( مآقلتي يحآآتيني,.,’ والله حرآم خطّي,.,’)

[[] خفـوٍق الـرِوِح []]

قصيده,.,’ أعجبتني حيـــل,.,’

	قال الفالنتاين .. قلت العفو يا خـَّي ؟؟ .................... قال المُحبين ... ذا عيدهم نِبـراس قلت السموحة!!!!! رويته همّي رّي .................... كان الفرح غاية.. وسيلته بأتعاس مبطي عن علومه...طمنـّي قول أي شي .................... لسـَّا يتذكرني ..و يذكر عـَلاَة الراس ؟؟ نسى تفاصيلي؟؟ .. خلـِّه عساه اللَّي .................... دام ان عذاريبي..مخفـّية بين (اقواس) جوع اللقا ينهش .. لحم المفارق نــَّـي .................... يــنزف عنا حرفي..وأدوّنه بقرطاس تحرقني الرمضى .. أمشي بليـّا فَّي .................... أتبع صدى المجهول في حُمر الأطعاس اطرد سراب الحب..ارجي يبان الضي .................... مليتها الظَلمة ..وظُلمك طغى بالساس يا خيبته هتلر.. وينه يشوف عـِدّي ؟ .................... ضيم العشير الي.. ظـُلمه بلا مِقياس ملعوبة يا شينة .. جيتي وسكنتي اهنّّي .................... يومن اسرتيني..غَـدَرتي غدِر جسّاس رحتي تركتيني ... مو ميت ... وماني حي! .................... فجأة طعنتيني..! فجأة بدون إحساس! اشتقت للفرحة ... شوق العطش للمّي .................... كرهتها طعونك .. كره الأمل للياس يا ويلي بصوتك .. ذكراها تكوي كيّ .................... ياويلي من همّك .. سمٍّ جرعته بكاس ما قلتي يحاتيني؟؟ والله حرام خطَّي!! .................... ما قلتي يكفيني عذابه والهوجاس!! يمكن لأن حيني باقي عليه شوي..!! .................... وأودع الدنيا..وانسى هموم الناس.. قبري يواسيني..يطوي عذابي طيّ .................... ليته يحس فيني..أكثر من الأنجاس وش يعني تنهيني.. ثم رجعتك وش هي ؟؟ .................... منك طاغي..سبّب لي الوسواس كنتي بحياتي شي ..كنتي ترى كل شي .................... كنتي قريبة حييل اقرب من الانفاس روحي فمان الله..روحة زمان الغـَّـي .................... رضيت منك الباس.....وأعلنتها بافلاس