معليش انا بعيد نشر القصيده لا ني قبل كتبتها في رد على انتضر ضمة غلا ك ونسيت عنها وبعد فتره قريتها احس انها اثرت فيني تقبلوها منى واعذروني لو ثقلت عليكم
يا بنت بعض الحكي ما عاد له داعي=احيان احس السكوت بستره الهقوه
اقلها سري اللى عذب ااضلا عي=بصبر على حرقته وصير لك قدوه
يا ما شكينا هموم وحقنا ضاعي=ما بين غدر الصديق وحرة الجفوه
يزيد همي وتكبر جمرة اوجاعي=والياس له في عروقي هيبه وسطوه
مشاعرى خيل لا كن الالم راعي=ضيع حياتي ما بين الحلم والغفوه
قليله ايام فيها رفرف شراعي=كثيره ايام فيها عايش بقسوه
اقسي على روحي أولا ينثني ذراعي=افخر بنفسي وحس بداخلي نشوه