]الناس نامت وانـا عينـي شقاويّـه
اسهر مع النجم ويا الهـم وحدانـي
وادموع عيني فوق خـدي رهاويّـه
وقلبي من الهـم هيضنـي وبكانـي
واليا نشدني عضيدي قال وش فيّـه
اضحك واجامل واقول بخير يافلاني
يقول وضعك تغيـر فيـك نفسيّـه
مانته براشد لاوالله واحـدا" ثانـي
واقول طيب وحالـي ميـه الميّـه
شفني بجنبك سعيـد ودوم طربانـي
يقول حالـك تـردى فيـك جنيّـه
بالليل تهـذي تفـز تقـول خلانـي
اخاف ياخوك طايح في هوى ابنيّـه
ابعد عن العشق ياما العشق شقانـي
جاوبته ولولا الحيا جبت الهشيميّـه
ابلع في ريقي وعيا يحكي السانـي
سكت وقلت الهوى وش جاب طاريّه
قال البلاء لا لمحتك وانت حزنانـي
اسمع كلامي تـرى مافيـه ماويّـه
الحب شتت شعوب وحطم اوطانـي
قلت المحبه في قلبي ماهـي بيديّـه
قلبي عشقها وانا في العشق غرقاني
انكـان عنـدك علاجـن للهواويّـه
الحق علي بالعلاج وخفف احزانـي
احبها حب صـادق ماهـو عاريّـه
حب الشجاع للمقاتل وسط ميدانـي
واحبهـا حـب لا مثلـه ولا زيّـه
ماظن مثلي يحب أنس ن ولاجانـي
واحبها حب شرقي للبنـت نجديّـه
ربي عطاها الغلا اشكال والوانـي
لواكتب الشعر اخاف يبـان مافيّـه
لاكن ماقلته يكفـي والعمـر فانـي
متى تزين الظروف وتسمـح النيّـه
واشوف خلي واضمه بين الاحضاني
الحب بلوى وروحـي فيـه مبليّـه
والحب شتت شعوب وحطم اوطاني
%%%الحب شتت شعوب وحطم اوطاني%%%
العرض العادي
