لاتفتح الجرح تكفى خلّه في معاليقه . ْ . ْ جروح قلبي تـداعت واحد ورى الثاني
اللــه ياوسع هالكون وانا احس بضيقه . ْ . ْ لاربع ولا رفاقة حتى زماني جفاني
الحـظ مايل وان اعتدل وقتي يعيقه . ْ . ْ كأن الزمن يهدي للعمر لحظات الاحزاني
مثل الغريب عايش في مجتمع ماطيقه . ْ . ْ صمت العيون ودمعها الازرق صار عنواني
دورت للفرح وانا للاسف مخطي طريقه . ْ . ْ ياكيف بفرح وبي جـرحن من الخلاني
شيئـ[ن] ذهلني يصعب علي تصديقه . ْ . ْ وشلون عديل الروح يشمت في عداوني
ترى الحـب يامرخصينه عهودن وثيقه . ْ . ْ ماهي سوالف ليل وبسمات الاسناني
الصاحب اللي يبـور بـ محبة رفيقه . ْ . ْ في ذمتي خده ما قد سقاه دمع الاعياني
لابوه الحب ولابوه وقتن طيحني بمزاليقه . ْ . ْ ضاعت حياتي في رجآ خلن نساني
بأي حق يهجر قلبن حطــه عشيقه؟ . ْ . ْ وبأي حق ابكيه كل ليل وهو مابكاني
ياقلب لاتبكيه بعـد اليوم ياعلّه حريقه . ْ . ْ مادام شفت منه الجفآ بجفاه بحقراني
ابيه يعرف معنى الـوفـآ والحب بحقيقه . ْ . ْ وابيه يعيش ميت بسهمه اللي رماني
الشعر احيان تتعبني معانيه وطواريقه . ْ . ْ مثل الجفـآ لاجآ من اللي بالصـد نواني
ياشعري اسكت جرحي خلّـه في صناديقه . ْ . ْ ابيه يبقى معي هو الوحيد اللي هواني