[poet font="MS Sans Serif,6,white,normal,normal" bkcolor="transparent" bkimage="http://nadawi.net/images/orsky.jpg" border="ridge,10,purple" type=2 line=200% align=center use=ex length=0 char="" num="0,black" filter=""]
أول غـــــــلا !!
يوم الغلا دنيا وأهلها معازيب = يوم الغلا ضيف وقصيد وخويه
يوم الغلا سبق وسباق ومكاسيب = يوم الغلا عمر وكفاح وهويه
يوم الغلا وسـم ونبات ومراقيب = يوم الغلا سوق وحصاد وقضيه
وينك وأنا ويني .. غرام ومعاطيب = وأمال وأحلام وأماني وفيّه
وينك وأنا ويني .. ديـار وتـغـاريب = وينك وأنا ويني .. شتات وبقيّه
مابين شكل وبين لون ومكاتيب = مابين مدح وبين وصف وحميه
أنت وأنا بين الحيا والمواجيب = أول غلا وآخر غرام ومنيّه
لو الغلا بشت وعباه ومطاليب = لو الغلا واجب وفرض وصيه
ولو الغلا سبل ومرامي وأساليب = ماوالله أرخـص وأنت غالي عـليّه !!
بين الرـّجـال وبين كل الرعابيب = إسأل وأنا أسأل كل روض وخليه
هو الغلا غيم وبراد ولواهيب = والا الغلا زيف وخداع وخطيه ؟!
مابين فيه .. وبين فينا عـذاريب = مابين كان .. وصـار .. بـيـّن خفيه
ومابين هـاك الصـدق والشك والـريب ؟ = ماني فــداك ولاهــو أنت الضحيه !!
أخوكم / منصور الرويلي
[/poet]