تصورت الفراق ولا قويت أتحمل الصـورة
اجل وشلون لو انه يجي وشلون حــزاته
صحيح إن كلمته سهله وعند الناس مقدوره
ولكن هقوتي محد يحـب وعاش لحظـاتـه
تصورته كما موج خـذاني لعبة بحــوره
وشهقت الموت ياربي عظيمه حيـل سكراته
.
تصورته كما قبر يضيـق ويختفي نــوره
أحس بكل من حولي وأنا اسمع كل خطواته
.
تصورته سحاب فات وارضٍ ترتجي مطوره
مضى له بالهوى ماضي وشان الوقت صكاته
.
تصورته كما بستان وغيري يقطف زهوره
كثر ما ضاع جهدي فيه وغيري نال زهراته
.
تصـورته كمــا ام .. توه انتهى دوره
جنينه مات من يومين وزادت فيـها وناته
.
تخيلتـه كذا مره وبكـت عيني كذا صوره
اجل وشلون لو انه يجي وشــلون لحظاته ....
تخيلِ من كثر عشقي إذا تمشي بسطح رمال
ورب الكون يطري لي انا اتيمم من رمالك واذا توقف احس الارض توقف دورة الاميال
لان الارض في مشيتك تدور بخطوة أميالك ..
العرض العادي
