كلام عني بصراحه مودي اقوله بس ابغى افضفض لناس ماتعرفني!!!!!

[moro]

اقتباس المشاركة الأصلية كتبت بواسطة ملكةالأحساس <<<ميته من الضحك .. ههههههههههههههههههههههههههههه ياقلبو عليك .. والله انهم وناسه اخوانك .. وياحبهم للفزعات الغير شكل ههههههههههههههههههه الحمد لله ان امك ماسكتك كف وهي معصبه ..<<<ماتقرب جنبهم ابد لا طولتي علينا ولا شئ بالعكس استمتعنا معك .. ونتتظر المزيد من المواقف الحلوه .. تقبلي مرور الود ملوكه الدلوعه

إ
مشكوره على مرورك وتصدقين ان حب الفزعات فينا وراثه مااقول إلا الله يهدي جدي بس

[moro]

اليوم بقول لكم موقف صار لي من سنتين
مره كان بنات خالي عندنا كلهم وكان عندنا عزيمة رجاجيل دون النسوان
أبوي الله يحفظه كان تعبان يومها ماله إلا أسبوعين طالع من المستشفى
وكان مجلس الرجاجيل مره مليان أبوي جلس مع الضيوف إلى مدخلوا للعشاء
بعدين راح عند أمي في المطبخ
أما انا كنت فوق مع بنات خالي طالبين من المطعم
مانحب ناكل المفطح
المهم اخواني وعيال عمي والضيوف جالسين يتعاشون
الشاهد في القصه ان ابوي هبط معه السكر وبدا يرتجف لازم ياكل شئ حالي
عطته امي حلى وراح ابوي لغرفته بيرتاح له اشوي
اخوي يوسف الملسون كان مع امي
وابوي في المطبخ
يوم قام ابوي بيروح لغرفته مشى يوسف اخوي الصغير وراء ابوي


دخل ابوي في غرفته وطاح باندفاع شديد على السرير مثل الميت
اخوي يوسف يوم شاف ابوي طاح طلع من الغرفة يركض ويصارخ ويدخل عند الرجاجيل
وهم على العشاء ويبكي ويصارخ ويقول لهم ابوي ماااااااااااااااااااااااات
ويطلع منهم ويدخل على امي ويبكي ويقول لها ابوي مااااااااااااااااات
عاد انا والبنات نسمع إزعاج تحت بس مهتمينا متعودين على هالإزعاج
إذا جاءوا عندنا ضيوف
وحنا نتعشاء اشوي وينفتح باب الجناح حق غرفتي بقووووووووة
انا عورني قلبي ويدخل يوسف اخوي ويطق باب غرفتي بقووووووووه
انا ماعد قدرت اقوم من الخوف قامت بنت خالي وفتحت الباب
ويدخل يوسف اخوي ويبكي يقول لي ابوي ماااااااااااااااااااات
انا طارت عيوني واقوم بسرررررررررررعه وانزل تحت
يووووووم ادخل وانا وسط الصاله ابغى ادخل على جناح ابوي اشوفه
ماقدرت كانوا عيال عمي عند باب الجناح وعمي واخواني داخل عند ابوي
يعني غرفة ابوي مليانه مااقدر ادخل وأمي لابسه برقعها وداخل عند ابوي
أنا خلاص ماهتميت من غطاءتي وقفت مع عيال عمي وقلت لهم ابوي وش فيه
قال ولد عمي ان شاء الله انه طيب انتي ارقي فوق الحين عشان الرجاجيل
رقيت فوق <<<<<<<<<ماشاء الله علي اسمع الكلام
يوم رقيت جلست ابكي عند البنات وهم يهدوني
قالت: لي ريناد ماعليك منهم البسي برقعك وانزلي تطمئني على ابوك
سمعت كلامها ونزلت بس ماقدرت ادخل بس اشوفه من عند الباب
اشوف اخوي حاضن ابوي بقوه ومغطيه بالبطانيه وينطقه الشهاده
انا خلاص انهرت احس انه يوم ابوي جلست ابكي بدون صوت
بس دموع
اشوي واشهق ذيك الشهقه احس انها طالعه من دهاليز قلبي
عاد ولد عمي يقول: لي استهدي بالله وروحي صلي وادعي له الامر بيد الله
رحت اصلي وادعي له ان الله يطول عمره ..........
بعد ربع ساعة طلع اخوي وعمي مسندين ابوي على كتوفهم ويركبونه السيارة
عشان يودونه المستشفى عاد ابوي وعمي وعيال عمي كلهم كانوا حافين ماعليهم
نعالتهم وابوي ماعليه شماغه
عاد تخبلوا حوستهم الي شماغه طاح ولي عقاله واشكالهم مره تنرحم
جلسنايالحريم في البيت حالتنا حاله ضايقه صدورنا على ابوي
الحمدلله بعد ساعه قام ابوي من الدوخه
وهو في المستشفى
قال ابوي اتصلوا وعطوني اميره <<<<<الي هي انا
قال اخوي ليش قال اني سمعت شهقتها وشفتها واقفه عند الباب تبكي
المهم اتصل اخوي وعطاني ابوي يكلمني ويهدي فيني
انا ساعتها كنت مصدومه من حركة ابوي اول مره يعني احس اني مهمه لهذي الدرجه
بصراحه احس اني غطيت على امي بهذي الحركه
عاد البنات يقولون اخس يالي يحبها ابوها اول ماقام طلبها قلت وجع خيرالي يسمعكم يقول
اهلكم مايحبونكم
عاد يضحكون يقولون لا عاد عيال عمك وش بيقولون ماشاء الله لهدرجه مهمه
ومن هذا التعليق الي مانتهى
انتم عارفين ليش يعلقون علي لان جماعتنا مو مره يرفعون من قدر المراه
مايرفعون من قدر الحريم إلا الحرمه الي يعتمد عليها وعقلها كبير
عاد انا الله يخالف
وكل ماذكرت كلمة هيفاء وهي تبكي على ابوي تقول يافطر سبدي على عمي
اضحك <,<<ياهي عليها دعاوي تموت من الضحك
المهم جاء ابوي وتعشاء وكلهم معه
وانا وبنات خالي حمينا عشاءنا ورجعنا نتعشاء<<<<ماشاء الله مايسد انفوسنا شئ خخخخخخ
المهم امي ماتحب الولد ياكل عقب البنت عندها هالحركه عيب في حق الرجال
وبصراحه مو عند امي بس عند جماعتنا كلهم حتى لو كان هالولد صغير
جاءني اخوي يوسف قال لي عطيني قطعه قلت ابشر خذ الساندويشه كلها
امي قالت لا بنطلب لك من المطعم
قلت :سلامات يمه بتكفيه هالساندويشه
قالت : لا عيب ياكل من عقب المراه
قلت :ليش
قالت: امي علشانه رجال
قلت : يمه إلى إلآن مصدقه ان يوسف رجال
قلت: انطمي رجال غصب عنك
قلت :لها من الي جلس يصارخ وطير عقولنا إلا هالخروف والكمخه هو
اما انا الله يحفظني بس بكيت ولاطلعت صوت والله اشك اني رجال وهو المراه
عاد امي طيرت اعيونها
قلت:في نفسي خلاني احط رجلي ونحاش لايجئ دوري الحين وروح للمستشفى
ونحاش وتلاحقني الجزمه
وطاخ في ظهري اااااااااااااااااااه
وسلامتكم ...
المهم اقول لكم بعد هالحادثه خطبني ولد عمي,,,عاد اقول للبنات شكله انبهر من حلاوتي خخخخخخخخخخخ
هو لي من يوم حنا الصغار بس على قول اخته انه يبغى العرس لانه شافني ويقول خلاص كبرت وهي الحين قد المسؤلية و تقدر تفتح بيت <<<عاد يوم قالت لي اخته واموت من الضحك قلت على باله فاهم كخ كخ كخ
اول شئ هو الي يفتح اليبت مو انا ثاني شئ هو مايقدر يفتح بيت لانه مراهق ,,,,,,عاد انا استمتع وانا اعانده احس بيذبحني إذا تزوجني من قهره مني
بس رفض ابوي وابوه عارفين
ليش؟؟؟؟؟؟؟!!!
علشانه يدخن ويدق عود
ماشاءالله عليه ياهو عليه صوت<<<<واحده تتوهروه
قال ابوي وعمي له إذا عقلت ابشر بها
عاد انا اقول لامي ابغاه بعيوبه وابغاه هو ودخانه
انا الي بولع له السيجاره
وانا لي برقص إذا دق العود
حرررررررررررمه مهستره <<<استهبل خخخخخخخخ بس والله انه عسل وطيب
قالت لي:امي انا شاكه من اول انك مجنونه بس الحين تاكدت انك مومجنونه
خبله
عاد تقول امي لابوي هم مايصلحون لبعض هو خبل وهي خبله
عاد يقول اخوي محمد مو مشكله يمه خليهم يجيبون ولد خبل وتكمل القصه
واخوي فهد يقول اصلن الخبال في هالعائله وراثه
صار نقاش عريض علشان سالفة خطبتي<<<<اقول في نفسي وجع عزالله اهلي
ناوين يخلوني ماعرس والله لعرس والله لعرس والله لعرس<<<صج ماعد في بنات يستحون من طاري العرس خخخخخخخخخخ
وابشركم انتهت السالفه ......وانتظروا مني الجديد الله يجدد ايمانا
وسلامتكم.........

[ذهول اللقاء]

بصراحه جنان وربي ربي يسعدك روحي ويخلك لاهللك س جد حماااااااااااس وفللللللللللللله وربي انكم ونسهتقبلي مروري وتعالى زورينا

[أحبك منذ مبطي]

وآآلله انك مهستررررررررررررره

ونستيني آآلله يونسك

أبي اجي عندكم كل إجآآآآآآآآآآآآآآزة

أما سالفة آآلزوآآآآآآآآآآآآآآآآآآآآآآآآآج

أتخيل شكلك وأنتي تولديييييييييييييين

هههههههههههههههههههههههههه

آلله يرجك أنتي وبنآآآآآآآآآت خآآلك ويوووووووسفوه

ننتظ هبآآآآلكم

متآآآبعة

سي يو

[moro]

اقتباس المشاركة الأصلية كتبت بواسطة اخت اخواني بصراحه جنان وربي ربي يسعدك روحي ويخلك لاهللك س جد حماااااااااااس وفللللللللللللله وربي انكم ونسهتقبلي مروري وتعالى زورينا

الله يسلمك ويعطيك العافيه عمري اجل لو تعرفين عن الي مخبيته من السوالف وش راح تقولين عنا

[*maram]

هههههههههههههههههههههههههههههههههههههههههههههههههه ههاي والله فطست من الضحك
بعدين الحمد لله ع السلامه بصراحه انا لو بمكانك بيجيني سكته قلبيه قبل مااركب الجمس هههههههههه بس من جد انتي شووووجاعه حيل والا احد بهالموقف فيه قوه يتفل هههههههههه والا يروح للبيت مشي ع رجوووله ههههههه
والا بنات خوالك ولا افلام هوليوود هذا وهم عايشين بالقريه
ومن جهة راعين الجمس المذكورين اعلاه انا ماخذه موقف منهم احسهم دايما يفهمون غلط مع احترامي

فلــــــــــــــــــــــــــــــه بس بتهـــــــــور

الا بنت خالك وش قالت بعد مارجعتوا من الرحله اقصد الهيئه؟
احس انها تبي تتطمن ع البطل


بانتظر باقي المغامرات
تحياتي

[moro]

الله يسلمك يا"مرمر "
(*_*)"/يالبى الرد ياعرب


اما السالفة الي قالتها لي بنت خالي المجنونه <<<<<<لما جئيت بغمض عيوني بنوم


قالت اميره


قلت : لبيه


قالت : تصدقين اني حبيت راعي الهيئة الي لابس شماغ ابيض المملوح


ابوصف شكلي لكم <<<<<انا خلاص طيرت عيوني عليها


وقلت : وجع ان شاء الله كان خذيتي رقمه بعد يامال الوجع بعد لك بال تتفرجين على الرجال وهو


يحقق معك


اثرها ماشاءالله عليها هو يحقق معها وهي فاتحه فمها على زينه وجالسها تنصب عليها وتعطي

من ارانبها ومخارجها البايخه


على العموم يسلم مرورك ولاتحرمينا من ردودك ياحلوه

[الليل وعيونك..]

سوالف عجيبه وخطيره والله
يهدي بنات خالك وربي ودي
اتقهوى معاكم<<<انبسط على
القصص..تحياتي خيتو طرح
اكثرمن رائع سلمت يداك,,اخوك;الليل وعيونك

[ღقطــرية كــوولღ]

هههههههههههههههههههههههه
ههههههههههههههههه
هههههههه

تسلمييين خيتوو

وننتظر مواقفج :)


<<<<<<بانتظاارج

[moro]

اقتباس المشاركة الأصلية كتبت بواسطة الليل وعيونك.. سوالف عجيبه وخطيره والله يهدي بنات خالك وربي ودي اتقهوى معاكم<<<انبسط على القصص..تحياتي خيتو طرح اكثرمن رائع سلمت يداك,,اخوك;الليل وعيونك

الله يسلم يمين ردت على موضوعي وماتقصر والارواع ردك طال عمرك خيو .........