حـــالـــة ريــ ReeM ـــم وأخوتها في الأختبارات

ريــ ReeM ـــم · 23-05-2005, 03:29 PM

من خبري بالامتحانات وهاذي حالتنا يوم الجمعه ليلة الاختبار يبدأ الموال السنوي وكالعادة
دحيم جبلي هندسة تكفى ..
ليه وين الهندسة الي شريتها لتس أول السنة ..
ياخي ضاعت ماعاد بقى معي غير هالمثلث
اقول يختي روحي دوريها في الدروج وجمعي بقاياها منيب شاري انا ماغير ااشتري وانتم تضيعون
ياخي والله مهوب انا الي ضيعتها مدري ماعاد لقيتها في شنطتي ..
هيه لاتنسوني وانا ابي قلم أزرق .. وأنا بعد ابي قلم رصاص ومساحه.. وأنااااا ابي عصير للفسحه ( هذا عاد طلب حصيص ألزم ماعليها بطنها )..
تنط عاد امي دايما في أخر السالفه جب خبز للصبح.
وفي تمام الساعة العاشرة.. والنصف يبرطم دحيم ويضف وجهه يجيب الطلبات
عاد تصحصح الدايخة نوير في تالي اليل تراني يادحيم مافهمت بعض الأشياء في الرياضيات

طبعا دحيم الولد الوحيد الموجود بالبيت وهو الوحيد الي داخل علمي >> عاد محد قاله يصير ذكي في بيت فيه مجموعه من الدلوخة

امشي يالكمخة وش الي مافهمتيه ايه الي مافهمته هالدرس وهالدرس وذا المسألة و.......اقول انطمي ويصمخهاااا طع ططع طع توك تصحصحين يالكمخه <<<<< طبعا هي ماستوعبت ليه تكفخت :
طبعا يشرح دحيم والا مايشرح كله واحد القفل الي في راسها ماينفتح الا بشاكوش <<<< حتى شاكوش اشك في جودته

اصبحنا الصبح والزم ماعلينا قلامتنا والشنطة تكون فلته ويتسلط تضبيط الشعر والتكشخ والنظافة في الامتحانات

رجعنا من الاختبار
تجي امي هااااااااااه بشروا عساكم عرفتوا تحلون
طبعا الاجابه دايما اووه يمه تمام
صكينها نومه الييييين المغرب يقالكم تعبانين من الدراسة
قمنا عاد نبي ناكل ثمن نبي نسولف >>>> نرفهه عن انفسنا بعد امتحان الصبح
اجتمعنا ومسكت كل وحده كتابها عاد بصراحة ماأدري ليش الدرس الأول يجيب النوم ماأخفي عليكم وأخفي عن أهلي دخنا ثانيه

بالنسبه لي آخذ غطه وأقوم أفتح صفحه.. آخذ غطه وأقوم أفتح صفحه وعلى هالحال لييييين يجي العشا ..

عاد نوير تحط الكتاب فوق راسها عشان لادخلت أمي يمديها تصرف(يمه انا حاطه الكتاب فوق راسي اسمع لنفسي ) <<< بس صارت قديمه هالحركه ..

وحصيصه بعد ماقامت قالت بالكتاب في ربع ساعة وراجعته في نص ساعه وطمرت للباب وطلعت
جتها أمي وييين ويييين يمي
خلصت
طيب جيبي اسمع لتس وبكل ثقة تطمر تجيب كتابها وتسألها أمي
السؤال الأول ايه يمه هذا كنت بسأل صديقاتي عنه
السؤال الثاني هذا وش أول حرف منه يمه والله اذكره
وعلى هالحال مادرينا الا ونسمع صوت تصميخ الكتاب فوق راسها وترجع لنا مشوشه وبكلتها في يدها وتشر بيدها ترى أمي تسمع >>>قديمه يالطبله

راح أسبوعين الإمتحانات وكل وحده فينا زايده كيلوين >>>فاهمين الامتحانات غلط <<<< " اكل ومرعى وقل مذاكر "

وطررررررربق وطرررربق

يوم الشهــادات

رحنا للمدرسه بالطقاق
وصويلح في البيت هذا صويلح مسؤول الشهادات والمصايب الكبيره:
رجعنا البيت وانا نتحلطم
ويسألنا صويلح هاه بشرووووو
قرا شهاده حصيص اختفت الابتسامه
قرا شهادة نوير وتعقدت الحواجب
قرا شهادتي

ونععععم والله الله يسود هالوجيه
وبعدها قامت تمطر علينا لحالنا ..............

ميــ قمر14ــشو · 23-05-2005, 05:41 PM

اقتباس

المشاركة الأصلية كتبت بواسطة ريــ ReeM ـــم


	وترجع لنا مشوشه وبكلتها في يدها وتشر بيدها ترى أمي تسمع >>>قديمه يالطبله

ههههههههههههههههههههههههههههههههههههه

من جد طبلة

الله يرجك ريم ذكرتيني بأيام المدارس وأيام الهندسات والآلات الحاسبة <<< لازم قبل الاختبارات أشتري وحدة جديدة

ثاااانكس على الموضوع الحلووو ,,,

مزاجي صعب · 23-05-2005, 07:05 PM


	دحيم <العن أم الأسلوب < تمصلحي قولي دحومي ياخي ضاعت ماعاد بقى معي إلا هالمثلث < أنا شاك اللي يبي الفسحه إنه أنتي مو حصيص < والدليل كبر كرشك جب خبز حق الصبح < يلعن أم الخشه يوووه يما تمام < والله من النصب آخذ غطه لين يجي العشا <= قلت لك أنتي اللي تفكرين في العشا بس نستو حاجه <= البراشيم هههههههههههههههههههههههههههههههههههههههههههههههه ريم يعطيكي العافيه على الموضوووع والله يوفقك بالأمتحانات تحياتي لك أخوووك الشاطر .

๑۩ الرومنسي ۩๑ · 23-05-2005, 11:34 PM

كل ذا عشان امتحانات

الله يوفقك وشدي حيلك

nada · 24-05-2005, 12:37 PM

والله انها الاختبارات

و مااااااااادراك ما الإختبارات

الف شكر لك

تغاريد · 24-05-2005, 01:03 PM

ههههههههههههههههههههههههههههههه

هذا ايام الدراسة الثانويه والمتوسطه

بس الحين غير

مشكووووووره

ريــ ReeM ـــم · 24-05-2005, 02:47 PM

هع هع هع
حلووووووووووووه ميشوووو

بس والله مالقها الا انتم خلصتو وارتحتو

الله يعينا

يعطيك العافيه نورت الموضوع خيووو

ريــ ReeM ـــم · 24-05-2005, 02:49 PM

الشاطر
والله دحيم والا دحومي والا الدحمي

كله واحد مايجي بالسياسه ابد
قبله عاقد حجانه ومبرطم
خخخخخخخخخخخخخخخخخخخخ

وحرام عليك مو انا اللي اكل انا بس انوم
خخخخخخخخخخخخخخخخخخخخخ

يعطيك العافيه على هالتعليق الحلووووو

نورت الموضوع

ريــ ReeM ـــم · 24-05-2005, 02:57 PM

الرومنسي
وما خفي كان اعظم

يعطيك العافيه نورت الموضوع

اييييييييييييه والله انك صادقه ياندى

الاختبارات وماادراك مالاختبارات

نورت الموضوع عيوني

تغاريد
الله لايضرك الحين اصكك بعين
الا انك منسدحه ماتقومين الا اذا خلصت اختبارات
خخخخخخخخخخخخخخخخخخخخخ

يعطيكم العافيه سرتني تعليقاتكم الحلوه

فيـ«al-wed»ـصل · 24-05-2005, 06:35 PM

ههههههههههههههههههههههههههههه

< مستغـرب شئ ؟؟ ما فيــه برآشيـم وغـش وحركآت هههههه

الله يعينكمـ ويعينــاا مشكور إختي ريــم