سالخير جميعن
وعيدكم مبارك جميعن
<-- ماشرى ثوب العيد ماعليك بس تشتريه لك المرحه خخخخخ
ايه يوم تفطنت وانا صغير تذكرت بلاويي ومصايبي مع بنات الحاره وش اسوي لازم الواحد يصارح الي يحبهم فكنت <<- حلوه هذه
يوم اني بزر يعني توني مابلغت خخخخخ
كانوا اهلي طالعين يتمشون بصراحه انا ماكان ودي لكن عاد التصفيق في الخدود له دور<=- تكفى ياخدود لبناني
المهم قالوا يله نبي نروح لحديقة اممممم مدري اضنها في الرياض
<-- ياااخي لاتفضح بس
المهم يوم تجهزنا وتضبطنا عاد انا شكلي معفس
ومالي خلق غصب ماخذيني مابي اروح الملاهي مايجيها الا البنات بس
<<- تكفى يااقوي
خلونا من هذه ومن مشاوير الشوارع الين تاصل الحديقه
يوم دخلنا طبعا العالم وش كثرهم متبطحين في الحديقه الي على الانجيله والي على الكراسي<<- من اهل الكراسي خخخخخ
فشرنا فرشتنا وجلسنا الا جنبا ومن حسن الصدف عائله كريمه محترمه
الا وعندهم ياناس بنت قمر ووووووك وش محلاه تقنننننن
عاد انا دوروني عندها انواع الاحتكاك قلت يله
وشلون ياابدووووق وشلون
قلت مافيه الا اني
اروح اقولهم اني معجب في بنتكم <<- على نيته
قلت لا وين هذه ماتجي وشلون وشلون
<<- يشرب كمون ويفكر
<-- من الخبال والله
المهم قامت المزيونه وهي طبعا المرحه مروووحه قلت اهوو
الله يازين الي حضرت واقمز الي هي
ومتجه للمرجيحه قلت ايه الحين جينا عند الاطلال يله يالعشاق
واجي اقرب منها بصراحه ماعندي اسلوب
عجزت جيت وسلمت وعطيتها دفتر ابو عشرين
قلت هذا دفترك طاح يوم تمشين لك هو<<- يسوال غبي مره
قالت يؤؤؤؤ هذا لي من وين لقيته انا ادوره من زمان
<-- حس ان البنت تجاوبت معه يعني نخش في صلب الموضوع
قلت لا بس كان فيه مذكراتك يوم كنتي في الجامعه
تحضرين ماجستير مدري محو اميه الظاهر ابتدائي
قالت لالا بس كنت اكتب اشعاري وخواطري
قلت يؤؤؤ تصدقين عاد انا من الكتاب المشهورين
قالت انت تنكت انت وجهك <<- حس انها عصبت
قلت لالا خلاص يله اقدر العب معك قالت لا ممنوع العيال
قلت تونا صغيرين مامدانا على عوايل يعني فري صغيرين
قالت لا لا وتصارخ ازعجتني
قمت عاد ودفيتها وطيجتها على خشتها
في الارض الا وتعفط خشمها وراحت تبكي عند اهلها
وانا ماهمني شي وجالس
بس امد كراعيني في هالمرجيحه في الجو اخليها تبرد
الا وشوي واحد يزنطني من رقبتي
مدري من هو بغيت اموت والتفت بعد الدعاء والتوسل
الا وهو ابو مرووحه
يؤؤؤؤؤ يااقوه بس مشكلته انه
وسيم طالعه عليها مرووحه
المهم اخذت تصفيقه من ابووها وعادي هذه سنة الملاقيف
بس على فكره قبل لانمشي حنت علي وجابت لي هديه
دفتر مذكراتها
ومكتوب عليه تعيش وتاكل غيرهاااااااااااا
تحياتوووو
بدر والمرحه ومقلب الحديقه
انتظروا يوم كنت في التخصصي مع هنديه
بدر الشوق
العرض العادي
