زينوها وادفنوها والكفن ثوب الزفاف
غصب عنها زوجوها وسلوموها للغريب
مجبره ماشاوروها قصدهم شرع العفاف
مادروا إن البنيه مغرمه ولها حبيب
جهزوها وهي تبكي وترتشف دمع إرتشاف
وخبروها إن موعد الفرح منها قريب
مالقت أحد فهمها وهمها ناظر وشاف
إن حكت باللي سكنها مالقت لها مجيب
وكانها هي وافقتهم جرعوها الرعاف
حالها من فعل أهلها صار محزن ومريب
والحفل قرب وقامت ترتجف إرتجاف
كل يوم تقول باكر والفرج بإذن الرقيب
باكر يمكن يفهمون قصتي آخر مطاف
جاء باكر ثم عدا مابعد باكر عطيب
وعلقو عقد الأناره وإحتشد فرد والآف
أيقنت إن الجرح جرحها ماله طبيب
وإنها لازم تطيع أمرهم وترضى الجفاف
جو أهلها والدمع يغرق حضنها الحلو الرطيب
قالو يالله إلبسي ثوبك اللي للزفاف
كفنوها وفي نظرهم زوجوها للأديب
فرشوها الهم دايم والأسى إلها لحاف
ياحسافه دخلوها والحشا غلي لهيب
وأحكمو قيد البنيه وأسجنوها بالكفاف
ودعتهم وهي تقول حسبي الله الحسيب
رحلتي ماهي طويله ورجعتي بعد القطاف
سافرت عن دار أهلها وقلبها خطر وصويب
سافرت مع من خطفها من أمانيها الضعاف
خايفه مستوحشه والعرق منها صبيب
وقلبها ينبض بذكرى ماضيه فيها إختلاف
حاولت ترضى بقدرها وللحدث هي تستجيب
بس عيت تقتنع وعشقها ذاك الضعاف
وهو سألها جاوبيني ليه دمعاتك سريب
ليه لي ماتنظرين وأنا زوجك شخص واف
قالت بنبره خجوله أنا في وضع رهيب
غب عني زوجوني وأطعنوني بالرهاف
هو سكت لحظه تأمل ويش أسوي يامجيب
عقله وقلبه نطقها صاحب النخوه يعاف
وقال منهو غير حبي يسكن بقلبك نجيب ؟
من تعلى عرش قلبك وإهتفى به ياعفاف
وباكر الرجعه تراها وإمسحي الدمع الصبيب
خايف إني أمسكك وأقترف ذنب إقتراف
إضحكت ضحكه وقالت مابعد هالطيب طيب
الله يجازيك عني بالأجر ويسر الطواف
ورجعت وقالت رجعت ياهل الشرع الغريب
بنتكم جتكم ولكن من بعد ذل وحساف
وأبعثت مرسول عاجل أنا جيتك يالحبيب
النذر اللي نذرته صار وافي يامناف
إجلست يوم وتأخر لا رساله ولا مجيب
وعقلها يمه تشتت وبدت من الغيبه تخاف
مرها طفل صغير وإسألت عن ذاك الحبيب
قال مات ليلة زفافك وأندفن بعد الزفاف
ناحت بحسره وطالت الليالي والنحيب
ودعت قبل اللقاء حلمها الزاهي وطاف
إقتلوها مرتين وشابت ماقبل المشيب
وذاب قلب قد تعلق والبصر جاه الكفاف
.
.
.
,
,
,
وتقبلو تحياااااااااااااااااتي
العرض العادي
