نبض الشعور اللي كتبته من اعوام
واليوم نزف الجرح تكتب يديني
ياللي الهوى عندك حسابات وارقام
زيدي الجروح الأوله واتركيني
حطمتي امالي وعمري والاحلام
وطفيتي انوار الفرح وسط عيني
وذكرى السنين الماضيه صارت الام
اعيش فيها طول عمري سجيني
شرق وغرب ولليمن واخر الشام
ما احد صبر صبري من العالميني
صبرت وتغاضيت مع طول الايام
لين القصايد عودت تنتخيني
واليوم جرح الامس بعطيه الاقلام
خله يعبر عن سواياك فيني
راحت ثمان سنين في هم واوهام
وماني مضيع ما بقى من سنيني
تعبت واتعبت القصايد والاقلام
واليوم عفت الحب زين وشيني
وعندي من جروحي وهمي والاسقام
اللي يصدك لا بغيتي تجيني
واااااااااااائل الحربي
ابو مازن