بسم الله الرحمن الرحيم
والسلام عليكم ورحمة الله وبركاته
بعد النجاح اللي حققه برنامجي .. وصلتني مئات الرسائل والايميلات وراح نستعرض معاكم بعضها .. فحياكم
أول ايميل وصلنا من طفشان والشارع مليان يقول:
أشكركم على هذا البرنامج الروووووووووووعه وأبغى أقول لك
انتي حلوة والشباب الي عندي يسلمون عليك .. ونبيك تهدين لنا كل قصايد البرنامج
هلا بك طفشان .. مشكور والله يسلمك ويسلمهم .. وحاضر ما طلبت شي
****
ناخذ ايميل ثاني من القروي يقول فيه:
رورو الله يخليك طالعي في الكاميرا وقولي هاي يالقروي يا حبيبي
الشباب الي عندي مو مصدقين اني اتصلت على البرنامج أمس .. وما صدقوني لما قلت لهم انك معجبه فيني
وانك تحبيني
وكاتب بين قوسين ..
رورو هالكلام لا تقرينه على الهوى
أنا أدري اني حطيت شوية بهارات على السالفة .. بس تكفين خليني أشوف نفسي على أخوياي
ههههههههههههههههههه
هاي يالقروي .. الظاهر بهاراتك هندية
وسلم على أخوياك
<< تتميلح*****
وهذا ايميل من عصير موز :
انا من أشد المعجبين ببرنامجك الي تقدمينه وانتي فعلا مذيعه متاألقة ومتميزة
وبصراحه احس انك غطيتي على أميرة الفضل
هلا عصير موز .. مشكور على متابعتك للبرنامج .. ومشكور على الكلام الي قلته
مع اني مو متأكده من حسن نواياك .. بس أنا سبق وقلت .. بطيح كروت المذيعات كلهم
****
من سيربح المزيون يقول:
مامدى صحة الاشاعة التي تنص على أن طارق الجفالي حاط عينه عليك بعد هيفا ورولا ودومينيك؟
هل تمت موافقتك
أم لازال المشروع تحت الدراسة
أم تم رفضك
أم الموضوع مجرد اشاعة
هلابك من سيربح المزيون .. وهههههههههههههه لا تعليق
****
دايخ في زمن بايخ يقول:
مسا الخير رورو .. انا بقول لك شي
انا و اختي والوالد دايم نتابع برنامجك .. بس بصراحة صارت لنا مشكلة بسببك
<< تطالع الكاميرا وتنعم صوتها وتقول ياساتر .. لييييييييييييييه عسى ماشر
وترجع تكمل الايميل
المشكلة هي ان اختي معجبة فيييييييييك مرررررررررره
وتقلدك في كل شي
وكل يوم تروح السوق وتدور زي ملابسك ولا تلقى
<< متوقعه
بس مو هنا المشكلة
المشكلة ان اختي تبي تسوي نفس شعرك .. وبالموت أقنعت امي انها تصبغ شعرها
ولما راحت للمشغل سمعتها امي وهي تقول للكوافيره .. سوي لي زي شعر رورو
يعني الارضيه باذنجاني .. وخصليه لي بالموف والفوشيا والأحمر
لما سمعتها امي .. جرتها مع شعرها وطلعتها من المشغل .. وقالت هذا الي ناقص
بنتي تسوي عرس فشعرها
واختي زعلت وأضربت عن الطعام ..ولما قالت لأبوي ان امي ماتسمح لي اسوي زي شعر رورو
قال ابوي .. رورو ذيك المزيونه الي تطلع في التلفزيون؟
قالت ايه .. قال جيبي عباتك والحقيني أنا في السيارة
وراحت اختي مع ابوي للمشغل وللما درت امي زعلت وخلتني أوديها بيت أهلها
والمشكلة ان الكوافيرة مارضت تسوي لاختي زيك .. تقول ما يناسبك واختي زعلت مرة ثانية
ومع هذا امي للحين مارضت ترجع البيت .. تقول منهي هذي الي يكسر ابو عيالي كلمتي عشانها
وهذا الي صار
والله مادري شقول لك .. أنا ماودي تزعلون من بعض بسببي
بس بقول لاختك .. انتي قمر وأكيد لك ستايلك الخاص .. يمكن الي يناسبك ما يناسبني والي يناسبني ما يناسبك
وانت حاول تكلم الوالده وخل الوالد يراضيها
ناخذ فاصل ونرجع لكم
(متأثرة بالي صار )
****
أرحب فيكم مرة ثانية وناخذ ايميل من شايب وسيع وجه .. قصدي وسيع صدر:
هلا والله برورو يالله ان تحييها .. وتصلحها وتهديها .. وتخليها لوالديها
هلا باللي نست الشيبان البرتقاله .. ونزل الشاب عند ابوها غترتة وعقاله
(يعني طلبتك)
رورو يابعد طوايفي انتي .. انا شايبٍ معرس على ثلاث حريم
وأبي أكمل نص ديني وأعرس
واخترتك انتي عشان تكونين عروستي .. وش رايك؟
أنا عمري مابعد وصل 85 .. والله فاتحها علي
عندي بقاله في حي منفوحه وعندي موتر
وعندي بيت فيه 3 غرف ..لكل حرمه غرفة .. واذا بتاخذيني .. مستعد أطلق حرمتي الأوليه وأسكنك في غرفتها
وش قلتي ؟
وان كان مالي نصيب مع صاحبة الرقم .. فأنا بحوّل على معدة البرنامج .. وش رايك يا أسيرة الود
هلا بالشايب
ياخوي .. قصدي ياجدي انت يمكن انك مضيع والا غلطان
هذا برنامج آمر تدلل على قناة الود الفضائية
مو راسين بالحلال في أحد المجلات
ناخذ فاصل مرة ثانية وراجعين لكم
<< بتشرب كاسة ليمون تهدي أعصابها
****
والحين معنا ايميل من حبيبي مزاعلني كيف أراضيه؟:
هلا رورو .. انا من زمان ودي أدق على برنامجك بس المشكلة ماعندي شحن .. مابقى في رصيدي الا ريالين
وخويي الي دايم يشحن لي زعلان مني لأنه مره دق ولقاه انتظار .. عشان كذا ارسلت لك ايميل
أبيك تعطيني مسج أرسله له عشان يرضى علي ويشحن لي
هلا حبيبي مزاعلني
ابشري باللي طلبتي
زعلان لا ترضى اذا كنت زعلان .. شكلك تدورها وجاتك من الله
ماكثر الله في بيتكم غير جدران .. شف أقسى مابها وانجذب له
========
ياللي زعلت ازعل ولاني مراضيك .. واشرب كدر ماي البحر كانه أرضاك
لا تحسب أني عقب صدك بداريـك .. بأعز نفسي عنـك مـدراك مـدراك
<< بتجيب أجلهم
***
راكب سيكل واسمي فيصل يقول:
هلا رورو .. ابغى اشكركم على هالبرنامج الرائع الي انتي سبب نجاحه
وأنا سمعت ان سواقكم ماتت امه وسافر .. اذا تبين لعيونك أصير سواق
ههههههههههههههه
هلا فيصل .. مشكور .. وآآآآآآآآآآآآمر تدلل
<< تقولها بدلع وتحرك رموشها الي كنها رموش ميني ماوس
****
حفار قبور وفي الحب صبور :
رورو انا انسان صبور مثل الحمار بل أشد صبراً
وأبي أطلب منك طلب
لو سمحتي أبي رقمك .. عشان نتعرف على بعض أكثر
هلا حمار .. قصدي حفار
سوري ماقدر البي طلبك
(تقول في نفسها .. من زين اسمك عشان اتعرف عليك .. ماعطاك الي قبلك شوي)
****
حلوه بس حوله :
يارور انتي فعلا حققتي شهرة سريعه ونجاح أسرع
بس أبغى أقول لك الي يجي بسرعه يروح بسرعه
هلا حلوه بس حوله .. وأنا أبغى أقول لك .. الغيرة عاملهه عمايلها معاك
وبقول لك بعد لكل قاعدة ٍ شواذ .. وأنا قاعدة لهذي الشواذ في هذي القاعدة الي قلتيها
<< يمديكم على البلاغة
***
وبما اننا تكلمنا في الحكم .. فيه واحد ارسل ايميل واسمه
مملوح بس مجروح :
هلا رورو انا عندي اقتراح
ليه ما تقدمين برنامج زي آمر تدلل بس للحكم .. يعني الواحد يطلب حكمة أو مثل يناسب الموقف
هلا مملوح بس مجروح
اممممممممم فكرة حلوة .. ان شاء الله أدرسها مع الحكيم ( الملتاع )
****
مهبوله مجهوله تقول:
هلا رويّر وش أخبارك وش لونك ياقاطعه
كذا الشهرة تسوي فيك؟؟ وتغيرك علينا
صدقت انا يوم اني قلت الشهرة تغير الحرمة .. بس ماتوقعتها منك
علمناك على الشحاذة وسبقتينا على الأبواب
علمتك وشلون تسجلين في المنتدى .. صرتي انتي مذيعه مشهورة وأنا مكانك سر
مع تحيات صديقتك .. مارح اقول وش اسمي .. بشوف اذا بتذكريني والا لا
هلااااااااااااااا والله
هلا بالطش والرش .. هلا بحبيبتي و أعز صديقاتي
هلا بخبله بس أفهم
أفااااااااا .. أنا أنساك ؟؟ أحد ينسى حبايبه .. بس سامحيني يالغالية .. والله مشاغل
ان شاء الله في أقرب وقت أزوركم .. مشتاقة لك وللشلة .. سلمي عليهم
ومن هذا المنبر أنا حابة أوجه تحية لصديقتي خبلة بس أفهم ولشلة وسع صدرك فانت مهبول
****
ووصلنا هنا لختام فقرتنا لهذا اليوم .. اذا عجبكم الموضوع لا تحرموني ردودكم
على فكرة .. الموضوع مو منقول .. الموضوع أنا كاتبته بس فيه كم نك نيم مو أنا الي مألفتهم ..والباقي من عصارة مخي وأفكاري
(من زين موضوعك والا من زين نكاتك)
ترقبو جديد رورو
والقادم يهبل أكثر
العرض العادي
