•--» --» طـَـــرَف خـــدهـ «-- «--•
ياجعل منهو صد عن عيني اليوم
بكره يلاقي من يصده ويردهـ
ويحس باللي عاش آهات وهموم
ومايعرف أحبابه من اللي يندهـ !!
وياجعل فكره من عنا الوقت معدوم
ويتكاثر خصومه .. وكلن يحدهـ
ماني من اللي يعشق الكذب واللوم
لكن طعني لعنبو جد جدهـ
سنين وهو اللي على راسي ايحوم
واللي يبيه يصير لو كنت ضدهـ
من طيبتي ما اخفيت في صدري علوم
اللي بعقلي يهمس القلب بدهـ
وياكثر ماني أنفعه دايم الدوم
حتى جميلي وسم بطرف خدهـ
واليوم كنه واصل بشينه غيوم
لاشافني ما فكر يمد يدهـ
شفت الحقاره كلها بشخص مذموم
واللي بنيته بإيدي اليوم هدهـ
ماراح أشغل خاطري بشي معدوم
هو خاطري مشغول بأشياء قدهـ
دنيا وانا ادري مابها شي محكوم
تلين في يومٍ ويومٍ بشدهـ
والحكمه اللي بخافقي قبل لا أنوم
- اللي يضيق خاطرك دووم عدهـ -
العرض العادي
