ابي اعرس .. ابي اعرس

[بنت الكيرام]

معاناة عجوز عانـــــــس..مهوووووويه..
عرفت اني عضوه بمنتدى الـــــــــــود.........
احلـــــــــى منتدى ..
واطلبتني انها تحكي قصتها لكم..
لعل وعسى يحصل المحظور اقصد النصيب..
وتروها محششه شوي .فلا حرج اوكيشن..
اليك الميكرفون مهوووويه..

بسم الله نبدأ .....
.
.
.. وقفه مع الذات ..
اتمنى منكم ياحباني تسمعوني للاخر وانتم صاكين اثمامكم اقصد بانصات.. اكشن..

ماذا حل بنا ... نحن يا معشر الفتيات .. اخبر ان الفتاة منا .. ايام مبطي .. وايام جدي وجدك ... ما يجي عمرها 14 الا وهي معرسه ..

وما يجي عمرها 18 الا وتجر وراها 9 بزران .. وما تاصل 25 الا وهي عجوز .. < الله يا سرع الدنيا

ونحن .. آآآآه من كلمه نحن < كلمة تدق بالقلب دقققق


نحن .. اصبحنا .. مجرد فتاة غلاف .. تمر الوحده منا بجميع مراحل النبته .. ( بذره > جذر > ساق > اوراق > زهرة > الا ما نصير والاعوذ بالله شرنقه مدري يرقه ) < من مراحل النبته ان منيب واهمه

المهم تمر المدري وشسمه النبته .. وحنا خامرين في بيت اهلنا .. والله لو انا خميره كان انتفشت من امس ..

البنات والبنات والبنات < الطف الكائنات ..غنوا يا تلميزات طافا طيفي طافا طا><>>>>>< يا قدمي انا وقناة مصر الثانيه

لا اطيل عليكم الحديث .. ولا اململكم .. اكثر من مللكم .. ولكن ما وقفت معه مع نفسي .. هي " العنوسه "


اخبر بنات زمان اللي هن .. امي وامك .. كان احلامهم .. ان يكون عندها عروسه وترضعها... وانها تروح الشارع .. تلعب مع البنات

فتاحي يا ورده .. وبربر .. وعلبه تشاكيل

اما جيلي .. فاحلامهن تتلخص .. في انه من يوم هي بزر .. وهي تب تعرس "اعوذ بالله وش هالجنان " ولا وامنيتها متى امها تفكها تروح الشارع .. عشان تلعب عريس وعروسه ... والا هاتك يا تميلح .. عند مناحي وخلف .. ومطلق < وين عايشه ذي

وربي رد ذا كله بنحورنا يا هالجيل ..

الوكاد .. ان بعهدنا .. انمحقوا الرجال .. وكثرن العوانس .. وزادت الازمه .. ورئصني يا قدع

سأثقل كاهل كل منكم .. يا عل كاهله للكسر ... ولسانه للمزر .. وسأروي لكم .. مراحل النبته التي مريت بها
.
.
.



" يا ويل حالي انا "



في يوم من ايام المراهقه .. دخلت علي امي .. وانا قاعدتن بغرفتي .. انتف شعر ساقي ... قالت لي .. لعنه .. متى تعقلين يا هالبنت

حسسيني انك بنت .. خلاص نب نزوجك .. نب نقلعك .. قلت : صدق عاد " انواع الجنان ركب راسي "
قالت :ايه .. ولكن هيهات .. <
قلت:: وشو هيهاته يمه .. لا تضيقين صدري .. قالت ميمتي .. الا به بنت تنتف شعر سيقانها .. قلت يمه ذا يطلع وقت المراهقه بس ..

قالت ايه .. شيليه مثل البنات .. بالمقص < امي تفكيرها العن خخخ

شوي واقولها البخي الله يهداك ... واكملت حديثها وهي تقول .. والا به بنت .. شعرها فوق اذنها ..قلت: يمه انتي تخبرين .. ما احب الشعر الطويل

قالت : اجل اربضي عند امك .. قلت ورا.. بس انا ابي اعرس ..
قالت اغدي حرمه .. وطولي شعرك .. وخلك نظيفه .. وتسبحي كل اسبوع < نسمع بالنظافه


عاد عقبه .. وانا اطبق .. حكي امي بحذافيره .. ما جا اسبوع الا وانا مجدلتن جدوله لها

وما تخش ميمتي علي الغرفه .. الا وانا امشط هالشوشه .. قدام المرايه .. واقول " اب اعرس اب اعرس "

عاد مرت علي مراحل النبته .. ومراحل الحشره .... ومراحل الضفادع ... وانا ما بعد اعرست ..



يمه .. بصراحه طقت تسبدي .. شعري صار الى ركبتي .. ومهنا لا رجال ولا عرس .. لو انك مخليتن العنز على حاله ابرك >>>>< حنت لنتف ساقها قالت يا بنيتي يجيب الله مطر

بس ظنتي ... ان بك عين .. والا احد ناضلك .. نب نوديك عند شيخ .. رحنا يم .. الشيخ .. وقال بنتكم ما فيها الا العافيه ..

وتقدر تعرس بأي وقت .. قلت يا شيخ .. تخبرلنا واحد مناوالا منا.. في هذه اللحظات .. شلتني ميمتي من عباي ...

طبعا .. وصل عمري 30 وانا ما بعد اعرست .. يمه تراه موب حال .. الحين .. حنا نشوف هاللي يسعسعون بالشوارع .. وربي مكثر السمرمد ..

وينهم عننا هاه .. لا انا اعرست .. ولا خواتي .. ولا بنات عمي .. ولا صديقاتي .. وش هالقحط


وكعادتها تقول يجيب الله مطر


وتدق على جارتنا .. تقول ... نب نجي نسير عليكم .. ( وهالمسيار مخصص عشان نشوف كيف بناتهن اعرسن ) الا بسالك .. يا نويّر شلون بناتك اعرسن .. ؟ قالت الجاره .. بناتي طخمات وذكيات < مهيب تدق الوالده ابد

وما اسمع هالكلمه .. وتحز بنفيستي وازعل .. والز امي مع جنبها .. واقول سرينا .. لا ابوهم لابو اللي يقابل هالوجيه الكشره .. تفو عليكم .. يا ربي انشالله يطلقن بناتك اجمعين

قالت بناتي .. مهن عوب مثلك .. دوري احد ياويك .. غدا وجهك كله مكرفس .. وانتي تحترين العرس


ومير يغمن عليا ... وتشيلني ميمتي ....... وتودين لنفس الشيخ .. تقول يا شيخ .. بنتي .. منسطحتن في كبدي .. كلن يعرس الا هي ..

قال ... لحول يا خاله قلت لك بنتك مضعوفه ما فيها الا الفسقه .. لا تسمعين كلامها .. بس يا شيخ .. ودي انها تعرس .. وودي خواتها يعرسن

سدت طريقهن .. عويذ الله من شرها

قال والله انكن بلشه .. بس خذي مني الشور وخليها تحضر عرس اغدي .. يحطون عليها العين .. بس خليها تحتشم ..

[بنت الكيرام]

ومن باكر .. والا ميمتي .. ماخذتني على اقرب قاعه افراح لبيتنا ..


عاد بالنسبه للحشمه ابشركم .. فهمت الشيخ غلط .. ومير اروح اشري .. عباة على الراس ...وقفازات .. وشراريب .. ونقاب اسلامي (ابو عين وحده ):

وعاد اطردونا من على الباب .. وامي تقردن فيهم .. تقول والله موب مكتوب ممنوع مغاتير

ردت الخاله اللي عند البوابه .. قالت أي مغاتير الله يصلحك .. جايبتن معك هالخفاش وتقولين مغاتير .. والله ان ولدي بخيت افتح منها


وباكر بدينا رحله جديده .. لبست لبس زين .. وكشخت .. ورحنا نفس القاعه ..

يوم تشوفني الخاله ... تقول اهبوا عليك .. اثرك حمرا .. شكلي بزوجك ولدي بخيت


عاد انا يوم مدحتني .. مير .. اروح بعمري .. واقولها .. وع .. عليك انتي وولدك .. الخال .... ذا اللي ناقصني ..

بما انها حرمتن حشيمه واحسن مني انا وامي < تراني ما ا سب ابد

ما ردت علي واسفهتني .. على اني احرجتها قدام الناس ...

جينا وقعدنا على اول طاولة ... " الله من قو الوجيه " وتجلس جمبنا وحده . .. ماغير تقز هنا وهنا.. الا اناماتقزني .. عاد سالته .. قلت وش تسوين ...

قالت انا خطابه ... وجايتن اشوف بنيت زينات .. عندي طلبات .. قلت .. صدق عاد .. دخيلك انا بعرس

قلت .. اقضبي ارضك بس .. محدن باغيك .. قلت ليه .. قالت .. يبون عشرينيه .. ما يبون عجّيز كبرك .. قلت طه انا جايه هالعرس عشان اخطب .. ويعجبون فيني .. وش اسوي .. قالت قومي ارقصي ..

وسمعت حكيها .. وهات يا ردح .. الا ما تمزعت جنوبي .. ولا تعبت .. اقعد بالارض .. واومي بشعري

الوكاد اني نقصت 10 كيلو خخخ .. بس ماش .. جت اللي تطرد البزران .. وطردتني بباكورتها .. ومير تنكسر نفسي .. واحول ..

واقول في بال نفسي .. " اعنبوا اللي جابني لكم .. ناس ما عندكم عرسان "

واجي يم .. امي وهي طايحن وجهها ودميعاتها على خدها .. .. يوم تشوف ان الدنيا تلطم ببنيتها من شمال ومن يمين ..

وتهورت .. وطلعت على المنصه .. وهي تنشد ..


ليه يا دنيا تعزين .. عوب البنيت ..

وبنيتي جنينتي .. مطيحتن بختها ..

حرمتيها حلو المنام ..وزين المبيت ..

لين عافت زين حلومها ورمتها ...

ما بغت الارجل با لحلال وستر بيت ..

وما لقت الا بخيت وامه اللي حطمتها ..

يالله انك تحفظها من كل كيت وكيت ..

وتثوبني من اجرك كاني امنٍ حمتها ..

وفي هذه اللحظه ... سحبت ميمتي .. وقلت هلم بنا .. يكفي طيحه وجهه

وامر من جمب ام بخيب .. واقولها .. هاه .. ما زلتي .. عند كلمتك .. وتبيني لبخيت ؟

قالت : ايه .. صح انك عوبه .. بس بعد حتى حنا عندنا بنات .. نب نسترهن ..





ما يستفاد :

1- العنوسه .. غدت داء ماله دواء ..

2- البنات العوب .. هن اكثر المستهدفات من قبل العنوسه

3- الله يهدي بعض الامهات اللي تطامر عند الشيوخ تقول بناتي بهن عين وما اعرسن ..

4- نهايه كل وحده تميق بشبابها .. وعمرها .. لبخيت واشكاله .. < لحد الان حاقرتن بخيت ههههه

5- يا ليت كل اسرة تحس بمعاناة الاسره الثانيه .. وما تخطب لعيالها .. من بنات اجنبيات .. والا من برا برا العائله .. لان كل ذا على حساب بنيتنا ..

[سعودي$اصيل]

هههههههههههههههههههه
هههههههههههههههههه
ههههههههههههههههههه
فااااااااااااااااااااطس من الضحك
يعطيكي العافيه

[بنت الكيرام]

تسلــــــــم سعودي على مرورك
ودووووووم الضحكه انشالله
والفطاس انشالله
ونسيت اقول انه منقوووول
تحياتي::::::::

[الشاكـــي]

ههههههههههههههههههههه

خطيره والله

هذي يبليلها تسوي لها مسلسل مكسيكي

وربي راح تصك على آمي ههههههههههه

يسلمووو

تحياتي

[هيـــك وهيـــك]

صدقيني تعبان مالي نفس اقراء والله
بش مشكورة على الموضوع

[بنت الكيرام]

تسلم شاااااااااكي على مرورك
وعاد يبيلها مسلسل مكسيكي اوكي
بس انت الممول والله يعينك على طلباتها خخخخخخخ
وهيك وهيك وهيك وهيك ليه كذا طب اقرا عشاني انا ووجهي
عالعموم تسلم عمرورك دون القراءه ثانكس
وسلااااااااااامتك من التعــــــــــــــــــب

[هيـــك وهيـــك]

احرجتيني بكلامك وربي اني الحين اطالع فيه
حرف حرف عشان متقولين هيــك وهيـــك مجرم حرب
ههههههههههههههههههههههههههههههههه
ههههههههههههههههههههههههههه
هههههههههههههههههه
هههههههههه

[بنت الكيرام]

يسعد قلبك هيك وهيك وهيك وهيك
والله انك ذووووووق
ومن قال انك مجرم حرب خخخخخخخخخ
يسلمك ربي خيوووووو
ودووووم الضحكه انشالله

[هيـــك وهيـــك]

يمكن تقولين عني مجرب حرب
انا اعرف كيف تفكرين انتي

تبين تاخذين حكم المنتدى بتسوين زي هتلــر


احس اني من التعب قمت اهلوس والله
ههههههههههههههههههههه
ههههههههههههههههههه
ههههههههههههههه
ههههههههههههه
هههههههه
ههه
هه