والحين ببدا قصتي اللي عن رحله من رحلاتي ..تكفى يا ابن بطوطه بحكم اني رجل إعمال يعني بزنز مان على وزن سوبرمان حبيت اني اروح لندن عشان احضر اجتماع سنوي للبزنز مان المهم قلت في نفسي لازم اريح عمري واركب طياره راقيه ولها سمعه من ناحية الخدمه صراحه احترت بين
الخطوط الاثيوبيه ولا السودانيه ولا السعوديه والايرانيه والمصريه كلهم خطوط ماخذه جوائز المهم ,,قلت ليش احتار اسوي حدر بدرا عدي العشره. والي يطلع اركب معه المهم يوم الله اراد اني ارتاح طحت بالخطوط الجويه ؟؟؟؟؟ وتأكدت اني على الخطوط الجويه ؟؟؟؟..يوم
قلت للمضيف لو سمحت انا وجبتي ماخذتها ,,قال وش تبي اسويلك اطبخ لك ولا اطلب لك مندي من مطعم اوبو رايق اقول ماتضف وجهك وتقعد.....في كرسيك ازين لك عرفت وقتها اني على الخطوط الجويه ؟؟؟
قلت له طيب ابي ماء قال وين انت جالس في قهوه بالنسيم اقول انثبر لاطبلها على راسك .. قلت انشالله
المهم جلست محترم من الروعه ماني عارف اوازن وجهي العروق من الفشله ...المهم جلست وقلت اضيع السالفه واسولف مع الي جنبي ويوم بدينا السوالف ليتني مابديت بدا المهرجان ..بالالعاب الناريه والا رانب تلاه كلمه للسيد الرئيس الي جنبي تلاه الصواريخ الي بغت تفجر راسي وتفجر الطيارة ... من ثم اغنية انا رديت لعيونك انا رديت ...المهم سويت نفسي نايم من كذبه حسبي الله عليه ..... المهم وحنا طايرين قال الطيار الرجاء ربط الاحزمه قدامنا طعوس هوائيه هاهاه....المهم يوم راحت المطبه قال الطيار فكو الاحزمه مافيه الا الخير ووسعوا اصدوركم وبعدها
قال يا نهاد يقصد المضيفه قهوي الربع يا هلا ومرحبا
المهم مشت الطياره وطارت واسرعت على وزن اسفرت وانورت
المهم يوم جتنا نهاد ولا هي ذيك المزيونه الي تقول للقمر قم وانا اجلس محلك.....جابت نهاد القهوا وقالت بدك تشرب ولا لا......عاد انا حبيت اتميلح واطول بالحكي معها قلت . من شاور ماعطا......قالت لي شو عطا شو صلاح بدك ولا لا .......قلت انا عسى ماشر وش في اخلاقك تجاريه
قالت شو انت بدك تستزرف حالك خلصنا بدك ولالا.....قلت لا
قالت احسن قلت في قلبي عسى ماني راكب على حساب ابوكي وانا مدري ........ قالت شو بتبرطم تئؤل......قلت ماقول شي .. قالت بحسب ..... المهم رديت لطرزان ابو السوالف الشجاعه الي جنبي وقلت له السالفه... قال والله انك مسكين لوه انا كان جبتها كفين وخليت وجها برنامج مايطلبه الملاكمون...... وبدا رفيقنا يكمل سالفته الا وقامو ثلاثه وكل واحد معه رشاش وقالو الطياره مخطوفه . وكنا جالسين حنا درجه اولى امحق اولى والله يا كراسيه كراسي نيسان بترول موديل 87 مع ..تلبيس جلد باغه وبحكم انا اولى قالو لنا كل واحد يبرز هويته كانو متعشمين يلقون سياسين .....قلت انا راح فيها رفيقي لان من ضمن سوالفه انه كان عازم بيل كلينتون في مطعم بخاري في المللز
المهم بعد ما فتشو مالقو احد من الي يبونه المهم جو يسئلون رفيقي الي جالس جنبي وكل ما قالو له شي وجاوب عليه اقوم انا من الخوف واقول انا معه كل ماقالو شي له ورد عليهم قلت انا بعد معه
يقولك المثل من خاف سلم المهم قال لي ارفع يدك فوق قلت ابشر قالي وش اسمك الثلاثي....واقوم واعطيه شجرة العايله .. عطيته اياها بجذوره ..... وقال الخاطف مابيها ......المهم بعد الخطف بخمس دقايق
انحشرنا من ريحه غريبه اول مره اشمها منتشره في الطياره .وعلى طول بحكم اني ذكي وفهيم وشجاع
عرفت انها ريحه جديده جماعيه انتجوها المسافرين .... المهم عرفت ان الوضع سيء والحاله..الله اعلم فيها والمصيبه الي تضحك انهم يوم صوبو الرشاش صوب رفيقنا قام مذعور وقال تكفا لا ترمي.اناحامل ..هههاي ضيع الرجال ماعرف هو مراه ولا رجال وبحكم انه كل ما قال شي قلت وانا معه المره ذي....قلت وانا اشهد والله ويوم اقبلو عليه المسكين واشوف رفيقي جنبي الحيه طالت متر وجسمه هزل وبنطلونه اصبح وسيع عليه والبلل مغطي معظم البنطلون والكرفته انكمشت من الخوف صارة كنها اشارة ممنوع الدوران..........قعدت اتهزا به وقلت له بصوت واطي انت في اي شهر وين ناوي تولد ....انصحك بمستشفى التخصصي ولا مستشفى المانع بالدمام ولا تحاول ترهق نفسك
من هنا لين الله ينتعك بالسلامه ذال المسكين ماتحمل الوضع اشوي ويــبـــكي وكل اشوي اقوله ماعليك......لاتخاف انا معك المهم الخاطفين الظاهر ماعجبهم اني قاعد اضحك واتهزا برفيقي جاء صوبي قال انت وش تقول قلت ماقلت شي كهكها بس . قال ليش تكهكه قلت له انا شفت فيلم كان فيه واحد دايم يضحك والثاني خايف قام الخاطفين وخذو الخايف واذبحوه...ونجى الي يضحك ولا همه قال لي الخاطف وش رايك اني المره ذي راح يكون العكس وعلى طول طبعا سمعت الكلام منه توسع بنطلوني وطالت لحيتي وانكمشت كرفتتي والبلل غطا جميع بنطلوني وبديت ابعبع ماني عارف احكي....قال ها وش فيك خفت . قلت لا بس تذكرت المثل الي يقول يا نافخ صدرك بتيوب ماردهم يفشونك بنبوب...((انا مدري كيف جبت ذا المثل والله من الضيعه)) المهم تعاطف الخاطف معي وتركني وقمت وسحت على الكرسي من الفرحه .......ماني مصدق انه تركني حسبي الله على رفيقي الي جنب كرسيي بغا يضيعني ومن عقبها وانا ساكت......المهم بعد ساعه من طيرانا قال الطيار كراسي القير خربان ما راح نقدر ننزل الكفرات .
قلت بصوت خافت ورا ماتروح لكراج المسعري عندهم قير ياباني مجدد ماغير... بالف ريال......المهم سمع كلامي الخاطف وجاني ضايق وقال لي حضرتك تنكت على طول..يوم شافني خفت راح عن ويوم قرروا
انهم يذبحون الرهاين قالو نبي نبدا برجال الاعمال .المهم قال من فيكم رجال اعمال محد رد.....وكل اشوي يكرر محد رد. ..المهم قال الخاطف يعني مافيكم ولا رجل اعمال طيب قم انت يقصدني قلت سم قال انت رجل وين تشتغل....قلت اربي اغنام قال يعني رجل اعمال قلت لا طال عمرك شاوي اعمال قال يعني ايش شاوي ...قلت راعي غنم قال طيب اجلس قلت انشالله قام وقال لرفيقي انت قوم وقام .....قال وين تشتغل قال رفيقنا انا اربي دجاج قال له الخاطف يعني رجل اعمال.
قال لا والله كلهم اربع دجاجات وبيضه واحده... حب عاد يستخف دمه الخاطف....وقال يعني انت دجاج اعمال قال رفيقنا لا والله الا بياض اعمال والله اني كل يوم ابيض بيضه وحده. بس اليوم دخلت في الطبق الثاني ويوم جا الخاطف ضحك وضحكنا ويوم شديدت.......بالضحك قومني المضيف من النوم قال قم هذا وانت رايح (تبوك )وتنام اجل لو رايح لندن وش بتسوي
حسبي الله عليه المضيف ما خلاني لين احرر الرهاين وانقذ الطياره
العرض العادي
