**
إن جفاك الوقت لحظة يا عيـون الشـوق لـدّي
ليلةٍ يـا بنـت فارسهـا ترجّـل عـن جـواده
كانها شرهة مشاعر .. يا سحابة صيف عـدّي
يا بعد عينٍ تودك .. هـو بقـا بعـدك سعـاده
ايه أنا يا بنت .. أحبك .. و الطموح أكبر تحدّي
و الظروف اللي هزمنا .. بالطموح و بـالإراده
كل ما جيت .. لبطاك من الوفا روحـي و ردي
ابتعد وصل الزمـان و جيـت تجمعنـي وداده
ليلةٍ فيهـا لقانـا .. مـا حـدٍ يـا بنـت قـدّي
لا ارتوت عيني .. قلت عـاد القلـب .. عـاده
إنتـي الحـب الاكيـد وزلـة الغالـي تعـدّي
كل ماجيتك وله .. يا غايـة القصـد ومـراده
وان حكوا .. حكي العواذل لا يجيب و لا يـودّي
يا وهج حرف القصيد .. اللي حضر والنور زاده
يا بعد عينٍ لغيـرك .. مـا تتـوق و لا تلـدّي
انتي اللي لك حضـور يحـرج الليـل وسـواده
يا مراكب حبنا فـي زحمـة الاشـواق هـدّي
ويـن ماسافـر حبيبـك قلبـك الطيّـب بـلادة
بعض القصائد من ديوان الشاعره صدى الحرمان رحمة الله عليها
هي شاعرة قطرية
وهي من مواليد سنــة 1962
بدأت تكتب الشعر و الخواطر سنـة 1985
رغم معاناتها الجسدية رغم المصاعب النفسية لأي إنسان معاق
إلا أنها لم تستسلم لمعاناتها وأبدعت لتصبح شاعرة الخليج الثانية 0
رحــــلـــــة ايــــامـــــي
**
تهاوت رحلة ايامي في ركن الخـوف والحسـره
وبديت اضعف مثل ظلي وارمي بالعمـر خلفـي
و أواصـل الـدرب و كـل خطـوه تبكيـنـي
و يعـز دمعـي و أنـا الموعـوده بـالامـي
و ما أفظـع الخـوف و الشـوق الـذي فينـي
من يوم غبـت اسكنـوا فـي داخـل عظامـي
**
يـــــــــــبــــــــــــه
**
تمنيتك معـي باقـي تبـدل خوفـي اطمئنـان
يا أغلى من رحل روحي تعايـد بـك بوجدانـي
تطوف الذكرى في قلبي تصحي خافـقٍ شفقـان
وتصرخ فيني اقداري ماعاد يرجع لكـم ثانـي
ورجعت اعزف لاعيادي نشيد الارض للانسـان
لأن الارض تبقى وعمرنا وحـده هـو الفانـي
تمنيتك معي بالعيد يـا قلـبٍ يعـرف الغفـران
لو ان المستحيل اصعب تخطيتـه علـى شانـي
يا ويل اللي رهن عمره لحلمٍ طـاف والوجـدان
وانا حلمي رغم صغره مـن التعذيـب اعيانـي
في يوم العيد زارتني مشاعر ترفـض لكتمـان
تقيـد بداخـلـي نــار الحفـهـا بكتمـانـي
تعيش بداخلي صـورة تـردد معظـم الأحيـان
ووين اهرب من الامـي وانـا الالآم عنوانـي
**
انــكـــســـارات الــنــخــيــل
**
عز الكلام بخاطري بعض الحـروف iiالسائلـة
و أنا افترشت الصبح و أبحث للقصائد عن iiمقيل
و رحمةٍ باللي بقى من بعـض عـذرا iiذابلـه
و مالها غير الشعر رفقه لهـا الـدرب الطويـل
تقرأ بياض إحساسها بعـض العقـول iiالكاملـه
و تبكي مشاعرها مع صوت انكسارات iiالنخيل
عكازتي ضاع الوعـد و سـود الليالـي عايلـه
و ما ظن في يوم الأمل يلقى لخاطرنـا iiسبيـل
بعض القصائد من ديوان الشاعر عبدالله بن أحمد ابن سعيد ابن صالح خضر الودعاني
وهو شاعـر سعـودي
من مواليد سنة 1975 م
وقد كانت بدياته عندما كان عمره 17سنه بدا في كتابة الشعر والخوطر
تدري أعذرني
تدري حبيبي . . . فراقك موت!!! . . . و الدنيا في بُعدك تابوت . .
وذكرياتك عقابي . . . وساعة الفرقا حسابي . . .
من بُعادك كل من حولي تراب!! . . . وكل هداياك لي كفن . . .
و كل بكره أمسي سراب . . . و كل حلم الرؤيا . . .يندفن . . .
في بُعادك . . . يا عذابي . . .
ما عاد بالدنيا جمال . . . واستلمت بيدي كتابي . . .
تصدق ! بيدي الشمال !!
وابتداء الحين عقابي . . .
وابتداء الحين عقابي . . .
شوفني أحترق بنار شوقي . . . و الدم يغلي في عروقي . . .
وأصرخ بأعلى صوتي . . . ولا أحد في البشر !! يسمع لي صوت . . .
حبيبي . . .
حبيبي . . .
حبيبي هذا حال الدنيا في بُعدك . . .!!
ما هي حرب . . . قد ما هي برزخ الحب . . .
أعذرني حبيبي . . . فهذا حبك و هذا قلمي بحرفه يبوحي . . .
أعذرني . . .
يا بوي
يا بوي لو أني من العام أرثيك ** وشعري يسجل بالكتب و الجرايد
ما وصلت كل المعاني معانيك ** ولا ظنتي تكفيك جزل الفرايد
شعري وحرفي يا أبيض الوجه يبكيك ** وينزف وريدي في رثاكم قصايد
ودموع عيني كل ساعه تناديك ** تذرف دموع فوق خدي شرايد
لو تنفدا في غالي الروح أفديك ** وأعطيك من عمري سنين ً جدايد
ما هو لحالي يا بوي أنعيك ** غالي وفقدانك على القلب كايد
يا كثر من بالناس يالغالي يغليك ** وفقدتك صارت عليهم فقايد
هاك الرجال تشيل ذكراك وتطريك ** اللي قريب و اللي من الناس نايد
سعيد بن صالح و الأسم يكفيك ** مرحوم يا كساب جزل العوايد
يا واصل الأرحام ذي ميزة ٍ فيك ** ترجى عوضها من جزيل المدايد
عسى الوالي بجنة الخلد يجزيك ** ويثيبك إلاه ٍ على الناس سايد
ومن كوثر الجنة عسى الله يسقيك ** و على الأرائك تتكي و الوسايد
نسألك الغفران من عند و إليك ** رب ٍ رحوم بالرخا و الشدايد
يا بوي لو أني أخذ سنين و أرثيك ** ما ظنتي تطفي بجوفي السهايد
هذا قصيده شوف عيني تعزيك ** وينزف وريدي في رثاكم قصايد
شمعة البيـت
يا هلا والله بحبيبي بشمعة البيت ** و النور كله ينجلي عند نورك في لقاك
في غيابك ضاقت بي الدنيا و تهاويت ** ولو حولي كل الأحباب ما يساوون غلاك
كني غصـن ً غابت عنه الشمس وترديت ** وش عاد ليل ٍ به غبتي تنطفي الشموع بلياك
وفي غيابك أقسم قسـم ما يوم تهنيـت ** ولا يهنا لي شي من الدنيا بدونك يا ملاك
أنتي بدنيتي كل ما فيها والله تمنيت ** من جمال وذوق يا شبيه القمر محلاك
يكفي غياب يكفي ترى صدق مليت ** وإن كان صعبه تجي أنت اشر وتلقاني بمحياك
تقول وينك
تقول وينك..!!! بعد منت عنه تخليت ** ورميته تايه ً و بالأحزان صار مسكون
يا للي وفيت بحب الزين وبالجرح كفيت ** قلب ً يحبك وأصبح منك مطعون
وين أنت يوم أني نخيتك وناديـت ** توه تحس باللي حافظ محبتك و يصون
إسقيتني مر الليالي وبالخيانه جنيت ** وخليت ناس ً رديه فيني اليوم يسلون
إن كان يا خلي بغيري اليوم تهنيت ** الله يهني قلبك بانسان ظالم وملعون
يسقيك كاس الغدر مثل اللي سقيت ** ومثلي تعاف النوم و الهم لك عون
ونا عزيز ًشامخ يالغضي تسميت ** بين البشر ونته معا اللي يدرون
عساك تذكرني بعد ما رحت و قضيت ** معا حبيبك وقت ً من هم و حزون
ويلعن ابو مثلك كاني اليوم تخاويت ** والله لقطع جزل القوافي بالواو و النون
صورة انسان
لا تلوم نفسك الشقى لي عوايد
ما تضحك الدنيا اذا صرت فرحان
في دنيتي سلواي نزف القصايد
ولا جيت ابضحك يخنق الضحك حرمان
الحزن و الهم في دنيتي قلايد
والخد قاع ترتوي بخد الأعيان
هذي حياتي ما بها لي فوايد
عايش على الهامش بلو أو كان
ولهل العنى و الهم أصبحت قايد
أنا العذاب أنا الشقى في صورة انسان
كفـاك حـُــب
الا يا للي مغربلني وتارك لي هموم جداد
حشى ما تخاف من ربك يومنك تجافيني
تركت القلب في حبك كما مسافر بليا زاد
لية تقسى على قلبي مدامك حيل تغليني
لقيت بقلبي المخلص صدق الحب بدون عناد
ولقيت بقلبك الهاجر غرابيلاً تكفيني
مدام اني عطيتك حب واهديتك غلى يزاد
لية تقسى على قلبي وتقطع كل شراييني
أشوفك في خيالي دوم ولو كنتم علي بعاد
وأشوفك في منامي دوم وبأحلامي تخاويني
عيوني بعد ما غبتي عيى لايجيها رقاد
مهو بكيفي يوم حبيتك ولاكنك بليتيني
أفاخر بين احبابي واقول اني ابن شداد
وانك لي مثل عبلة ولا كنك خذلتيني
كفاك حب ياقلبي دامك عايش ولع وسهاد
وحبيبي اللي تمنيتة بشوفاته يمنيني
ان ما ذكرتك بين ساعه و ساعه ** و إلا تراني مرخصك غير مغليـك
وان ما بكيتك حي وشفتك طماعه ** و إلا تراني بايعك غير شاريـك
يا للي زرعتك في عيوني زراعه ** و أسقيك دمعي لين تظمي و يرويـك
ويا للي عليك القلب زاد التياعه ** مقدر على قربك و لا أقدر أخليـك
و أعرف تراني مرخص بالبضاعه ** و أبيع ما أملك من عمري و لا أوفيـك
حيثك تحديت الزمن و أتسـاعه ** و حطيتني ما بين هاذي و هاذيـك
و يومن تمنيت اللقاء لو سـاعه ** و أيامنا و أحلامنا هي أمانيـك
يازين أمـر و أعطـيك طـاعــه ** و أمشي على الكايد لجلك أبأتيـك
و ان ما ذكرتك بين ساعه و ساعه ** و إلا تراني مرخصك غير مغليــك
شي في الخاطر
أبكتب شي في الخاطر مكتوم....أبعبـر عن ما في القلب من ضيقـه..!!
شي ما توقعته ولا عملت له حسبـان ..!!
لكن الخافق إذا ضاقت جراحه مايكفيه الثرى مد البصر ..!!
واهتزت المشاعر و الإحاسيس مثل هزة الزلزال ..!!!
شي ابكتمه في أعماقي ابنثره بالقلم و الحبر يترجم ثورة البركان ..!!
من ها البشر اللي ما بها أحاسيس و مشاعر في زمن خوان ..!!
وندرة ً من البشر لا سمع صادق المشاعر ما في جوفه هم و حرمان ..!!
ناسا ً رعيناهم بوسط العين من غدر الزمان ..!!
ناسا ً يا بشر لا تكلم تغرد له العصافير وتهتز الأغصان ..!!
ناسا ً من البشر لا تمايل ابـمشيـه تتبعه اسراب من الحمام ...!!
ناسا ً أهديتهم روحي بين أياديهم ورد و أشجــان...!
توقعتهم بالأحاسيس والمشاعر صادقا ً وقلبهم ينبض حب وحنان ..!!
أثاريها كذبه وصدقتها مثل الأعمى في وسط الظلام ...!!
أنا انسان بي أحاسيس وتراتيل نبض ومشاعر ..!!
حجم قرية أفلاطون ..!!
مشاعر رمسيس ..!!
أحاسيس شكسبير ..!!
قصة لها عنوان ..!!!
شي في الخاطر أنفجر مابي داخله من كذبة ً بلا ألوان ..!!
العرض العادي
