{ .......حُرُوفْ إسْتَثَنَآئِيَةْ ...}

[آوهآآم]

ما أبي من زود حُبي .../ أربكك !
_______ لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
_______ أدري إنِّك واقع / وتطري البيوت ..

يا عيون الريم وشلون أشبكك ؟!
_______ من يشوفك قال : ما شا الله توت ..!

[آوهآآم]

موَّت غيابك سوالفـ في [ حشاي ] !
كيف ترضى غيبتك تقسى علي ؟!

ماني متخيِّل أشوفك مو معاي !
ياللي تسوى في عيوني " كل شي " !

الشتا , فرقى عيونك يا دفاي !
ما يموت الحُب ونبض القلب حي !

[آوهآآم]

قلتي ..
" أحبك "
من بعيد و ....... ضعت
شوفي عاد , لو من قريب ؟
ما تغيب أحلام قلبي في وجودك
لك أسلِّم نفسي , أربطني بقيودك
جابك الله ..؟
مدري لي جابك نصيب !

[آوهآآم]

إختلفنا
وماعرفنا شنهو الراي السديد ..
يا تضحِّي في عنادك ..!
أو أضحِّي في سبيلك !

ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !

[آوهآآم]

[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك

[آوهآآم]

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

[آوهآآم]

قالوا ( بلادك ) قلت قلبه : بلادي
يعني أحبه ومن دواعي سروري

قالوا الركاده قلت مجنون : غادي
عقلي يحبه , ورايكم مو ضروري

قالو تبيه ..؟ وقلت حتَّى : فؤادي
طاريه دهن العود .. وطيفه بخوري

آنا بـ وادي وهـ الخلايق بـ وادي
أغيب عن هـ الناس أخفي حضوري

[آوهآآم]

لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] , ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

إذا لِك يُوم مِتضايـق ..؟ أنـا الضِيقـات أيامـي
وإذا لِك يُوم تذكِرنـي ..؟ أنـا النسيـان زعَّلتـه

[آوهآآم]

يا ( سيِّدة شعري ) أنا .. قومي إرقصي بين السطور
في داخلي شوق / وعذر .. والله يعين المبتلي ..!

زعلانه مني ! وتنهدم فيني ملايين القصور
لأنك طموحي .. ورغبتي .. وتخطيطي |. لـ مستقبلي .|

" بركان " شعري .. ما هدى وخايف مع المُده يثور !
في غيبتك .. شفتي { الشعر وشلون فيني ينغلي } ؟

زعلانه أدري .. وضيقتك في داخلك أربع شهور !
وتأكدي إنَّ إزْعَلِك .. هو يُعتَبَر نفس إزعَلي

[آوهآآم]

تعبتْ / وما صِدَقْ حَظي وفوق الهم أشيل .. الهَم
صغيرٍ في العمر آنـا .. وكبيـره حيـل مأساتـي

محدْ يدري عن أخباري , محد ../ في دنيتيمهتم
وحيدْ أمشي مع همِّي وكبيرْ " الحزْن " فـي ذاتـي

سِمَعْ قلبي عَنْ الراحَه { واهيَّه مِنْ الوهـم }أوهم
أعيشْ آنا بوسط واقعْ .. نهاياتـي فـي بداياتـي


••