها ان الدم يمر فوق يدي ويكمل طريقه بمجرى الدم
حسيت ببعض لحظات هالموقف الصعب اني افكر واقول لنفسي
انت جالس وش تسوي!! قدامك بنت موب محرم لك ليش تطالع وجهها ليش ماسك راسها
تشتت هالتفكير وانا اقرى الأدعية حتى وصلنا المستشفى بعد 10 دقائق او اقل بقليل
في المستشفى امام البوابة كان ولد خالتي اتصل عليهم وحنا بنص الطريق وقال جهزو كل شيء وصلنا والناس تتفرج والسرير ما زال داخل الطوارئ!!
جت ممرضتين وسيكيرتي... قالت الممرضة الفلبينية بالحرف الواحد
we want strong man to carry her
يعني نبي واحد جسم او اي رجال حتى يشيلها
مسكتني مع كتفي وقالت carry her
انا ما اجمع قلت وش الي كاري هير يا تسلبة
واقولها spine وانا ائشر على ظهري واقول
بالأنجليزي ما اعرف وشلون اشيلها
وانا خايف اشيلها بشكل غلط ويصير ظهرها مكسور ويجي البنت شلل
وبصعوبة قدرت اشيل يدي عن الجرح الي براسها بسبب الدم المتجمد
حطو تحتها قماش وشالوها ثم دخلوها للطوارئ
سوو لها في نص ساعه 5 او 6 عمليات حسب قول الممرضة
وكل نص ساعه يطلع لنا احد من الغرفة ويعطينا جملة
اخرها كانت ممرضه تقول Between
يعني بين الحياة والموت
ومره يقولنا الدكتور نزيف بالدماغ ونحاول نسيطر عليه ومره يطلع لنا ويقول سيطرنا عليه وصار فيه
نزيف داخلي بالاضلاع
سجلو اسم البنت بالمستشفى بأسم (غير معروف)
نرجع للرجال الي كان يسوق السياره
ما كانت حالته بخطورة حالة البنت.... مجرد كدمات بسيطة
ودوه جماعة ثانية لمستوصف قريب لموقع الحادث
سألوه عن اسمه قام كل شوي يطلع أسم مخبببببط الرجال الى الآن تأثير الحادث فيه
سألوه عن احد يقرب له عطاهم رقم واحد يقول انه اخوه
اتصلو على هالشخص وجا للمستوصف يوم شاف الرجال الي سوى الحادث
سألوه تعرف هذا..؟؟ انت اخوه...؟؟؟ قال : لا ما اعرفه واغمى عليه
بعد ما سوى المستوصف تحاليل يمطئنون على حالته
وش صار ووش طلعت النتيجه ؟؟؟؟؟؟
طلع تحليل الدم يقول ان الرجال سكران
وبعد ما استجوبوه بالمستوصف وهو فاقد عقله صار موب بتأثير الحادث وكدماته انما بتأثير الكحول والمسكر.. يخربط الله لا يبلانا
وصارت البنت الي انا كنت اسد جرح راسه بيدي
ماهي الااااااااااا
صديقته!!!!!!!!!!
نعم صارت السالفة صديق وصديقته طالعين مع بعض وصار عليهم الحادث
بسبب السرعه
وتأثير السكر الي كان واقع فيه الرجل
يال سوء الخاتمة
لا حول ولا قوة الا بالله
انا لله وانا اليه راجعون
الله لا يبلانا
يوم عرفت القصه صارت ترجف يديني
البنت حصلو جوالها واتصلو على اخر رقم دقت عليه
جت البنت الي دقو عليها بأعتبار انه تقرب لها عقب الحادث بساعتين
لكن اليوم اتصلت على المستشفى وقالو لي انها ما زالت مسجله على انها (غير معروف)
يمكن كانو يبون يخفون عني اسم البنت للستر... وحتى هذه اللحظه هي بين الحياة والموت بالعناية المركزة.
هدفي يا اخوان ويا اخوات من ذكر هالقصه تسمعونه بالوصلة الصوتيه الأولى فوق
وابيكم تتخيلون مرتين بس
تخيلو لو انكم مكان هالبنت بين الحياة والموت
تخيل نفسك......على ايش كنت راح تموت
سكر ؟
سماع اغاني ؟
النظر والسماع الى الحرام ؟
غيبة ونميمة ؟
كذب ؟
وتخيلو يا شباب الإسلام
ايهم افضل ان تكون خاتمتك
الموت بعد ان تسمع طنطنة عداد السيارة فوق الأزفلت وفوق الرصيف
ام الموت بعد ان تقتل يهودي فوق ساحة المعركة
اللهم اجعل لنا من الناس عبرة ولا تجعلنا للناس عبرة
تنضم الى القصص
هذه القصه التي
رأيتها بعيني...وكتبت بدماءها على يدي:
عندما ينتحر العفاف
عذرا على الإطالة
تحاتي
المزيونة
العرض العادي
