0033ffشر البليلة مايضحك !!!!!
--------------------------------------------------------------------------------
بسم الله الرحمن الرحيم
الحمد لله نحمده ونستعينه ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وأن محمد عبده ورسوله أما بعد.>>>> تسمع بالبداية الموفقة
اول مشاركه لي فاحببت انشرها في منتداكم الرائع .
مابي أطول عليكم أبي أدخل في صلب الموضوع بس هاااه بشرط محد يتريق >>>>طرار ويتشرط.
وعموماً اللي ماراح يهتم في كلامي أو ينقد ترى ما راح يشوف خير ، وبعدين من زينكم يوم ما تردون علي وما تهمكم
مشاعر الآخرين الله يلعن من يكتب عندكم>>>> وحده معصبه
هذا يا طويلين العمر والعمر الطويل في يوم أغبر كغبارة صاحبه أتفقوا الشيبان عندنا إنهم يخطبوني لولد عمي( الطوب)
مادريت إلا وامي تتمصلح معي >>>>وجه المخزي واضح
وتلمح والله إن ( فلان ) رجال وظيفته زينه ومزيون >>>> فطينه عرفت قصد أمي
قلت: إيييييه مزيون كنه زيني مع الحريم
قالت :هو يبي يسافر برى ويبي يلقط له بنت قبل ما يسافر >>>>> إلقطه المسرع
يلعن أووووووووووم التعبير (يلقط) مو أحسن لو قالت يقطف>>>> منتي عاقلة يالجوري
المهم رضيتي ولا ما رضيتي الولد جاي جاي .
قلت: يابنت مابدهاش طوب في اليد ولا عشرة على الشجرة
المهم جاء اليوم المنحوس طبعاً رحت سويت توت وحطيته في الثلاجه أدري مو شرط توت بس وش أسوي أهم شيء لونه
أحمر
وصعدت غرفتي وتزينت زينه من دون نفس >>>> والله لو إنها للجامعة ما كفتك ساعتين
طبعاً الفاونديشن والبلاشر البرونز وقلووس نافخ الشفايف ما ينفع معهم>>>> لأسباب أمنية
الوكاد إني دخلت عليه وشفته من جد هذا له وجه يجي يخطب
بس تصدقون أول شيء خطر في بالي أرسل كلمة طاعون
نعنبو داره وربي الطول متوقف عنده من عام 1409
لاو حاط على خدوده فازلين من الذرابه >>>>طالع كأنه علي عبد الكريم
هو طبعاً ما صدق الجمال الأخاذ والأنوثة الطاغية اللي قدامه >>>>>>وش عندها نيكول كيدمان
كل شيء كوم وهديته كوم جايب درع تذكار كاتب فيه كلام حلو>>>>> نعنبو دارك اللي يبيعون الدروع ماااااااااااتوا
واقعد عندهم شوي واطلع. عيونه أكلتني وأنفاسه أحرقتني>>>> 99% من كلامي في البحر
إنصدمت بقوه وطلعت لأمي أركض وأركض وأركض>>>>تخيلوها بالحركة البطيئة
واقول مابيه مابيه مابيه مابيه وامي تقول معصي معصي معصي .
وبينما أنا أركض إلا وجبهتي صافقه الجدار وأطالع بالجدار ماني مصدقه
دم غريبة غريبة دم بالعادة لو هي سكين تمشي مليون ما شقتها
واجيب لزق الجروح واحطه على الجدار >>>>>>> ماهي مستوعبه للحين
واصعد لغرفتي واقعد أفكر بعمق>>>> >>>>>>>> عسى ما تغرقين
واقول يا ربي يا ربي وش هالبلشه اللي ابتلشت فيها معقوله هالبنت النعومه اللي حتى المويه ما تشربها إلا بمزاز تاخذ
هالضب الأحرش >>>>>>>>>>>>>>>> افلقوني إذا ما كانت تشرب المويه في طاسه.
بس وش نسوي دنيا مثل الجزمة يوم برجلك ويوم بوجهك
وبما أنا غارقة في التفكير وتجي فكره هي إني أرسل البودي قارد بتوعي يذبحونه
والله ماعاد فيه حل إلا إني أذبحه أو إني أذبح نفسي طبعاً الثاني شيلوه من بالكم معصي
نعنبوا داركم تحسبون الموت لعبه والا اللي يده في المويه مو مثل اللي يده في النار >>>>>>>عاشت القصة
بس شكلي بذبحه جازت لها الفكره
قلت يا بنت لو ذبحتيه أولها إنك راح تنذبحين بعده أو إنك راح تدفعين دية>>>>>>>>>عاد دية وربي يبيعني أبوي في
أقرب حراج ولا يدفع ريال
بس الحل الأحلى إني لما أصير خطيبته رسمي واتعرف عليه أكثر راح أنصحه يروح يستشهد في الأراضي المحتلة وش
يبي من الحياة تعب ومآسي ووصخ دنيا >>>>>>>>>> كذبت وصدقت كذبتها أجل وصخ دنيا هااااه
وبما أنا أفكر فجأة حسيت الدنيا قفلت بوجهي وحسيت كل خططي ستبؤ بالفشل وقعدت أصرخ وأبكي وأغني
(حياتي كلها صبر وجلاده وغيري عايشن عيشة سعادة)
وفجأة ولع مصباح جنب مخي >>>>>>> يا شين اللي يطالع إم بي سي 3
قلت فرجت راح اتصل على برنامج سيرة الحب (فوزية الدريع) واقولها عن حالتي بس اليوم الخميس والبرنامج السبت
وش الدبره ؟؟؟؟؟؟؟
ومر علي الويك إند مثل الدهر >>>>>>>>>>يمديكم على الويك إند هههههههههه
وجاء السبت واتصلت وردت علي وقلت: الو السلام عليكم ياشيخ انا؟؟؟؟؟؟
اوف اوف اوف جبت العيد أي شيخ >>>>>>>> ياشين اللي متعود على نور على الدرب
قالت هلا عندنا اتصال من السعودية هلا عيوني مسطولة. قلت: الو دكتورة كيف الحال وش الأخبار بشريني عنك وكيف
الوالد والوالده والأهل كلهم >>>>>>>إلا وش رايك تقولين العشاء القابلة
قلت: يا دكتورة انا انخطبت لولد عمي وهو طوب وشين وانا حلوه وجذابه وما ابيه وش الحل؟
قالت: بالنسبة لولد عمك عيب تقولي عليه هالكلام والرجال مايعيبه شيء
وبالنسبة لجمالك أقول روحي بشري أمك وش تبيني أسويلك أجي آخذ صورة معك>>>>>>>>> والله تنكت
هي تتكلم وانا مو مصدقه هذي الدكتورة فوزية اللي دايم ضد الرجال والموضوع التافه تحطه كبر جبل أحد!!!!!!!!!!
مستهينه في موضوعي قلت: يا دكتورة قولي ما أبي أساعدك وبس ماله داعي اللف والدوران
ما عاد فيه حل إلا إاني أعرض مشكلتي على زافين (سيرة وانفتحت)
ارسلت عليهم فاكس بمشكلتي ورد علي زافين كاتب: حبيبتي مسطولة سدئيني مافيني ساعدك هيك لازم تكوني هون
بالبرنامج عن جد مشكلتك صعبيه ولازم نجيب أخصائي نفسي معك بالحلئه
قلت يابعد قلبي ايوه هذي الناس اللي تفهم بس وين أجيك تقوله صادز
مااقدر اجي بروحي انا في السعودية أهلي لزقه معي حتى المستوصف اذا رحت له تحصل السيارة مليانه
>>>>>>>>نعنبوا داركم تراه مستوصف مو منتزه .
قلت: زافين . قال: لبيه. قلت: الله ينطيك العافية
قال: المهم عرفتي المحل لا تقاطعينا >>>>>>>>>>>>>هذا انت يا زافين أبووووك يالنصب
وأمضيت تلك الليلة السوداء وأنا في حوار عقيم مع نفسي وصرخات مكتومة وآهات ودموع وابتسامات تندثر وصمت
قاتل هدؤي يعكس هدوء انسانه مصدومة ما ذنب تلك الورود اليانعة تزرع في تربة مالحة >>>>>>>ياشين التفلسف
عسى ماهي مطولة الحالة
ما يستفاد من القصة:
1- هذه القصة من نسج الخيال وأصلاً مالي ولد عم لا دب ولا نحيف.
2- عصير التوت مقدم من منتوجات الصافي كلك حركات .
3- هذه القصة برعاية بونكس نظافة ريحة توفير .
4- لا تصدقون ان عندها بودي قارد والله لو ان امها هيفاء وهبي. >>>>>>>>>>لا عاد هم اللي صدقوا.
5- مكياج الفنانات صالون آلاء دشتي.
شر البليله مايضحك ..
العرض العادي
