يسعد جميع اوقاتكم بكل خير وحب وبسمه وطاعه
تاخذنا ظروفنا بعيد عنكم ولكن نعود لمنتدانا واحبتنا هنا وابي السموحه لو حصل اي تقصير
ما هيض المحزون غير الحمامه
اللي تغني فوق خضر الروابي
تبني على روحه ثمانين قامه
مبنى الهموم اللي تزيد العذابي
يا من سمع خالد يوصل سلامه
تحيتن متكحله بالعتابي
يم الحبيب وبلغه بالملامه
عطني علومه يوم يقرا كتابي
واره ساكت ما يرد وعلامه
يرضى صدوده ويتمنى غيابي
وانا من اجله خضت حرب الرغامه
انطح بسيف الود عذل الحرابي
ماهبت ليل البعد واعتم ظلامه
احفي قدم رجلي واسوق الركابي
الحب قسمه منه ذروة سنامه
عشقته وشمع المعاليق ذابي
قلبي عليه اضناه كثرة هيامه
صار يهقى زلته عين الصوابي
لكن معا الايام قل اهتمامه
جو الوله عكره صوت الغرابي
عذره مشاغليه وربطه دوامه
موعد ذهابن للمطار وايابي
سافر وعود للوطن بالسلامه
ابطى ولانبه من الشوق نابي
قلت الصبر مافيه ريب وندامه
شهرين والقلب المولع سرابي
جيته وخلى الدمع مثل الغمامه
اقفى وجدد جرح مابعد طابي
نفس الخطا الاول توشح وسامه
الهرج نفسه والعذر والجوابي
عن الفرح قلبي تنوى صيامه
حتى الفجوج اضيق علي من ثيابي
ياويش بيدي لو طعني حسامه
وانا حنيني لو تعذر غدابي
ا
لحال ضامي والمسافه جهامه
وقربه هميل وفي يدينه شرابي
مابي حدود الوعد منه كلامه
ابيه بعد الحزن يجبر مصابي
يحس باحساسي ويعرف مقامه
يدري بانه لابسط الشوق سابي
الا اذا ماكنت غاية مرامه
بعلن من ديار المحبه ذهابي
اروح لين اسمع لحون الحمامه
واسقي بدمع الوجد خضر الروابي
العرض الشجري
