هذا الحوار أخر حوار بين بوش وبلير في مضارب الباديه عند البيت الاسود
ما نحرق الموضوع عليكم شوفوه.........
بلير:
الله لايجزاك بالخير يابوش
ورطتنا في حرب صدام ورطة
عزمتني تقول بترول وقروش
بس الحقيقة روحتي معك غلطة
بوش:
يابلير رد العلم عن بوش بن بوش
اللة خلقنا للمقاريد سلطة
وابوي عندة للرجاجيل دنبوش
كم واحد شلنا فلوسة ونفطة
بلير:
ابوك والنعمين مير انت مربوش
تموت بالبترول وتحب شفطة
صحيح عندك مال وسلاح وجيوش
مير اتوقع لك تدهور وسقطة
بوش:
يابلير كانك خفت يوم احتمى الهوش
حرام ماتاخذ من النفط نقطة
قبلك ترى شيراك قد راح مكروش
شوفة يصرح كل يوم بمحطة
بلير:
وراك ماتعطي لشيراك عرموش
تراة مشغلنا بشيلة وحطة
وليا انتهى موضوعنا نرسل طروش
ونجمع المبلغ من الربع قطة
بوش:
شيراك هذا عندة الفكر مغشوش
فرط علي في مجلس الامن فرطة
يدزة اليابان والصين ويطوش
ومجهز الفيتو لتحقيق شرطة
بلير:
يابوش انا مرهق وخايف ومدهوش
وانتة تقول الحرب خدعة وخطة
اسرآي واسراك امتلا منهم الحوش
عز اللة انة صابني منك جلطة
بوش:
ماقلت لك كم فية اذاعات ودشوش
لاتكشف المعنى وانا اقول غلطة
وان قالوا انا علوج واصحابنا جحوش
ماهمنا الصحاف ولي يحطة
*t م ن ق و ل *t