السلام عليكم ورحمة الله وبركاته،،
كيف الحال ؟ياعضاءمنتدى الود
وبعد عناء طووويله من الدراسه والكرف
ابشركم لي يومين ماخذه اجازه وطايرتن به واناقز من الفرحه
فقلت لازم انزل موضوعي اللي من سنة كسرى وانا اكتبه وانقحه >>> مو كني اقلد زهير بن ابي سلمى
بعذري جالسه انقحه بلاه منكم ياحقينا الود تخوفون اللي ما يخاف
وعشانكم انتم مقاسكم xl اتمنى يعجبكم موضوعي لان مقاسي s
حبيت اكتب لكم عن معناة قصري بس للمعلوميه تراني مو قصيره بالمره
وعشان ماتتخيلوني اني قصيره مرره اقولكم كم طولي 153
المووهم ندشش بالسالوفه قصدي المأساة التي اسبح فيها الى يومكم هذا
منذ نعومه اظافري كل من شاف اصابع ارجولي طويله قالولي بتطلعين اطول اخوانك
عاد انا خشتي تصير تسذا وافرر خواتي واقولهم انا بطلع اطول منكم
واللي يأكد لاهلي اني بطلع طويله لعبي ايام طفولتي كنت ما اخلي شجره الا وتسلقه ولا دولاب بالبيت الا ورقيت فووقه ونطيت منه حتى المراجيح اخبر الناس يتمرجحون فيها انا غير ارقى فوقها و اتشعمط به واتمرجح بيديني نكس حجل
وكل هذا مانففع بي ابد وصلت للمتوسط وماطلت ولاتغيرت
وقالتلي وحده ان حبوب زيت الحوت تطول رحت طيراان شريت منه درازن وبلعته
وماش ماطلت >>ماش ولاعدس
والل زاد الطينه بله اكتشفت ان كل البنات العيال اللي كنت العب معهم طالوا وصارو عمالقه وخلوني قصيره مدري ليه
انا انقهرت من هالعيال وش زودهم عني وجع وش ياكلون هذولا وش حيتهم يطولون وانا لا
لا واروح اشكي لامي واقولها يمه ليش انا قصيره من بد خواتي ليه ماصرت مثلهم وترد علي امي ساده تستاهلين من قالتس تطنزيبي يوم انتس صغيره كل يوم تقولين يمه وراتس قصيره الله ياكبرها عند الله كل هذا شايلته يايمه في قلبتس ومانسيتيه
وصلت سن 20 وتحطمت ورضيت بالامر الوقع
وتبدا ماساتي من هنيا
كل ما اروح للسوق القى تنوره او بنطلون الا ويطلع علي طويل ولازم اوديه للخياط يقصر احس ان مافتحوا هالخياطين الا عشان هالقصار مايمشي سوقهم الا انا وامثالي لذ قررت اني اتنازل عن حقوق الطبع اتزووج خياطنا الهندي عشان ارتاح من ودو ثوبي للخياط وجيبوه
واللي يقهر اكثر اني احيانا احرم نفسي من تنوره اعجبتني بسبب ان موديلها من تحت ولو اقصه خربت التنوره
ياناااس ياعالم ياصحاب الملابس حطو مقاس للطول مثل ماتحطون مقاس للعرض>>> والله محد درا عنتس
وربي انهلكت اجل يرضيكم اهين نفسي واتزووج من خياط هندي عاد من زين هالخياط اللي يسمعه ريتيك
واخلص من معاناة اللبس يجي معناة الجزم انتم بكرامه والله اول ماطلعت موضة الشباشب السحاحه(المسوتيه) عاد انتم ترجموها واتحطم اكثر كل ماشوفهن سعابيلي تقوطر كل واحد يقول انا احلى بس ياربي وشلون البسهم وش اغدي احب الالرض
مره خاطرت وشريت وحده ولبستهن للكليه ايقالي كاشخه صار كل من شافن قالي وراتس اليوم قصيره بالحيل
ومن مواقفي اللي ماتخلص
ولد عمتي يصير عمي من الرضاعه>>> احد سالتس
المهم طويييييييييييل بالحيل من الاف المستحيلات اني اسلم عليه بدوون جزمه عاليه
ومن زود الحرص شاريه جزمات البلوك له خصوصا اول ما اسمع حسه طرت ولبستهن ورحت اسلم
ومره من المراة كنا رايحين للقصيم نحضر زواج عمي ورجعنا من العرس جعوانيين ما كلنا شيء من الصبح و حكم مانبي ناكل الا من مطعم وكانت الساعه 3 المهم من يجيب لنا الحين الاكل ومافيه احد من العيال بالبيت وفجأه سمعت صوته بالدرج يكلم اختي واطير لمه خااااااااالد
هو: وجع وش فيك
واقرب لمه واقول تكفى ابي من المطعم
نزل راسه وناظرني وقال الللله وش هالنمله اللي تحتي وتكلمني بعد
قلت وشو
ماتوقعت انك قصيره للحد هذا
وانا اناظر ارجولي واثري مالبس جزمتي وانحااااش من الفشيله
ومن مواقفي بالحج
كنا متجهين نرمي الجمرات وكنت لابسه غطوه وما اشوف زين
وصلنا للجمره الاولي قالولي ارمي الحصى على العمود بس هاه لازم تتأكدين انه ضربت بالعمود
عاد انا وخرو عني رحت متحمسه ارمي باقوى ماعندي بس ماشوف العمود زين
قلتلكم من الطول الزايد
واسمع رجل يقول يالاخت لاترمين كذا انتبهي وييغطي وجهه بيدينه
هو يقصدن وانا والله ماجبت خبره
اناظره واقول وش يبي ذا الشرطي البلشه
مادريت الا اللي يمسكني من يبن كتوفي ويشيلني
وانا اقوله وجع نزلني ياقليل الادب
ويحطني من الجه المقابله وقالي وهو معصب ارمي من هنا واتنبهي لاترمين الحصى بوجيه الناس
واثارني الغبيه كسرت راسه من الحصى اللي ارميه عليه
هذي بعض معاناتي ماحبيت اطول عليكم اخاف اعديكم من كثر معاناتي
قبل ما انقع ودي اسأل سؤال ابي يجاوبوني الشباب عليه
ليه حنا يالسعوديين الاولاد طولين والبنات قصيرين ليه
الزبده من الموضوع
اهم شيء ان اتمتع بصحه وعافيه ولله الحمد وحامده ربي على النعمه يكفي اني حلوتن ماهنا زين
وان كلن يحبن <<< اموووت على الثقه
واهم شيء ان حكمتي بالحياة
الطول طول النخله والعقل عقل اسخله هذي مدحه للقصيرين امثالي
والطول طز والقصر عز
واللي مايطول العنب مو حامضن عنه يقول حلون عنه بقول
واللي مو عاجبه ترا الباب مايوسع زرافه امزززح خافت الاخت
وسلامتكم
*r *t *r *t *r *t *r *t