مدري الليله علامي ضايق ٍ كني خلاوي ...
اردف الونه بونه وانتخي بي واتعزوى ..
الحمام اللي هجر داره وسبب لي بلاوي ..
من غصون القلب قفى واختفى مافيه رجوى ..
اشهد اني يابو فيصل في محبتها شقاوي ..
من يلوم القلب لامن في محبتها تشقوى ..
مالقيت معالج جروح المحبه والمداوي ..
كل ماجيت اتصبر ماقويت وصرت ماقوى..
ياحلي الصيرمي وان قلت ياالحر النداوي
مالحقني فيك شك وتاصل الحروه وتقوى ..
( فلسفة شاعر )
هيجن أبيات القصيده تسكن القلب الهواوى
غن للورقا عساها من لحون ا الحزن تروى
.. والله أن الحب وجروح الحبايب والهقاوى
والجفا من غير سبه للمولع صدق بلوى
ليت بعض جروحهم ينفع بها طب المداوى
وليت من قفا يقفى بالسهر يا طير شلوى
ليه لامنا عطينا من غلا ماعاد ياوى
كيف يعشق حسب قوله ثم للهجران يقوى
يافهد لو بالمحبه عدل وأنصاف وتساوى
كان عشق العامريه في دروج الوقت يطوى
( صدق النوايا )
العرض الشجري
