فرقاك عيد

[نايف الشريف]

شهر العسل


شهر العسل إسمه على وصفه صحيح
عقبه يجيك من العنى والملعنا

وإن كان ماهزّك من الأرباح ريح
إن شفت نفسك قل هو هذا انا ؟

ايه انت ياللي ماكِتب له يستريح
إيه إنت ياللي من فعل كفّه جنا

إبشر بهم وغم وإبحيل(ن) يطيح
وعمر قبل ولادته راح وفنا

[دولار]

صح لسانك يا نايف ...

ذكرت ابيات قديمة قلتها على طاري فرقاك عيد ..

فرقاك عيد ولو يجي بأول العيد
اشوفه بعيني مثل عشرة اعياد

لكنها راحت مثل كل شيء ..

يعطيك العافية .

[نايف الشريف]

صفحات الكتاب


ياهلا براحة ضميري عدت انا والقلب طيّب
مرحبا بالخاطر اللي يِسعدِه طول الغياب

جيتكم بالصدر خالي لا خليل ولا حبيّب
جيتكم في عيد فرحه مكتسي طيب الثياب

وإن بغيت العلم صامل حزّة الفرقا قريّب
أخذ من السعد حزّة مايجي فيها عذاب

حاضر(ن) بالي ولاني للعقل جاهل مغيّب
عقب عيد الحج ياصل صاحبي نص الخطاب

علمي الصامل حكيته لا مُعاب ولا معيّب
كافي(ن) عمر(ن) قضيته يوم كنت من الشباب

يوم صرت اليوم شايب والشعَر نصّه مشيّب
كافيه لي ذكرياتي نص صفحات الكتاب

[نايف الشريف]

اقتباس المشاركة الأصلية كتبت بواسطة دولار صح لسانك يا نايف ... ذكرت ابيات قديمة قلتها على طاري فرقاك عيد .. فرقاك عيد ولو يجي بأول العيد اشوفه بعيني مثل عشرة اعياد لكنها راحت مثل كل شيء .. يعطيك العافية .

يامرحبا وياهلا وغلا

كيفك الحال يالغالي
ادعو الله ان تكون بصحة جيدة

صح بدنك
نورت

وعلى طاري قولك
(راحت مثل كل شي )
بقول

مايروح الشي باقي دام لك فالجسم روح
والطريد اللي مروّح غصب عنّه تلحقه

وإن كان فالقصه عنا وإن كان في قلبك جروح
الدرب لامنه تغيّر دوّر اول مفرقه

[نايف الشريف]

سن الطفوله


بنشدك عن شايب يعيش اليوم في سن الطفوله
عايش حياته من جديد وخالي من الذكريات

كل شي تغيّر في حياته واختلف كل شي حوله
للحيا معنى جديد ومعجبه معنى الحياة

لنه يعيش العمر حر وماخذه عرضه وطوله
ماهمّه اللي راح راح ولا يهمّه مقبلات

ودّه على ماقال يلعب قوله وهذا يقوله
والسعاده عقب راحت عوّدت للعود جات

[شمس القوايل]

| !! |نايف الشريف| !! |
مأروع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بخير ..
شمس القوايل

[نايف الشريف]

اقتباس المشاركة الأصلية كتبت بواسطة شمس القوايل | !! |نايف الشريف| !! | مأروع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليها .. دمت بخير .. شمس القوايل

السلام عليكم ورحمة الله وبركاته

كل الشكر والتقدير على تشريفك بالزيارة

وأكرر الشكر والتقدير على تثبيت الموضوع

لكم خالص الود
والتقدير

[نايف الشريف]

سلام ياصمت الفؤاد وراحة الصدر الوسيع
سلام يابال(ن) تَهَدَى من كثير الثرثره

سلام ياقلب(ن) يعاف وبأسرع أوقاته يبيع
يبيع من يقسى عليه ولا يحب الجرجره

وسلام يانفس(ن) تعز الطيب وزهور الربيع
إتحب من ينظر بحب ولا تحب المَنْظَرَه

[نايف الشريف]

قَص الأثر


لاتقصين الأثر ضاعت خطاوينا وراح
حب(ن) من الماضي رحل وإنزاح ماحوله أثر

اصعب ليالينا مضت من عقب مابان الصباح
وليلك الماضي قضى من يوم ماطاح وعثر

[نايف الشريف]

اقتباس المشاركة الأصلية كتبت بواسطة نايف الشريف شهر العسل شهر العسل إسمه على وصفه صحيح عقبه يجيك من العنى والملعنا وإن كان ماهزّك من الأرباح ريح إن شفت نفسك قل هو هذا انا ؟ ايه انت ياللي ماكِتب له يستريح إيه إنت ياللي من فعل كفّه جنا إبشر بهم وغم وإبحيل(ن) يطيح وعمر قبل ولادته راح وفنا

شهر العسل يبدى ليا فارقت فالدنيا خليل
أبعدت عن دنياه ترحل وأكثر ايامك سفر

عادي تعيش إبعالمك مفرد ولا تنشد بديل
أقبلت للعالم نفر وبتترك العالم نفر