المهم ترى مقدمه مافيه موضوعي وحره <--ياشين شغل التمنن
يومني صغيره مدري وش قرد امي الا تبي تسافر مع خواتها <-- خالاتس
عاد انا اللي يشوفني الحين منيب مستانسه الا متشققه ومبسوطه بنسافر عاد وين بنروح اللي بيسمعنا بنروح بريطانيا كلها الطايف ندور البراد اسأل الله الجنه
الأهم وشو معي بنت خالتي ساره ندى هذا اهم شي رفيقة الطفوله وتمعيط الشوش وابوي احلى من ابوتس وابوي ابيض وانتي ابوتس اسمر ابوتس يلبس نظاره وابوي مايلبس من زين اسمكم عائلتكم تفشل والثانيه تقول عاد من زين عائلتكم ومافيه الا مجالد ومانرتاح الا كل وحده تشوف شعر الثانيه في يدها واللي في يدها شعر اكثر هي الفايزه <--ترى كل ذي نبذه عن حياتنا يومنا بزران انا وندى بنت خالتي
المهم تولمنا وكشخنا ولبست فستان مكشكش وشراب فيه كلفه ترى كشخه ذاك الوقت لحد يضحك
ورحنا المطار وركبنا الطياره وكل وحده تبي تقعد جمب الدريشه وامهاتنا يقولون اها بس انطقي فيذا والله معد اخذتس معي ابو المنه تراه سفر مب عزيمه
المهم يوم جابو لنا الوجبه مدري وش يحسون به الخطوط ذيك الايام يحطون لبن
عاد انا وحدتن منيب اشربه ولااحب ريحته وباحلتن به يمه وخريه خليه ولاتشربينه محد قالتس اشربيه واخذه واروح به لندى يقالي بعطيها اياه كانها تبي تشربه وينكب تحت الكرسي حقهم انا وجهي قعد يلون من الفشيله وابوها عطاني كم كلمه حسيت اني اكسر الخاطر عشان ابوي مب معنا يعني وعنده استلام وحاله في الرياض تذلوني <-- ابحلف لو ابوتس افيه اول من يلفختس هو بس على قلبي زي العسل ولا يهاوشني ابو ندى
المهم وصلنا وش حليلنا نروح ونجي ومانتطاق كثير (نتهاوش) صايرين البنات الخقق
ونروح ذاك اليوم مدري وينه له والله اني مدري وش المكان كنه بر بس نشوف الشارع وفيه بقالات واشاره يعني مدري وينهم مودينا له ولاعبين علينا يقولون بر <--لاخايفين من خشتس
ابو ندى ماراح معنا رايح معنا زوج خالتي الثاني خالتي الصغيره يعني مافيه الاقوة فتشه
المهم يسولفون وانا وندى يقالنا نتمشى بس مانبعد المهم طقت في راسي فكره معي عشر ريال لحد يضحك قسم بالله معد احط لكم موضوع فيذا
قلت يالله خل نقطع الشارع دام الاشاره حمرا والسيارات موقفه قالت يالله ونتماسك يدين بعض وندرعم يوم وصلنا عند السيارات الا ذيك التريله واقفه قلت ندى خل ندخل من تحتها قالت يالله وادخل قبلها واطلع وتدخل هي وتطلع الا قزنا رجل خالتي من بعيد وهو اللي ينطلدز في الشارع جينا من الشارع الثاني يابنات وانا وياها تطقنا النفاضه وزعلانين نحش فيه بعد نقول وراه يقول بنات الايه كل وحده تقول والله لااعلم امي عليه المهم مامدانا تونا داخلين البقاله وانا اقول ماعندكم اشياء حقت كبار قسم بالله كل ماتذكرت هالجمله يضيق صدري وش اشياء حقت كبار يقالي ابي اشتري لابوي شي بس ماعرفت اعبر بزر ترى يمكن عمري ست او سبع سنين <--العمر كله ياقوومر
ويجينا زوج خالتي ويكمخنا تكميخ واقعد اصيح واشاهق اقول بشتري هديه لابوي قال امشي امشي قدامي انتي وياها وانا اشاهق قال الله ياخذ اعماركن فيه احد يقطع من تحت تريله افرضو انها مشت بتموتون لاياشيخ ترقع بنات الايه تقول بتموتون مانسيناها ترى
وماسكنا كل وحده بيد وسمت يديه في يدينا
ونجي قالت امي تعالي وجلد مع وين مااونس وخالتي ساره تليخ ندى جعلكم الجني وجعلكم وجعلكم بتنكدون علينا الله واكبر اللي بيسمعهم مودينا شاليهات اليمامه ترى كله بر ومشكوك فيه بعد
ويربطونآ في السياره بحبل انا وندى نناظر بعض ونضحك كل ماتذكرنا ذا الحركه قسم بالله نقول اشوى انا مامتنا
بس قسم في قلبي هدية ابوي يعني مدري وش كنت بشتري من البقاله المشكله بس اهم شي حق كبار ورجعنا للرياض وخمخمت ابوي وقلت له احبك وترى بشتري لك هديه بس ماقدرت عيا علي فهد اروح البقاله (فهد=رجل خالتي ) الله يشفيه يارب
وبس هذي كل السالفه دحدرو عاد اقولكم مايستفاد من قصيصتي
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههه والله رهييييييييييييييييييييييييييييييييييييييييب هههههههههههههههههههههههههههههههههه ميته ضحكككككككككككككككك هههههههههههههههههههه اما فستانك يجنن ههههههههههههههههههههه والا انتي وبنت خالتك تحت التريله هههههههههههههههههههههههههههههههه مو معقووووووووووووووله اوووووووووووووف خطيييييييييره بصراحه اسم على مسمى هههههههههههههههههههههههههههههههههههه.............. ....................مشكوووووووووووره ياقلبي على هالموضوع والله يجنن........................
قصتي انا وبنت خالتي يوم كنا بزارين
<--ياشين شغل التمنن 
العرض العادي
