بســم اللــه الرحمــن الرحيـــــم
التــفــرق والتــخـلـي مهلـكـه = = والتكاتف يودي لخيـر المــــصيـر
احــذر المجهول خـــي ٍ تــشركـه = = وان قريبك يترك بغيظه نفيــر
تنهكــه حـــال ِ الضرايـر تنهكـــه = = لاسمعت الخي في خيـه يغيـر
معضــدك قاربـك يـــوم ٍ تتــركـــه = =ماحـد ٍ ينفعـك باليـم الغــزيـــر
لــوتريـد الــعــز وحـدك تــدركـــه = = بس ماتلقى على ذلـك نصيـر
احــرص بطــيــبـك رديـك تملكـه = = عله بنورك على الطيبه يسيـر
لاتقـول الشـر حتـم يمــســكـــه = = ماعليه غيـره رجـال ٍ كــــثــيـر
وان ابى هدي المكارم يســلكـه = = اتركه واقصر عدوه لـو يــجــيـر
جرحك ان علك فهو منك ادركــه = = ذا قريبك ان ترك امـر ٍ خــطــيـر
قلة ٍ بالــخــلق مـن فــيـه بــركـه = = وكثرة ٍ منهم عسى ربي يجيـر
بأمتي لاقيـل يقضـي مــنسكـــه = = وبأمتي مـن صـام لله الكبــيـــر
وبأمتـي دم المعـادي نسفــكـــه = = معتلين بعصمة الديـن المنيــر
وبأمــتـي ذل وفــسـاد وصعلكـه = = داخل ٍ منه الحشا حسر ٍ ضريـر
يوم اشــوف الستــر بنت ٍ تفتكـه = = وتبرز النهدين بالبـس الســفيـر
كن حضيض الكون بدل بفــلكـه = = والدما في داخل عروقي سعيـر
آتعجـب هـــو تــطـور تحــبــكـه = = وتاخذ الحشمه لها ماض ٍ مريــر
او ذراها ذل وعيشـه مــــضنكـه = = والستر صارت به العالــم تعيـــر؟
والشباب اعنى زمانـه بأحــلكــه = = بعضهم اترف من العذرى يصير
كم من المعدن نفيـس ٍ يسبكـه = = في يده والبس ملبوس الحريـر
عــــابـــد اللـذات ربـه تـــاركـــه = = ماتهنا مـن عليــك الله هــجيــر
غاوي ٍ درب الرذيلـه يســلكـــه = = كــن جــهنم مابهـا نفـح وزفيـر
من مسك دينه حشا مايــربــكه = = يبصره بالحق والعلـم الفجيـر
الــبــلا مـن ديـــن ربـه تــاركـه = = جاهل عمره طويـل او قصيـر
وحال من يرضى الوذى والتهلكه = = عزكم ربي كما حـال الحميـر
الشـــاعـــر :: علي محمد علي البوحســون آل بوعينيــن التــمــيــمــــي