أغار وأزهق وكـم تقلقنـي الغيـره=أما عن الشك ماشكيـت بـك شكـه
لامر طاري شبيه أسمك في السيـره=يختـل وضعـي وتتلبسنـي الربكـه
عديت كل الظنون وسـرت عالخيـره=وأقول يانفس باقي على الحلـو تكـه
شاخت سواني السفر وتهدمت بيـره=ولقيت عقب التعب الأبواب منصكـه
حبي غدى أطلال وأشباح الحزن طيره=وحصون صبري مع الأيـام مندكـه
قلبي طلع من يـدي مافـاد تحذيـره=وطاحت ظنونه معك ما عاد لـه فكـه
يكفخ كما الطير بين أيديـك وتثيـره=رموشك اللي على الأهـداب منشكـه
ياما أعتقدت أني الأول علـى غيـره=لفلفت بي الوهم وتفننت فـي حبكـه
كنت أحسبك ميت من الشوق والحيره=وأثرك على جروح قلبي تلعب الدبكـه
ومادام قلبـك مـع غيـري بتفكيـره=فالأفضل تروح من سكه وأنـا سكـه
العرض العادي
