البارحه كني على راس محراب*()*ما ذقت من نوم الهنا غير قله
والا كسيرا طاح بالحرب منصاب*()*عليه من عطف المناقر تمله
عليك ياللي لابسا حسن الارواب*()*والعين حورا بالهدب مستظله
توه صغير ولا على وجهه حجاب*()*وشعره شليش مغطي الصدر كله
عينه كما عين الوحش راس مرقاب*()*شاف الحباري والغداء مشرها له
لاهو قريب ولا بعيدا من اجناب*()*عسى العذارى كلهن فدوة له
ما استثني الا الطيبه بنت الاحباب*()*بنت الرجال اللي تفك الاذله
والعصرشفته فاتحا ذرفة الباب*()*يبغى يعاتبني وانا ما حصله
لا والله الا دونها عطف الاشناب*()*ولا فيهم اللي يعرف الحب كله
وجدي عليها وجد من فوقه ارقاب*()*في المحكمه لقيوا عليه الادله
عشره سنين يحقق وياخذ عقاب*()*وراحت حياته بين ياس ومذله
من لامني في حبها ماله اقراب*()*بانت عليه من الليالي مطله
خده كما البراق في جوف الاسحاب*()*وسميتاً بعد العشاء مستهله
حق الله انه نايلاً كل الاعجاب*()*يالله عسانا بسنتك نستحله
حق الله ان القلب من شوفه انصاب*()*انشهد ان الحب عله بعله
حبي شرف ما محبات لعاب*()*واتل قلبي تلتيناً تتله
بنت الرجال اللي يفكون الانشاب*()*يوم الشرود يجفله راس ظله