تحياتي للجميع وارجو ان يتقبلوا هذه القصيده وهي مجرد تذكير كما سبق ون ذكرت في الموضوع والان مع القصيده :-
بديت باللي كل حي يساله ..... اللي تعلى فوق سبع السماواه
يالله يامنشي نواشي خياله .... يامخرج يونس عقب كود بلواه
ياخالق اليوم وباكر بدالــــــه ..... يامودعه هن والليالي مساواه
يالله طلبتك عد سيحة ظلااله ... تجلي هموم بالظماير مكناه
تفكنا من شر جيل الرزالـــــه .... اللي ترك كل الفرائض وخلاه
ياجيل ياجيل الكسل والرذاله .... ماتستحي من خالقك كيف تنساه
ما خفت من يوم تنزع حباله ..... يوم عبوس كاثراة دهاياه
ماخفت من شوف لظى وشتعاله ... ولا شفت قوم محمد يوم ناداه
وردو على ماء قراح زلالي ....... والمجرمه كل على الجسر ملفاه
الي دخل في ويل عزي لحاله ..... ويله ثبور وكالحات شفاياه
لو تجحد اليمنى قبيله قباله ...... الرجل تشهد واللسان يتقفاه
كل الجوارح تخبره في فعاله ...... تشهد بشره يوم الاسلام تنهاه
ياريشت النمله نوى الله زواله ...... والخلق يامنه طغت ربه اوراه
ابوك ياخطوى الصبي يالبلاله ...... ياما اللي من الملح عباه
متياسر عن سلم جده وخاله ...... عقب الشرف يبي طريق المهافاه
وعسى الله يهدي جميع شباب المسلمين لما فيه خير دينهم ودنياهم يارب والمعذره ثم المعذره ان لم يقدر احد من الذي قراؤا هذه القصيده عن فهم بعض من الكلمات . ولو انه كانت عاميه بس عسى الله ينفع به يارب .
ولكم مني اجمل تحيه .. اخوكم //// العاشق والليل &&
*r *r *r *t