لوتغيب أسنين ماينقص غـلاك=دام وسط القلب لك قـدر وغـلا
ماجحدك الحب لـو تقفـي وراك=ولا نستك الـروح ياريـم الفـلا
وياعديل الروح قلـي وش بـلاك=ماتشـوف اللـي بحبـك مبتـلا
أن سكت أخاف يذبحنـي جفـاك =وأن هرجت أحس في هرجي بـلا
كيف أوضًحها عسى الله يهـداك=أنت تـفهم منت من ناس أجهـلا
وأن بغيت أشهود عن محور وفاك=مستعـد أجيـب شاهـد وأكفـلا
أن سألت الروح عن صافي هواك=عانقتك الـروح مـن بـد المـلا
وناظر عيوني وتعرف مستـواك=يوم عنهـا غبـت مافيهـا حـلا
وأن ذكرتك راحت أشواقي معـاك=بين خلق الله وكنـي فـي خـلا
لاتوردنـي علـى درب الهـلاك=كني المظلوم فـي قـص أقتـلا
جازني بالحب يـوم الله عطـاك=ولا تحسب القلب عن حبك سـلا
وكان تبغا الصدق لو تزعل عداك=في خفوق الروح لـك قـدر ولا