السلام عليكم
هلا والله وشلونكم وشلون العيلان
انا ابد ترا ماعندي الا السواليف وساعه الصدر
يقولكم الراوي صايع كان ياما كان يوم كنت
في ثلاث متوسط انا وخوي محمد اكبر مني بثلاث سنوات كنا من عقال الحارة
<<< ايه مبين
المهم كانت ام جيرانا ماتحبنا نمشي مع عيلانها موس وسة كل ما طقينا عليهم
تصرفنا وياليتها على كذا تقول لعد تطقون علينا لاطلع عليكم بالخيزرانة
انا ومحمد منقهرين منها من زين عليلانها عاد يوم تخاف عليهم المهم تعبنا
وانا على ذي الحال قلت ميد اخوي محمد لقيتها قال وش قلت انت قدها ولا لا قال
ايه بس وشو اللي انا قدها قلت تعال ونروح لبيتنا وروح لمجلس الحريم اللي فيه
عباية امي واختي واخذ انا حقت اختي ومحمد اخوي حقت امي ونروح لم الجيران
بعدي صلاة المغرب ونطق عليهم الباب وتفتح الشينة ام جيرانا قلت ام فلان
موجودة قالت ايه تفضلوا انا واخوي محمد انكبنا قال محمد ماتفقنا على اننا ندخل
عندها قلت يارجال وسع صدرك بعدين انا جوعان خلنا نتقهوا عندها
طبعا دخلنا وانا متغطين بالعباية انا واخوي وندخل مجلس الحريم حقهم
اول مرة ندخلة المهم انا اللي اتكلم واخوي ساكت لانه طبعا كان خايف قالت بروح
اصلح القهوة اول ماطلعت جينا بننحاش بس ماقدرنا كان المطبخ حقهم داخلي
ولا قدرنا نفقع (يعني ننحاش )
جابت القهوة الحين توهقنا لاننا متغطين وشلون نتقهوى قبل ماتجي قالي اخوي
اني بقولها بروح للدورة وبنحاش وانت وش بتسوي قلت لا ياحبيبي ماصدقت على
الله ادخل ابي اتقهوى واكل تمر مصدق انت قال بكيفك جتنا ام الجيران معها الحلى
والقهوة انا استانست بقوة بس المشكلة وشلون اباكل جو عيالها وكسروا اللبمة
وتروح لهم عاد هذي فرصتي وانا اللي ادق في الحلى واتقهوى المشكلة انكتمت
مدري وشلون يتحملون الحريم العباية وووجعتني رجلي قلت بمددها والله وامدد
الكراعين وتطلع الرجلين كنها ضب منسدح على جمب المشكلة مدري وش اقول
قلت مالي الا اني اسولف عن الزواج والعروس واول مافتحت موضع الزواج
مادريت الا ذي اللي تزغرط
كلوللييييييييييييششششششششش
ومباركين عرس الاثنين ليلة ربيع عين وقمرا
انا توهقت تحسبني جايه بخطب بنتها مليقيف يوم اتكلم في ذا الموضوع
معد قدرت اتحمل قمت اتراجف في مكاني قلت مالي الا اني اقول اني عبيد ولد
جيرانكم طبعا اخوي قال بروح للدورة وانحاش ولعد جا وانا اللي كليتها ماصدقت
الشيخة اني عبدالله وانا اللي استسلم وارفع الطرحة
<< شيلي الطرحة عن الوجة السموح $$$ نوري كل الوجود بطلتك
وجيك ذاالكف اللي يمشي مليونين على جبهتي وتمسكني خذلك كوع في جمنبي
انا قلت خلاص بروح لبيتنا قالت تروح ايه هين تروح انا اوريك وشلون تروح
ومافيه الا تشويت طبعا انا كنت حاط الديرمه حقت امي وحاط كحل علي عيوني
ومتروش مثل الحريم يعني كلش مسوية طلعت من بيتهم يالله اقوا امشي
بس احسن شي سوتة انها ماقطعت عبايه اختي ويوم دخلت بيتنا جتني امي تقول
وشفيك طبعا الكحل والديرمة صارت في وجهي كنها ممنوع الوقوف قلت ابد الله
يسلمك ماصار الا الخير مزح ثقيل شوي واشوى سترها ربك طلعنا سليمين
انا حبيت اقولكم هذا الشي علشان ماتسووونها ايه لان بعضهم يسونها اذا جوا
يدخلون ملاهي الخيمة وانا منهم بس الا هذي منيب معلمكم عنها
وسلااامتكم
see you ![Pipe](images/smilies/pipe.gif)