ترى الذبايح وأهلها ماتسّليني=أنا أدري إن المرض لا يمكن علاجه
أدري تبي راحتي لا يابعد عيني=حرام ما قصّرت يديك في حاجه
أخذ وصاتي وأمانه لاتبّكيني=لو كان لك خاطرٍ ما ودي أزعاجه
أبيك في يديك تشهدني وتسقيني=أمانتك لا يجي جسمي بثلاجه
لف الكفن في يديك وضف رجليني=ما غيرك أحدٍ كشف حسناه واحراجه
أبيك بالخير تذكرني وتطريني=يجيرني خالقي من نار وهاجه
سامح على اللي جرى ما بينك وبيني=أيام نمشي عدل وأيام منعاجه
همي عيالي وأنا اللي فيْ كافينـي=علمهم الدين تفسيره ومنهاجه
العرض العادي
