اهجريني بكيفك دام لك طاب هجري
اجرحيني جروحك مالها اليوم قيمه
من يخون المحبة يبعده موج بحري
تنتهي كل لحظه فيه ذكرى أليمه
غادرة ما وفيتي يسعدك يوم غدري
خادعة ما صدقتي جاهلة يا غشيمه
يسعدك يوم ذلي منيتك حفر قبري
قلب عالي يذله وصل مثلك سقيمه
مارضيت المهانه عالي ٍ دوم قدري
مارجيتك ترا فرقاك اكبر غنيمه
غلطتي يومها شرعت لك باب صدري
غرني نور خادع في ليالي ظليمه
اهجريني خلاص اليوم بي ثار صبري
عشتي الحب فن... واليوم عيشي جحيمه #c #c
العرض الشجري
