يابعـــــــد روحي بلا شـــــك وظنون= قبل لاتعـــرف خفايـــا السالفه
خــــــلي الأفكـار في عقلك تكـــــون= صـــادق النيه وخــــل العاطفه
أعرفك مشـــــــهور بالصدر الحنون= والمشـــاعر مرهفات عـاصفه
قيّــض الله فـيك مــــن كـــــل الفنون= إن جـــلســتي وإلاكــنتي واقفه
تحفة في الســـــــير وإلا في السكون= جــدّدي عهـــدي وانا مااخالفه
كــم ســـــــهرت الليل لأجلك يافتون= أقاسي اللــــوعات عيني ذارفه
أتلـــــوّى كــن في بطــــــني طعون= والعرب بالحال ماهي عــارفه
يابعــــد عيني تــــــرى حبك جنون= إنقســـــم قلبي معــك بالناصفه
وأنـا وافي لك وأحطـــــــك بالعيون= ليه ياقلب الشــــــقاوي خــايفه
مــــدّتي عــانيت من فــقــدك غبون= كــــــلما أقـــولك تقــولي آسفه
ياعـديل الـــروح جعلك ماتهـــــون= وانتي في عينك بصيره شايفه
شـــوفي حـــــالي ياذهب لاتبخلون= شمسنا من بعد عــــــز كاسفه
ضاريه نفســي تحـــرّكها شـــجون= بالهجــر والصــد ماهي والفه
ضـــاريه بالعـــز في دربــــه تمون= وفي طريق الشين عنها حالفه
إرجعي لي في حمى الحب المصون= مايصــيد الذيب غير الطارفه
العرض العادي
