من فيه غيرك ياهوى الروح غالي؟
إنتي ولا غــيرك من الناس نغليـه.
من قبل اعرفك كان مرتـاح بالـي
والحب ماجاور خفوقي ولا اطريـه
كنت بسعادة طفـل دالـه وسالـي
قلبي مرح كـل الطفولـة يسليـه
ماكنت اعرف الحب مالـه مجالـي
تخيلي؟ قلبي! وماكـان هـو فيـه
واليوم يامعـشـوق ياويـل حالـي
ياويلها مـن قـــــلـب زادت بلاويـه
أشوف عشاقـك! بدفــتـر خيالـي
كثر القصـــيد وكثر نظمـه ومهديـه
أسمك ورسمك بالشعر دوم عالـي
إنتي مثال الشعر ومن كان يبنيـه
ياشاعرة! منك القوافـي هوالـي!
يرتج قلب أعتى البشر لو تناجيـه
صدق المشاعر مالها اليوم والـي
أسمع ولكن ! لا حـيا لمـن تناديـه
وإن قلت أحبـك! ياكـــثـر ماتقالـي
ياكثر عشـــاقك بهالزيـف! تعطيـه
وإنتي شعورك مثل راعي طرالي!
يكتب ويمحي لين ينسى طواريـه
شعور شـــــاعر قول! مابـه فعالـي!
مثل الذي يرسم على مي! يغريـه
الحب يابنـت الحــــسـن والدلالـي
ماهو بضاعة هرج! بالشعر نشريه
صحـــيح أحـــبك كـل مابـك زهالـي
ومجــنون! من يجهل بقدره ويرميه
قـدرك وحبك فــوق روس العوالـي
مثل القمر كـل الــقــوافـي تحييـه
أحــــب وصـفـك ذا جمـال بكمالـي
جمــــــال كامل! حـظ منهـو يراعيـه
أدري بحظـي يابعــــــيـد المنـالـي
حظي كما أعـــمى فقـد مـن يقديـه
غرام وصفك شـاق حرفي وخيالـي
يبعث سلام الحب بإحساس مخفيـه
وآخــر كلام أقــــول: من فيه غالـي؟
ماغيرك إنتي ياهـــــوى الروح نغليه!!
ــــــــــــــــــــــــــــــــــــــــــــــــــ ـــــــــــــــــ
أخي ألكريم : بندر الرسام ,,,
ينفرد شعرك بعذوبة ليس لها مثيل ,,
وكأنه رش ألمطر ,, يطرب ويروي,,
// وعند ما أعدت نسخها وتجولت بين حدودها ,
زدت أعجاب بجزالة ألمعاني وجمال ألوصف وألتشبية
ولا شك أن ألشاعر ألمهوب بالوراثة ,,
يكون نظمة سلس ينقاد معة ألحرف كيف يشاء ,,
ولا يكون فيه تكلف ,,,
أسجل أعجابي بشعرك
وعذوبته وبلاغة مفرداته وجمال تصويره ,,
وأمل قبول صادق تحياتي وتقديري وأعجابي ,,
أخوك / أبومحمد ,,,
العرض العادي
