شفت نفسي بالمرايا واتحسر ع لبراءه
حرام دمعتي تجرح خد ما عرف طعم البشاشه
صرت اخذ واعطي صرت اضحك واتباهى
يلست يم المرايا حلت لي شوفت الضحكه
قمت اضحك وابتسم قمت ارجف واتنهد
احبس الضحكه لا تختفي وترجع الدمعه من يديد
صرت ادعي ربي عسى هالضحكه تدوم ما تختفي
ثواني ما كملت دقايق نطق كل ما فيني وتكلم
صرت اشوف بالمرايا كل ما فيني يقول
وابتدا شعري يميل
وين ذاك السواد مكتسي بذاك البياض ابيض بياض الورق
شفت لمعه في عيوني تحكي وتشكي المرار
شفت رمش في عيوني كل رمش يشتكي
شفت غيمه في عيوني تنتظر موعد همومي
رجعت من يد ويديد مثل باقي الوقت ابكي وانوح
يلست افكر واقول من يحس بدمعي والجروح
منو الي اشتكي له كل ما فيني هموم
فكرت بصديق اخو وعزيز او حتى حبيب الي هو سبت شوقي والعنا
ما بقالي غير خصمي اشتكي له واقول يمكن يسمع بجرحي وينكسر قلبه ويحن
كل ما اروح لحد أفتخر واقول الله يحبني
وعاشره أيام واشهور وسنيني
وكني ما اصدق احد يحبني ويوفيلي
واقعد افكر بيني وبين نفسي واقول
ما احلى الناس الوفيه والحلو الدمعه تحب وتفتخر
وبالأخير أكتشف انه حب مصلحه
مصلحه فمصلحه
وارجع من اول الطريج واسلكه ندم ودموع
خيبة امل وشوق
ولما اروح للحبيب الي كان يحبني
القاه ما تذكر شي فيني
القاه يتناسى الوفا والاخلاص
يبيعني وانا الي من علمته على الحب
ضحيت له بحياتي
عاندت كل اهلى واخواني
شليته تاج على راسي بعت الكل على شانه
عشت بخوف وانا اتجاهله
سرت بظلام وانا بالنهار
عشت معميه بحبين خيال
مشيت الحب وانابشوق واحساس
نعم حبيته انا حبيته
حبيت الي ما يستاهل
حبيت الي من عرفته ما شفت منه الا كل شين
ان جيت اوصفه اخاف ما اوفيله
اخاف اقصر في حق من حقوق عشرتي وياه
اخاف اقول سم وعذاب ولا كني وصفت شينه وعذابه
اخاف اقول الخوف لبسه والخوف اكله وشربه
الخوف شي في دمه يجري
عاشرته سنه ما كني عاشرت انسان الا انا عاشرت خوف في انسان
حرام اظلمه اقول كله شين اقول شينه اكثر من زينه
اقول له رحت وراح الخوف معاك وهل الفرح من بعدك
تحسبني اموت من بعدك
ترى غلطان محد يموت قبل اجل مكتوب له
شوفني من بعدك جمالي يفوق الوصف حتى القمر طامع بشوفي
حتى الناس تنبهر بشوفي
والحين اقوله ما ابي منك الا السموحه روح من وين ما جيت وانا بالف خير اكون
ما اطمع الا فبعدك من حياتي وكثر الله خيرك وخير جيتك ترتجيني
توقعته نصيبي وانا اخدع نفسي
وتوقعته يعيشني حياه ما بها كره وخداع
تمنيته عون وحبيب كشفلي عدو وفرعون
كنت احسبه نور النهار واتضحلي سود الليالي
دفعت ثمن محبتي الحقران
بعد كل هذا رجع يبي وصالي
نسى معانتي وعذابي
نسى دموعي واهاتي نسى شوقي من بعده
لا يا هذا لا تحسب اني بضاعه تنباع وتنشرى مع الايام
لا تظن اني لعبه من العابك تكسرها وترجع تصلحها
لا تقول اني احن وارجع
لا تحسب اني مع الايام انا بعود
واعلنها لك واقول
كنت الحبيب والحين الخصم
لو تموت وترتجي
لو تعود وتاسف
لو تروح وتجي
ما ارد لك لو تحط القمر يميني والشمس يساري
ما عدت الدمعه المظلومه الي كنت تخبرني
ما صرت على هوى من يروح ويرجع
وبالاخير اقول ماهي هذي كل الحكايه
ما تنتهي دموعي والاحزان الا بعد موتي والفنا
وكل هذا وانا بعدي احكي واشوف المرايا واتحسر ابحياتي
واحمدلله كل هذا مجرد خيال ما هو حقيقه وانا يم المرايا
وما اقول خيال اقول صار لغيري وعاش المر فحياته
اتعاطف ع البشر اناني ما عرف حب في حياته ولا الوفى
يحسب الكل مثله ماله وجود فدنيا الاحساس
ترى البشر اجناس منه الوفي ومنه الخاين والغدار
وسلامي على كل بنت عاشت المر مع من تحبه
واقو لها ما تنتهي الحياه مع من تحبينه ترى الله خلق غيره وميزه
والي خلقه خلق مليون بداله
يا بنت الاوادم خلج بدون حب وماسي خلج بالارض لا تطيرين ترى من طار رجع يوطي راسه للي خلقه
قوية عين
العرض العادي
