أنا لو كان بامكاني أخليها
أقول الحين ناسيها وما بيها
ولكن حبها سلطان يحكمني
رغم تعذيبها قلبي يداريها
وهي بالهجر تسقيني وترويني
وأنا بالشعر أسقيها وأرويها !
ومن زود الغلا أكتب أساميها
لاجل أقرأ أساميها وأناديها !
وصورة طيفها الماكر تلعب بي
وللنيران يشعلها ويطفيها !
وانا احميها ولكن منهو يحميني
أنا منها إذا تزعل ويرضيها !
إذا أجمع إذا أطرح إذا أخسر
إذا أربح بكل حالة انا اشريها !!
تقيدني بأرض الحب سجّانه
فكيف أمشي إذا ودي أجاريها ؟!
أنا المسجون بلا بيبان لو ألقى
أنا البيبان بأهرب من أراضيها !
,, ضميان غدير ,,
مأجمل هذا ألعزف ألفريد ,,
أسلوب راقي وتطويع للحرف للخروج بكلمة معبرة وبأجراس منعشة
صح كلك ودام أبداعك ,,
أسجل أعجابي بهذا ألنظم ألبديع ألمغرد ,,
وأمل قبول تحياتي وتقديري مع وافر أعجابي ,,
أخوك / أبومحمد ,,,,,
العرض العادي
