كنتُ ( ويا لغبائي )أتوقع أن أكثر البنات السعوديات عاقلات ومؤدبات وشطارات .. ومثقفات
ولكن يا للأسف
أكتشفت في وظيفتي عكس هذا الكلام
أكتشفت ان أغلب البنات
خلوني ساكت أحسن
طبعاً وظيفتي خدمة عملاء في احدى الشركات الكبرى التي تملك العديد من الارقام المجانية ..
وهي تخدم العملاء في مجالات شتى ( بطائق انترنت وبطائق اتصال وبطائق سوا ...الخ )
وتتعاقد دائماً مع بعض الشركات التي لا تملك خدمة عملاء .. مثل البريد السعودي واختبار القدرات وغيرها ..
وكما تعلمون فان الشريحة الاكبر من الاتصالات هم من الوافدين ... والبنات السعوديات
وقبل أن تتهموني بالتحامل ضد البنات .. اقرئوا هذه الحكايات .. وبعدها احكموا ..
((( مساعدة غريبة )))
انا : خدمة العملاء .. ( فلان الفلاني ) السلام عليكم ..
المتصلة : وعليكم السلام .. مساء الخير يا اخوي
انا : مساء النور .. اي خدمة يا اختي
المتصلة : عندي بطاقة ومو راضية تشتغل
انا : طيب .. اعطيني الرقم التسلسلي
المتصلة : بصراحة البطاقة مو معي
انا : بس انا ما اقدر اساعدك الا بالرقم التسلسلي
المتصلة : يعني انت تبغى تساعدني
انا : اكيد ابي اساعدك
المتصلة : متأكد !!!
انا : ايه
المتصلة : طيب وش رايك تعطيني بطاقة جديدة
انا : أختي لو سمحتي عندي اتصالات كثيرة ورجاء لا تضيعين وقتي .. بطاقتك ما تشتغل اساعدك فيها .. غير كذا ما اقدر اساعدك
المتصلة : هذا لانك قليل ادب وانسان مو حريص على مساعدة عملائكم وانا الغلطانة اللي أشتريت بطايقكم
انا : شكراً يا اختي .. وفي امان الله .. وقفلت السماعة
=============================================
((( فاضي ولا مشغول )))
انا : خدمة العملاء ( فلان الفلاني ) .. السلام عليكم
المتصلة : وعليكم السلام ... اخوي فاضي ولا مشغول
انا : فاضي طبعا .. اي خدمة
المتصلة : حلو .. قريت جريدة الوطن اليوم
انا : لا طبعا
المتصلة : طيب .. شفت برنامج كلام نواعم
انا : لا يا اختي << بدا يرتفع ضغطه
المتصلة : طيب وش فيك معصب .. اخر سؤال بس بدون عصبية : سمعت راشد الجديد
انا : لا .. سمعت عبدالمجيد الجديد
المتصلة : ياخي وش فيك انت .. لا .. لا ... لا ... كل شيء لا ... يا اخي انت معقد وما عندك سالفة
انا :
((( خالد عبدالرحمن )))
طبعاً من الاشياء اللي حاطينها في نوع من البطائق ( للأستماع للفنان خالد عبدالرحمن أضغط على نجمة ثم رقم 5 )
انا : خدمة العملاء ( فلان الفلاني ) .. السلام عليكم
المتصلة وهي في قمة الفرح : وعليكم السلام .. هلا ابونايف
انا : ابونايف مين انا مو ابونايف
المتصلة : طيب ممكن تحولني على ابونايف
انا : مين ابونايف يا أختي
المتصلة : خالد عبدالرحمن
انا : وقفلت السماعة على طول
((( أحبك )))
انا : خدمة العملاء ( فلان الفلاني ) .. السلام عليكم
المتصلة : وعليكم السلام .. أخوي ممكن أقلك شيء
انا : ممكن .. ليه لا
المتصلة : أحـــــــبـــــــــــــك
( أنا قد سمعت بالحب من أول نظرة .. بس أول مرة أسمع بالحب من اول كلمة )
انا : أختي عيب عليك .. وترى رقمك طالع عندنا .. وأقدر اكلم ابوك او اخوك .. وما راح يرضيك الشيء هذا
المتصلة : يا اخي وش فيك زعلت .. اول مرة تقلك بنت أحبك
انا : يا الله في امان الله
((( ما عليك زود )))
انا : خدمة العملاء ( فلان الفلاني ) .. السلام عليكم
المتصلة : والله والتبن
انا : ما عليك زود والله وقفلت السماعة
==============================================
((( مجلة سيدتي )))
( طبعاً خدمة البريد الجديدة راح تكون صناديق البريد امام ابواب المنازل ..
وراح تبدأ الخدمة في الرياض بعد شهر ..
وفي الغربية والشرقية بعد شهرين ..
وفي بقية المناطق بعد ثلاث أشهر )
انا : خدمة العملاء ( فلان الفلاني ) .. السلام عليكم
المتصلة : وعليكم السلام .. واشكركم على الخدمة الجديدة ... والله العظيم اني استانست يوم قريت الدعاية في الجرايد ..
يعني خلاص يصير البريد يجينا الى البيت .. والمجلات والاشرطة وكل شيء ..
انا : طبعاً كل شيء .. اي شيء كان يجيكم على البريد القديم راح يجيكم على البريد الجديد
المتصلة : طيب يا اخوي متى راح تبدأ الخدمة في الباحة
انا : بعد ثلاثة أشهر
المتصلة : ليه ليه ليه .. المفروض المناطق النائية تبدأ قبل المدن ... انا اليوم كنت فرحانه عشان مجلة سيدتي تصير تجيني على البيت على طول .. بس انت قتلت فرحتي
انا : يا اختي كلها ثلاثة اشهر وتوصلكم الخدمة
المتصلة : لا لالالالالالالا .. انا ابيها من اليوم ... طيب ممكن اطلبك طلب
انا : تفضلي
المتصلة : معك اختك فلانه الفلاني ساكنة في قرية ( ****) في الباحة واسئلك بالله تكلم مدير البريد يبدؤن ببيتنا ومستعد اعطيك اللي تبي حرام يا اخي ... المجلة ما توصلني الا بعد نزول العدد اللي بعده .. ابيها توصلني على طول
انا : خلاص ولا يهمك راح اكلم مدير البريد يهتم بموضوعك
المتصلة : تكفى واللي يرحم والدينك لاتنسى .. وراح اشكرك في الجرايد .. وراح اعطيك اللي تبي .. تكفى أهتم بالموضوع
انا : خلاص .. الحين أكلم لك المدير وما يصير خاطرك الا طيب
================================================
((( بنت معالي الشيخ )))
انا : خدمة العملاء ( فلان الفلاني ) .. السلام عليكم
المتصلة : وعليكم السلام ورحمة الله وبركاته .. ومساك الله بالخير يا يا خوي
انا : مساك الله بالنور والعافية
المتصلة : في البداية أشكركم جزيل الشكر على خدمة البريد الجديدة ..
وعندي كم استفسار ..
وبعد تقريباً عشرة اسئلة .. واقتناعها التام بالخدمة :
المتصلة : معكا فلانه بنت معالي الشيخ فلان بن فلان ... وزوجة الامير فلان بن فلان
انا : حياك الله يا اختي
المتصلة : ابيك تناديني ام الوليد
انا : والنعم والله يا ام الوليد
المتصلة : شوف يا ولدي .. انا ساكنه في الرياض في الحي الفلاني وفي الشارع الفلاني ورقم القصر كذا .. وابيك تهتم بالموضوع
انا : ابشري يا ام الوليد <<< صار يمون
المتصلة : خلاص سجل رقم جوالي عندك 0555
انا : لحظة لحظة يا ام الوليد ممنوع أخذ رقم اي عميل او عميلة .. ومكالماتنا مسجلة ومراقبة
المتصلة : وش قصدك يعني .. أنا أشرف منك ومن شركتك .. أنا ابعكم وأشتريكم ... انا ... وانا ,,, وانا
انا : انا داري والله يا ام الوليد .. وانا ما أشك فيك .. بس النظام نظام
المتصلة : لالالالالا ... انت جالس تشكك في اخلاقياتي وتصرفاتي وما جابته امه اللي يقول عن ام الوليد كلمة وحده ..
انا : يا ام الوليد .. انا والله العظيم مو جالس شكك في اخلاقياتك ولا شيء بس النظام نظام
المتصلة : عموما راح تتابع لي الموضوع وتهتم فيه وهذا رقم جوالي ************ .. وعطني رقم جوالك
انا : وهذا رقم جوالي ********** وراح يصير خير ان شاء الله
المتصلة : يا ولدي .. لا تزعل علي ... أنا سفرياتي كثير .. وابي منك اول ما يركبون الخدمة عندنا تتصل علي
( طبعا التركيب واموره مو من صلاحياتنا )
انا : خلاص ولا يهمك يا ام الوليد .. انا اول ما اطلع من العمل راح ادق عليك ونتفاهم
( طبعا الله لا يوريكم الاتصال اللي صار بعد ما طلعت من العمل )
((( افعل خيراً تلقى ... )))
انا : خدمة العملاء ( فلان الفلاني ) .. السلام عليكم ( طبعا الساعة 2 الليل )
المتصلة ( شكلها كبيرة ومحترمة ) : وعليكم السلام .. يا ولدي ... ابيك تفزع لي الله يوفقك وين ما كنت
انا : أمري يا خاله
المتصلة : انا ساكنة في قرية بعيدة عن الرياض .. وجوالي مفصول ... وتلفوني ما فيه صفر ... وولدي قال بيرجع الساعة 10 وما رجع الى الحين .. وأبيك تعطيني بطاقة عشان أكلمه
انا :
المتصلة : الله يوفقك يا ولدي وما راح انساها لك .. والله يخليك لامك .. ( طبعا كان واضح الحزن في صوتها )
انا : أبشري يا خاله .. راح أعطيك الحين بطاقة .. بس والله انها من حسابي .. لكن تستاهلين وان شاء الله يكون ولدك بخير والله يعينكم
وأعطيتها رقم بطاقة ( فئة عشر ريال )
المتصلة : الله يوفقك ويسلمك ويبارك فيك .. وهذولي الشباب اللي نفتخر فيهم
بس وش قلت لي اسمك يا ولدي
انا : فلان الفلاني
المتصلة : والله والنعم فيك .. والله يخلك لاهلك ويخليهم لك .. وفي امان الله
بعد اقل من عشر دقايق
انا : خدمة العملاء ( فلان الفلاني ) .. السلام عليكم
نفس المتصلة اللي قبل شوي : ممكن تحولني على ( فلان الفلاني )
انا : معك فلان الفلاني
المتصلة : والله وما قالت
انا : افا .. ليه يا خاله ( بصراحة كنت اتوقع البطاقة ما أشتغلت )
المتصلة : الحين .. اطلبك بطاقة ... وتجي تعطيني بطاقة ابو عشرة ريال بدل ما تعطيني ابو 100 او 50 او على الاقل ابو 20 .. مالت عليك
انا : وقفلت السماعة
=================================================
((( وختاماً )))
ايها الاحبة : طبعا يوميا اتلقى ما لا يقل عن 200 مكالمة ..
بدون مبالغة 70 % من المكالمات بنات ..
ومن الـ 70 % ما لايقل عن 80 % منهم ما عندهم سالفة ..
واغلبهم أعمارهم من 15 الى 25 ..
وللمعلومية فهذا غيض من فيض من المكالمات ..
وهناك العشرات من المكالمات التي لا استطيع ذكرها ..
او بالأصح أستحي من ذكرها وذلك لتجاوزها حدود الادب والاخلاق بشكل ما تتصورونه ..
تحياتي ... وارجوا ان البنات لا يزعلون علي ..
وانا متأكد ان بنات المنتدى ليسوا من النوعيات أعلاه ..
وفي أمان الله .
ملاحظه
ابشركم طلعت من العمل هذا لأنه قـــلق قـــلـق وآآآهـــانـــات
الله يفرج همك ويوسع صدرك ياشيخ مثل ماسدحتني تحت هالطاوله
بصراحه مواقفك هذي مرت على واحد من ربعي كان يعمل في مجال مشابه لمجال عملك وكان يقولي يوميا عن مواقف تصير معه تتعدى المواقف اللي ذكرها في خشونتها من الناحيه الاخلاقيه
انا : خدمة العملاء ( فلان الفلاني ) .. السلام عليكم
المتصلة : وعليكم السلام .. أخوي ممكن أقلك شيء
انا : ممكن .. ليه لا
المتصلة : أحـــــــبـــــــــــــك
( أنا قد سمعت بالحب من أول نظرة .. بس أول مرة أسمع بالحب من اول كلمة )
انا : أختي عيب عليك .. وترى رقمك طالع عندنا .. وأقدر اكلم ابوك او اخوك .. وما راح يرضيك الشيء هذا
المتصلة : يا اخي وش فيك زعلت .. اول مرة تقلك بنت أحبك
انا : يا الله في امان الله
"""""""""""
عادة الشباب لا سمعوا كلمة احبك من البنات اعتقد بيطيروا من الفرحة فعلا استغربت من تصرفك
او انه عشان المكالمة مراقبة ,, بس اكيد انك حفظت رقم الجوال خخخخخخخ
حــكايــاتــي مــع الـــبـــنـــــات !!!!
< صريح
العرض العادي
