� ﬗ▁▂▃▅▆▇★☀二【«أحـــزان عاشــق»】二☀★▇▆▅▃▂▁ﬗ - الصفحة 19

عاشق الأحساس · 29-05-2009, 06:03 AM

عل قلب ما يودك ما يود
عل عين ما تريدك ما تريد

يا للي بعمري مثل دمع لخد
ياللي بروحي كما الدم بوريد

ياللي بوجداني الفاني ابد
يا أنين الناي للعمر الشريد

يا خطوط الغيب في يد ويد
بين ماضي سنين والعمر الجديد

يا حنين الصمت ينطق به سهد
في عيون ليلها منك شهيد

كل ما فيني على حبك شهد
لأن لك قلبي وهو قبلك عنيد

قبل اعرفك كنت انا ماني احد
يوم شفتك صرت انا حرف وقصيد

عاشق الأحساس · 29-05-2009, 06:07 AM

لما العبرات يامالك الطيب والقلب الحنون

اترك لي مساحه بين هذا القلب الرقيق

لعلي اسرفت في حنيني ولكن من كثر شوقي فعذرني

اقسوا علي وضع طعنات صمتك تزيد من اشتياقي ولكن بالله قلي

هل يرضيك ان اعيش بحرماني وتجرح بقلب يريد لك الأطمئنان

احزان عاشق

احاسيسي · 29-05-2009, 06:09 AM

ياليتي همك

ياليتني حولك

ياليتني حزنك

عاشق الأحساس · 29-05-2009, 06:12 AM

ااااااااااااااه ياخلي لو دريت وش حصلي

اشهروا علي السيوف لوصلك وطعنات الخناجر

قلت في حقه وصله لو ينفوني من الوجود يسرني قربه

الجرح غاير والمحبه من الله والشوق دمعه تحترق على جفني

احزان عاشق

عاشق الأحساس · 29-05-2009, 06:18 AM

اهداء / احاسيسي

العيون اللي عن الراحة عزوف
وآعناها من عذابك يا السهد
يا السهاد اللي عليها ما تروف
شف شقاها لا مناص ولا سند
قد غشاها من صدوف الوقت خوف
كـّـل ما أرمش هدبها ترتعد
تحتضر والوقت يبطي ما يطوف
تنتظر عله يجي وقت الوعد
والوعد حظه تعانده الظروف
وّل ! يا حظٍ علامك في هجد
آهـ يا عينٍ على شوفه لهوف
ما لقت راحه ولا فيها جلد
لو تراعي في نظرها ما تشوف
غير زول اللي تمكن واستبد
الحبيب اللي بتعذيبي سروف
يملك بتعذيب محبوبه عتد
من بهى حسنه و من زين الوصوف
من حسن ذاك المحيا والجسد
ومن حلى صوته و همسات الحروف
ما حلى أسمي إذا نادت : سعد
إن وقف كل الحسن لأجله وقوف
وإن جلس من هيبته ذل و قعد
وإن صحى صاب القمر منه الكسوف
وإن غفى حتى القمر غار و رقد
وإن تنهد حل في صدري ضيوف
من هواها يبعث أنفاسٍ جدد
غيرت حالي و خلتني أعوف
غيرها ما أشوف ما أبصر أحد
ياالحبيبة والله إني لك شغوف
وجد قلبي في وصالك ما زهد
أنتظر وقت المصافح بالكفوف
حافظٍ كل الأماني في المهد
و يا عذابي ما تعودت النكوف
لو عذابك قد ضرب فيني وتد
بس لا تطغى على اللي بك عطوف
و ما بقى من قوته حيل و جهد
وش بعد باقي من الدنيا صدوف
غير ما ذاقه بعمره وش بعد
والعيون إن جّف ماها من الذروف
و ما بقى من دمعها أية مدد
لاحرموها من لقاها وش تشوف
كود قبري والجنازة واللحد
وقتها من دّم ، دمعاتي نزوف
و كـّل دمٍ في شراييني جمد !

عاشق الأحساس · 29-05-2009, 06:21 AM

صدفة تصادفنا على الحسن سلمت
و كـّبرت للي من بهى الوصف تمّه
من بعد ما هو قد لحظني تقدمت
يّمه أنا كلي تهاديت يمّه
من عادتي لا شفت زوله تبسمت
قالت : أكيد مسويٍ لك مطمّه
ظنيتها قالت : علامك تبسمت ؟
قلت : العفو كان البشاشه مذمّه
قصدت أمازحها و بالحيل ضخمت
منطوقها ، هّمي من شفاه بسمه
قالت : تبلاني وأنا ما تكلمت
ما قلت كود أنك مسوي مطمّه
والله ترى باشكيك ياللي تظلمت
حتى يذوق الظلم كـّيال ظلمه
ضحكت من شفت الغضب حّد سجمت
مثلي ضحكت ، قالت : ولا فيك رحمه
فجأة نوت قالت : طرى لي و عزمت
ودي أقدم لك بيمناي خدمه
ما وّدك بقهوة ولو قمت ولمت
فنجان كيفٍ تنتشي من تشمه
قلت : المصيبة من كلامك توهمت
أنك تهمين بمماتي مهمّه
يا قو قلبك كان حيلتك سممت
كاسٍ يبيد الروح قـّـتال سمّه
هاتيه كاسك باشربه عاد لو مت
الموت من سيد الغنادير نعمه
قالت : تفضل قهوتك لو تكرمت
أشرب تراني لك صنعته بذمّه
و شربت من كفه إلى ما تبلمت
كاسٍ ينسي صاحب الهّم همّه
تمزح معي بالموت ياللي تزعمت
عرش العيون النعّس المسلهمّه
لا يا سواد الرمش لأرمشت عتمت
ظلٍ مواصيله إلى حّد فمّه
ولا يا اللثام اللي من الحسن لثمت
بدرٍ يجّر النور بأطراف كمّه
سبحانك الله من فضايلك كومت
مع زود لطفه اجتمع خّف دمّه
ياللي عن دروب المزلات قد شمت
واللي نوى لك شين شرٍ يخمّه
وسط النوى حارت حروفي و تمتمت
و كنيت أنا شيءٍ ضلوعي تلمه
قالت:علامك؟ قلت: أبد، بس أنا همت
وأخاف أجيب العيد من فوق قمّه

احاسيسي · 29-05-2009, 06:22 AM

لا تشكي عن الجراح وطعناته

لا تزيد القلب انيينه

لا تفتح دفاتر خبيته

لا تكرني بيام تناسيته

لا تزيد الجرح الوانه

\
/
\
/

\
/
\
/
تعبت اشكي همومي

تعبت ابكي لحزاني

تعبت اعزف هواجسي

تعبت انحت خيالي

احاسيسي

عاشق الأحساس · 29-05-2009, 06:24 AM

اهداء اسرة الحب

عفا الله عن خطا غدر الخناجر و الضلوع ابطال
باسامح و اتركك تحت الظلام الحالك لحالك
دخيلك وفر دموعك ترى هدر الدموع اذلال
و ترى ما فيه احد يصبر مثل صبري بغربالك
انا عيب علي انقض كلامي و الرجال افعال
و اذا قلت اقطع حبالك تراني بقطع حبالك
عشان اكسب هدب عينك تجرعت العذاب اشكال
و ليتك تراف بحالي علشان اراف بحالك
مسوي في حياتي شي مايذكر و لا ينقال
حتى العدو و اهو العدو ما يعمل اعمالك
تمسيني على الهم و تصبحني على الغربال
تقلطني فناجيلك و تقصر عني دلالك
تحملت التعب لاجلك و انا حملي يهد جبال
رحلت من العذاب و ما وقفت الا على جالك
علامك كلما اجيك متواضع جيتني تختال
معاك اليا متى باصبر و صبري معك يحلى لك
مثل ما اقبلت لعيونك لزوم تلدلي باقبال
و مثل ما قد حشمتك حس و احشم قلبي اشوالك
انا محد بجابرني اساير معك هالمنوال
ترى ماني تبيع لك و لاني اصغر عيالك
انا حبيت اعشقك نبض و مشاعر ما اعشقك تمثال
انا جيت اسكنك و احياك و ابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك و الجا لك
انا ما همت بك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك و ادوس برجلي ظلالك
تبعتك و العرب تتبع رعود البارق الهمال
و انا شفت المطر يتبعك في حلك و ترحالك
كأن الي خلق حسنك خلقني مع جسدك ظلال
و صرت اقرب جسد يمشي معك باقفاك و اقبالك
ابي قلبك يحس انه فقد بمحبته رجال
ملكته من هدب عين و خسرت ارضاه باهمالك
صحيح ان الفراق اقسى ولكن الوصال محال
و انا صعب على ارضي غرورك و اضعف قبالك
بعد ما حققت عيني فبعدك للرقاد امال
اعود للسهر يا خوي فال الله و لا فالك
ببدل نظرتك فيني و اجي لك كل يوم بحال
باكون اقرب من ثيابك عليك و لا اتهيالك
بالمك و انثرك و اجمعك و ارجع انثرك باهمال
باخونك و ازعلك و ارضيك و ازعل منك وارضى لك
ابرسم بالثرى وجهك و ابدفن صورتك برمال
ابشكي للعرب فرقاك و اضحك عند عذالك
ابهديك الوصال فراق و اهديك الفراق وصال
با سوي مثل ما اشوفك تسوي و افعل افعالك
عشان تعرف من فينا الزعول و من وسيع البال
ابيك تذوق فنجالي و انا باذوق فنجالك
نصيحه و احتفظ فيها قصر معك الزمن او طال
ابي تسمع كلامي زين و تحطه على بالك
اذا حبك هبال اطفال لك عندي هبال اطفال
و لا و ابشر بعد بهبال حب ما هو بهبالك
و اذا قصدك تهين اسمي عشان تشمت العذال
ترى لا انت و لا غيرك و لا عشره من اشكالك

احاسيسي · 29-05-2009, 06:34 AM

\
/
/
/
\
/

احس بخووووف دايم يحتوني ليه الخووووف صار رفيقي...

احاسيسي · 29-05-2009, 12:38 PM

\
/
\
/
\
/
ـأحبــك ،،
لان صوتك ندآء لقلبي ورضآك فرحتي
وغضبك كرآهيتي ووجودك وجودي وحبك
أمنيتي وبعدك عذآبي ،،