[c]
ساسي قوي وما يهمني القيل والقال *** واسمي أنا همس القلوب عذب القوافي
لا أسرق الكلمه ولا الهرج نقال *** ودوم اتحدى من يشكك بقافي
يا مدعي بالقول ماني بدجال *** منهو يطول سهيل والجو صافي
همس القلوب فوق السحب ماهوبمنطال *** يكتب وقلبه بالأحاسيس دافي
أهل الشعر حكمه مع جملة أمثال *** يطرب لها السامع ولا يقول كافي
ماصاحب الخاين ولا أعاشر أنذال *** طبعي الأمانه وبالوفا؟ 00 حيل وافي
أصبر على الزلاّت والجور لو طال *** تشهد لي العالم لا قالت : سنافي
وأصبر على حظي إذا ان البخت مال *** وامشي على الرمضا ولا قول: حافي !!
وادعي لربي ييسر المال والحال *** ادعي عظيم 00 عالم بالخوافي
علوم الرجاجيل ثم دله وفنجال *** هذي علومي كان ما بي خلافي
اخوكم
همس القلوب [/c]