------>>عبر عن ......... أجمل الأبيات...

[كيفي سعودي]

خيال زارني فجأة خيال ملتوى بجنان

طلبني امسك الالوان وارسمها واسويها

صهل تفكيري الجامح هبلني ماعليه عنان

بديت بأول اللوحه ولاادري(وش) تواليها


نايف مهذب الرويلي

[ابعاد فكر]

وجع حب..وجع خوف وجع شوق وجــع ضيقه=على كــيفك اختــار وهــذي ســلة اوجــاعي
غلا واسمع نزيف الجرح كلام الصمت مايطيقه=انا مـحتاج اسولف لك..عن اول واخر اوضاعي
ابـد مـا يجرحــك صوتي حيــاة الطيـــر تحليقــه=عليك الله تصير الكون والمسباق...والداعي
انا اصدق طيـــر في الدنيا عشق حتى مسابيقه=ولــكني بقيت اذكـــر معــاك ايام....مرباعي
تعال افتح كفــــــوفك حلم اموت بيوم....تحقيقه=تعال ارسم بحور العشق واكسر لو تبي شراعي
ابي غيــــم ســــرق ربعي وذللهـــم بتشــــويقه.=اكون اول بشر مجنون..تزوره بالعطش قاعي
وحتى ولــــو وهـــــم تكفى..ابتوهم بتصديقــه=ابي ذاتي..ابي مولود يوازي صرخة الناعي
احس بداخـــلي عــــالم..حــرام اقتل مخــاليقه=حرام اسكت وانا صوتي..نثرته وجه لتباعي
يــا اول قلـــب يبـــكيني وتبـــكيني مــــــواثيقه=انا اطباعي ماهي زينه...ولكن هذي اطباعي
تغربني قـــوافي الموت واقـــود العمر تشريفه=اعيش بشبه غيبوبه واعرف ان الزمن واعي
اكمــلك وجع خوف وجع شــــوق وجع ضيقـــه=على كيفك......ترتبني حلالك كل اوجاعي

للشاعر / سليمان المانع





ابعاد فكر

[][دلــع نجد][]

يعطـــــــــــيكـ ألف عافيهـ أخوي أبعاد ..

وألف شكـــــــر على الحضور ..

،،

،،

قــــــول إنـــــك خنتنـــــي وتستاهـــــل إنــــــي أخونـــــك !

مـــــاأبـــــي أشـــــوف ضعفـــــك وإنكســــارك لــــــي ..

اللـــــي أبيــــه أثبـــــت لك إنــــي قـــــادر بلحظــــــــه أخـــــونــــــك

وفــــــــر كـــلامــــــك .. مايفيـــــــد كثـــــر الـــــرجـــــا

حياتـــــــي صــــــارت أكثــــــر سعـــــاده بدونــــــــك

شخـــــــــص(ن) جحــــدنــــــي وباعنــــي مثلــــــك

آخــــــــــر ... كــــــــــلامــــــي .. معــــــــــاه

( يشـــــــــرفنــــــي أخــــونــــــــــك ) .



دلـــــــــــــــع نجد

[عزتي راس مالي]

من اجمل الابيات اللي سمعتها ..........
..
..
..
..
..يا الوقت لا تقسى علينا بقوّة
يكفي قساوة ناس منّا وفينا

أول لهم حنا السند والمروّة
واليوم لا كنّا وقفنا ومشينـا


اخوكم...... عزتي هي راس مالي

[][دلــع نجد][]

ودي أدرس ولكن وين أنـا والـدروس
من تذكرت ينسى درسـه اللـي درس

أدخل الصف ماكنـي بظـن الجلـوس
وأغلب اللي بصفي شكو أنـي خـرس

حست أنا دفتري من ضيقة الخلق حوس
من كثر مارسمت قلوب حـب أنتـرس


دلــــــــــع نجد

[فهد الأسعدي]

تعبت أرجي مواعيد الغرام ورجعة الأحباب

تعبت أرسم على موج البحر حزني وكل مابي

تعبت من الدموع وما بقي غير الدموع أصحاب

تعبت من الجروح وكل ليلة تطرق أبوابي

[][دلــع نجد][]

الجوهرة ياكيف تمشي على القاع ........ حسبي على اللي جابها من بحرها

بعـض البنـي تـشـري الـذهـب يــوم ينـبـاع ........ تـبـي يـزيـن حالـهـا ويعمـرهـا

وبعـض البنـي مثـل الذهـب تلمـع ألمـاع ........ ضـاع اذهـب مــن يــوم حــط بنحـرهـا

لو أشرت يم الكوكب بالأصابع ....... كل الكواكـب حوّلـت مـع قمرهـا


دلــــــــع نجد

[فهد الأسعدي]

القلب لك ياصاحبي شيك مفتوح

سجل من أرقام الغلا ماطرلك

دامك ملكت القلب والعقل والروح

آآآآآمر ترى كل الثلاثة حلالك

[كيفي سعودي]

جاي تشوف الحال كيفه بعد ماهزه حنينه 000 وقبل يسئلني سئلته كيف حالك يالحبيب

قال انا كني غريب مضيع دروب المدينه 0 0 0 قـلت انا كني مدينه تنتتظر رجعة غريب

قال أجل وش فيك تكره سيرة الحب وسنينه 0 0 0 قلت وشلون ماآكره سيرته دامك تغيب

[ابعاد فكر]

تجر..ثوب.. الغطرسه.. والعنجهيه والدلال= تمشي تقل تمشي على شي تخاف تكسره
ساق يعزم ساق /وخصر/ ان مالت السيقان مال=ينثر (عناقيد الغنج)...... والشوف... يتليه بشَرَه
حتى ( الرصيف) استانس لخطواتها فوقه وطال=كل ما وطت حجر... (غمز).. للى وراه.. يبشره
شربت زمزم حسنها.. حتى سكرت من الجمال=مثل الذى ما شاف خير..او شاف.بس استكثره
وظليت( لا نايم) واقول:.. اسرفت يا حلم بخيال=ولا واعى اشهد غيرها.. ما خلّفت (حوا) ..مرَه
تكلّفت ..،..عبث،... تبى تستّر...(بغربال)..شال=ولا كلف الله.. نفس ذاك الشال... فوق المقدره
وجهٍ.. تنفس به صباحٍ..... من صباحات الشمال=اصفى من الطيبه بياض....ان ما تنرفز... احمره
تفاحتين..ليا ضحكن،... قل مات سوق البرتقال=وليا بكن،..... توردت مكانهن.......... الف ثمره
وتوتٍ.. طغى...واستفحل..وعاث بشفايفها زلال=تستطعم.... ليا بلّته ( بالريق)...... نكهة سكره
و(ثغرٍ)... يحج الشوف غصب لقبته من غير بال=الله يرحم.. من لمس ركنه..... ومن حب حجره
و(جفن) ان تثاوب زلزل العقل ونفش عهن الهبال=تقوم... بالروح القيامه... قبل ما....... تستغفره
وهذا لحال ، ..و (قدّها) المنحوت من جوهر لحال=سبحان من قال..( لعجينة طينها).... كن جوهره
تقفى...( بردفٍ ).. ما تقول الا تقل ينده ..تعال=وتقبل..( بصدرٍ )..ما تقول الا..... من اللى زرّره
والثوب ..ما كنّه مصدّق..تلبسه..ابن( ال..حلال)=حتى.. حضنها حضنةٍ....يا( علّ ربى)..... يقهره
حسنٍ سفك.. دم الانوثه..وانتهك..عرض المحال=ومن( كفّها الغض).. انتهض.. نورٍ...تكاسل اكثره
جت بأول الشارع.. ولا ادرى.. عقبها من لا يزال=ما يلقط انفاسه....ولا عقله.....ولا... غض بصره
هذا وانا.. ما شفتها الا...بين.. سجده.. واعتدال=من جفن.. يقسم غيرها..ما شافت عيونه.. مَرَه

لاحد الشعراء



ولانكم تستحقون الجمال

نقشتها هنا









ابعاد فكر