يابري حــالي علـيك وبيح سدي=شيب عينــي منــك .ولا طررر جيبي
يامدى شوفـــي ويامخـــزون يدي=ياشقــى قلبــي وياملواح شيبي
ياتناهيــت الحشا من فــوق حــدي=ياهواجيـسي وياعلـمي وغيبي
يانهايـــات الدروب الـلــي تقـــّـدي=يابدايــات الجـروح , وياطبيبي
يادموع ٍحــدرت مــن فـوق خدي=ياوجــود العاطــفه (ياحـلو عيبي)
ياقسى يالين (ياليل التحــدي)=يامسـى ياعيـن (ياشمس المغيبي)
يانسانيـس ٍعلى مسراي , هـّــدي=ياعذاريبـــي ليامن قلت (ميبي)
ياوجودي لا ذكرت شقال جدي=يوم وصانـي على خـــوة صحيبي
قال لامن شفت في ممشاه صدي=اتركـــه واحـذر تعـوّد مستريبي
مادرى بان الهوى دربٍ يودي=وان شفـوقي له على كلمة (حبيبي)
وان غرامي له مثل حلمي لغدي=وان فـراقـه لي فــراق ام ٍ (وبيبي)
اصتفــق حبه وهـــد الحيل هدي=ثم ضـرى ليلي على دمع ونحيبي
سم حالـــي سم ماقال المعدي=فوق مرقاب ٍ عوى به صوت ذيبي
ساري ٍ يطرق لحون القاف مـّدي=ناهج ٍ طـرق (ابن هذال العتيبي)
نابغه في سيرته للجد جـّدي=وفي مفاهيمه علـى فكر (القصيبي)
سابح ٍ في بحر ابو رمش ٍ يشدي=لايعـه مالــوقت مالـّوع نصيبي
ياشفى ولا شقـى ,,وشزاد ودي=ماوفـى مـن مابقى منك قريبي
يادفى ليلة لقى من عقب كدي=ماطفـى شوق ٍ سقى قلبٍ صويبي
ياجفى ولا نقى ,, (ياعين لدي)=ماخفـى علم ٍ رقي راس اللبيبي
(ياحقيقة حلم) لا لا تستبدي=ياضمـى العطشان أطفـي لي لهيبي
ياسحابة شوق ردي واستردي=(ياقمـر ولا شعى البـراق ) جيبي
لا تسيبيني وحيد وماتـردي=( عذبـــي قلبــــي) ولاكـن لا تسيبي
العرض العادي
