السلام عليكم ورحمة الله
اخواني اخواتي
يسعدني ويشرفني الانضمام لكم في هذا المنتدى الراقي
وهذه مواضعه اتمنى ان تجد القبول والرضى
ياهـــيه ياللي رحلت وقفْــت اركابك =واخذت اجـــمل ليالي العمر وسنيني
ماجاك عني خبر وش صــار بغيابك =ماخبروك ان نــار البـــــعد تكويني
مخبروك ان دمـعي هـــل بســبابك =وان الالم داخــل الوجــدان مشقيني
ماخبروك ان قربك بلسم احبـابك =وان البشر عــن وجـودك ماتكفيني
ماخبروك انـي اضـحك لضـحك نـابك =ولضاق صدرك يضيق الكون في عيني
اهيم في نظرتك وامـــوت واحـيابك =واحــيا عشانك وغيرك مايسليــني
احب صمتك واموووت بهمـسة اعتابك =صوتك عن الناس كل الناس يغنيني
احب طيف الغــــلا لـجاني وجابــك =واحـلف الطــيف تكـفى لاتخلــيني
تعــــال ارحــم خفـــــوق يتعزوى بـك =بين الحنايا صـدى صــــوته يبكيني
اكتبني اجمل قصيدة شعر بكتابك =اجمل قصايد معاني الشوق سميني
اسجني بين الحنايا وقفل ابوابك =اربط شرايــين قلبك في شراييني
بعيش في وســط جوفك واتغنى بك =ولابي سوى صــوت خفاقك يحاكيني